फिलिप्पी 4:12 - घले नयाँ करार

¹² हर्‌जो क्‍यूर यब च ख्यङ् हम्‍ब ङैदे स्‍ये ख्यङ्, मेस्‍ये मोक्‍तो क्‍यूर यब च ख्यङ् हम्‍बये ङैदे स्‍ये ख्यङ्। कलाबे चप्रे क्‍यूप्‍प या चअम्‍प्रे क्‍यूप्‍प, मोक्‍तो क्‍यूप्‍प या अम्‍पूक्‍ते-अनुसार‌ते क्‍यूप्‍प, ङै फ्‍याने येर चने पर्‌तीरली सून्‍ताकी क्‍यूत्‍देबे केरे जीया च पर्‌दे यब नङ्सू पो ङैदे लोम्‍क ख्यङ्।

फिलिप्पी 4:12 Cross References

मत्ती 11:29

नैफ्‍याने ङैजे जूवा येत्‍देबे ङैप्रे लोम्, चेनेयलो ङैजे सेम् सोरो ङ्येमब मेस्ये अन्‍त्‍वेब ख्यङ्, मेस्‍ये नमयूदे रङ्से आत्माने गैन सङ प्रेक्क्‍य।

मत्ती 13:52

होर्‌दे येशूदे थमयूने यदे, “येरेक्‍यूत्‍देबे स्वर्गराज्‍यजे शिक्षा प्रेब पन्‍डेयू क्वाने कीम् त्याजे मालिकप्र ख्यङ्। ङूदे रङ्से बेङेदे कूम लूजे सर् मेस्ये ङीङ् सामानयू फीने योन्‍क्‍य।”

२ कोरिन्थी 10:1

ङ पावल, नमयूजे खूम्‍ने क्‍यूप्‍प सोरो चीद क्‍यूक्‍क्‍य, तर चीन्‍तङ् क्‍यूप्‍प नमयूजे लागि सेम्ने आँट रीय। ख्रीष्‍टने ख्‍यब चीद क्‍यूरब मेस्‍ये ङ्येमब सेम्दे ङ नमयूने बिन्‍ती चीक्‍क्‍य।

२ कोरिन्थी 10:10

चेनेयलो कोइदे य ख्यङ्, “ङूदे लिख्देब चिट्ठीजे पोयू सोरो भरपर्‌तेब मेस्‍ये मीजे सेम् छ्वेब क्‍यूक्‍क्‍य, तर ङू ङीनप्रे क्‍यूप्‍प ङू बोङ् त्वब क्यूक्‍क्य मेस्‍ये ङूदे क्‍यमब पोये चैकम्‍‍तेब क्‍यूक्‍क्‍य।”

२ कोरिन्थी 11:27

ङैदे येरे छेम्‍प्रे चीत्‍दे मेस्‍ये सकस् भोक्‍तीदे, अन्-ङ्यूम्लाबे कोला मून् चदे, ठीले-ठीले मेस्‍ये क्‍यू फै-फै टूङ्दे, कूमफे चैये अन्‍चलाबे टूङ्दे, ड्वे रब कोला ह्‍वेअम्‍प्रे क्‍यूत्‍देबे सोरो खङ्दे।

२ कोरिन्थी 11:7

नमयूनेब केन् चेने ङ रङ्से चीद क्‍यूस्‍स्ये पीन्‍देबे परमेश्‍वरजे सूगब खबर ङैदे नमयूने चैये अन्‍कीन्‍लाबे स्‍योप्‍प ङैदे पाप चीक्‍कया?

२ कोरिन्थी 11:9

मेस्‍ये कन्‍छ्वाब ङ नमयूप्रे ख्‍य हन्‍छ्वाब ङैने हर्‌जो क्‍यून्‍नूलीने ङैदे नमयू सूनेये चैये अन्‍स्‍य, चेनेयलो माकेडोनियादे रेकब च्योन्‌यूदे ङैजे हर्‌जोने पूरा चीम्‍मीदे। येरेक्‍यूत्‍देबे कम्ब तर्‌तीप्‍देये नमयूने ङ चैये अन्‍स्‍य मेस्‍ये ङ्येदेये स्‍यस्ये त्‍वो।