फिलिप्पी 4:6 - घले नयाँ करार

⁶ चैपोनेये सूर्‌त अन्‍चील्‍लाची, तर नमयूने हर्‌जो क्यूरब से परमेश्‍वरप्रे प्रार्थना चीत्‍देबे य, मेस्ये धन्‍यवाद पीन्देबे बिन्ती ची।

फिलिप्पी 4:6 Cross References

मत्ती 10:19

तर कन्‍छ्वाब थमयूदे नमयूने चूङ्गीय, हन्‍छ्वाब केर्‌बे च क्‍यम यदेबे सूर्‌त अन्‍चील्‍लाची। चेनेयलो नमयूदे च क्‍यम पर्‌दे, हन्‍छ्वाबने नमयूने लोम्‍मीय।

मत्ती 13:22

चो पोङ्जे नङ्ने पर्‌तीयेब लूजे अर्थ अम्‍ब ख्यङ्। थमयूदे परमेश्‍वरजे वचन ङ्यीन्देबेये अम्‍ब संसारजे सूर्‌त, मेस्‍ये सीर-सम्पत्तिजे मायादे हम्‍ब वचनने चेलाबे काम चीस्‍से अम्‍पीन्, मेस्‍ये हम्‍बदे चै फलये पीन अङ्‍खू।

मत्ती 6:34

होरेक्‍यूत्‍देबे नैदेजे लागि फिक्री अन्‍चील्‍लाची, चेनेयलो नैदेरेजे फिक्री नैदेजे दिन‍देने चीक्‍क्‍य। दीनीजे दु:ख दीनीजे लागि पूग्‍दीक ख्‍यङ्।”

मत्ती 6:8

येरेक्‍यूत्‍देबे थमयूप्र अन्क्‍यूर्‌लाची। चेनेयलो ङूने नमयूदे स्‍ययली खूम्‍ने नमयूने च-चसे हर्‌जो ख्‍य, हम्‍ब नमयूजे पदे स्ये ख्‍यङ्।

लूका 10:41

तर येशूदे जवाफ पीन्‍देबे ङूने यदे, “मार्था, मार्था, न कूम पोजे बारेने सूर्‌त चीत्‍देबे सेम् मङ्न ख्यङ्।

लूका 12:22

येशूदे ङूजे स्यूस्स्यायूने यदे, “होरेक्यूत्देबे ङ नमयूने यीय, रङ्से प्राणजे लागि च चकै मेस्‍ये ङ्वने च ह्‍वे यदेबे सूर्‌त अन्‍चील्‍लाची।

लूका 12:29

नमयू च थूङ, चैसे च यदेबे सूर्‌त चीत्‍देबे मेस्ये मल्‍देबे अन्टोङ्लाची,

लूका 18:1

नमयू येतार्‌ने प्रार्थना चीन्‍नू मेस्‍ये सेम् अन्सीलाची यदेब येशूदे थमयूने उखान त्‍या स्‍योत्‍दे:

लूका 18:7

च परमेश्‍वरदे ङूने नो-मून् बिन्ती चीन्‍नब रङ्सेदे सेलब मीयूजे न्याय अन्‍चीम्‍मे स्व? च ङूदे थमयूजे लागि गलाबे चीक्‍क्‍या स्व?

१ कोरिन्थी 7:21

परमेश्‍वरदे कोब नमयू त्वो-त्वोम ख्‍य यलो सूर्‌त चे अम्‍पर्‌ती तर बन्धन्दे छूर्‌तेब मौका प्रेल्‍लो छूर्‌तीदे टूङ्।

१ कोरिन्थी 7:32

ङैजे सेम् ब नमयू क्‍वाने सूर्‌त अन्‍चील्‍लाबे टूङ्स्‍य यब ख्यङ्। ङ्येन् अन्‍चेब मीदे केर्‌बे प्रभुने सूग्‍लाबे चे यदेबे प्रभुजे कामने नीम् ध्‍यान् पीन्‍क्‍य।

२ कोरिन्थी 1:11

नमयूदेये ङीजे लागि प्रार्थना चीत्‍देबे तोङ्मे पर्‌दीय। येर्‌बे कूम मीदे प्रार्थना चीत्‍देबे ङीदे असी प्रेक्‍क्‍य, मेस्‍ये कूम मीदे ङीजे लागि धन्‍यवाद पीन्‍क्‍य।

एफिसी 5:20

ङीन प्रभु येशू ख्रीष्‍टजे मीन्‍ने परमेश्‍वर पने साप्‍ता पोजे लागि येतार्‌ने धन्‍यवाद पीन्‍नू।

एफिसी 6:18

येतार्‌ने प्रार्थना ची, परमेश्‍वरने तोङ्मी य। कम्‍ब बीलनेनेने यली पवित्र आत्माजे बोङ्दे प्रार्थना चीत्‍देबे टूङ्। अम्‍ब पो सेम्‍ने हीत्‍देबे येतार्‌ने होस्स्यार क्‍यूत्‍देबे परमेश्‍वरजे पवित्र मीयू क्वाजे लागि येतार्‌ने प्रार्थना चीन्‍नू।

कलस्सी 3:15

ख्रीष्‍टजे शान्तिदे नमयूजे सेम्ने राज्‍य चीस्‍स्‍य। अम्‍ब शान्तिजे लागि परमेश्‍वरदे नमयूने ङ्वत्‍याजे अङ्गयू क्‍यूरने क्‍व ख्यङ्, अम्‍बजे लागि नमयू येतार्‌ने धन्‍यवाद पीन्‍नू।

कलस्सी 3:17

नमयूदे काम प्रे पोने चने चील्‍लीने येशूने क्‍यूत्‍देबे परमेश्‍वर पने धन्‍यवाद पीने पीने हम्‍बयू क्‍वाने प्रभु येशू ख्रीष्‍टजे मीन्‍ने ची।

कलस्सी 4:2

होस्स्यार क्‍यूत्‍देबे मेस्‍ये परमेश्‍वरने येतार्‌ने धन्‍यवाद पीन्‍देबे येतार्‌ने प्रार्थना चीन्‍नू।

१ तिमोथी 2:1

पात्‍ता खूम् ङ बिन्‍ती चीक्क्‍य, मीयू क्‍वाजे लागि चीद क्‍यूत्‍देबे प्रार्थना मेस्‍ये बिन्‍ती ची होर्‌दे धन्‍यवाद पीन्स्य,

१ तिमोथी 5:5

तर सूजे तम्दम्‍ने प्‍ल्‍यङ् सीये ख्यङ्, होर्‌दे ङूजे सूये त्‍वोलो, ङूदे परमेश्‍वरजे आशा चीक्‍क्‍य, मेस्‍ये नो-मून् परमेश्‍वरदे तोङ्मीस्य यदेबे प्रार्थना चीन्‍नीय।

१ पत्रुस 4:7

अम्‍ब संसार‌ जेन्टबसेमे फ्‍योर ख्यङ्। होरेक्‍यूत्‍देबे नमयू रङ्से शुद्ध सेम् मेस्ये होस्स्यार क्यूत्देबे प्रार्थना चे खूइय।

१ पत्रुस 5:7

नमयूजे सूर्‌तयू क्‍वाने ङूजे लाने सूम्‍दीपी, चेनेयलो ङूदे नमयूजे ख्याल चीक्‍क्य।