फिलिप्पी 3:8 - घले नयाँ करार

⁸ अन्छूत्यात्या दी, ख्रीष्‍ट येशू ङैजे प्रभुने स्‍ये प्रेब सोरो फत्‍या केन् पोप्रे कर्‌देयलो सूजो पोयू क्‍वाने हानी क्‍यूर टोङ् यदेबे ङ मन्‍क्‍य। ङैदे येशू ख्रीष्‍टने प्रेखूस्‍य यदेबे साप्‍ताकूरूने पोङ्ये ख्यङ् मेस्‍ये अम्‍बयू क्‍वाने छाबेब फोहोर-मैलाप्रत्‍या ख्यङ् यदेबे मन्‍क्‍य,

फिलिप्पी 3:8 Cross References

लूका 1:43

ङै फ्‍याने केर्‌बे येर कृपा क्‍यूत्‍दे यी ङैजे प्रभुजे म ङै ट्‌याने रदे।

लूका 11:20

तर परमेश्‍वरजे ला औँलादे ङ छेत्‌यू योङ्क्‍य यलो, परमेश्‍वरजे राज्‍य नमयू ट्‌याने रेक ख्यङ्।

यूहन्‍ना 14:20

ङ ङैजे पप्रे ख्यङ्, होरप्रने नमयू ङैप्रे मेस्‍ये ङ नमयूप्रे ख्यङ् यदेबे हन्‍छ्वाब नमयूदे स्‍येय।

यूहन्‍ना 14:7

नमयूदे ङैने स्‍ये यलो, ङैजे पनेये स्‍ये ख्यङ्दे। जेम्‍सेमेस्‍ये ङूने स्‍येय, मेस्‍ये नमयूदे ङूने तङ्‍क ख्यङ्।

यूहन्‍ना 16:3

थमयूदे येर काम चीक्‍क्‍य, चेनेयलो थमयूदे पने अन्‍स्‍ये, मेस्‍ये ङैनेये अन्‍स्‍ये।

यूहन्‍ना 17:3

जेम्‍से कलङ्बेये अन्सीबब जीया अम्‍ब ख्यङ्, यी थमयूदे न, तीत्‍यात्‍या सत्य परमेश्‍वरने स्‍येस्‍य, मेस्‍ये नदे कूल्‍बेब येशू ख्रीष्‍टने स्‍येस्‍य।

यूहन्‍ना 17:8

चेनेयलो कम्ब पो नदे ङैने पीन्‍दे, हम्‍ब पो ङैदे थमयूने पीन ख्यङ्, मेस्‍ये थमयूदे अम्ब मन्‍दे ख्यङ्। नदे कूल्‍बीदेबे ङ र ख्यङ् यब पो थमयूदे पक्‍कने कोक ख्यङ्, होर्‌दे नदे ङैने कूल्‍बे ख्यङ् यदेबे थमयूदे विश्‍वास चे ख्यङ्।

यूहन्‍ना 20:13

स्‍वर्गदूतयूदे ङूने यदे, “ओ मो, चेने ङून?” ङूदे थमयूने यदे, “थमयूदे ङैजे प्रभुने कूत्‍यो, मेस्‍ये ङू केने येत्‍दे यब ङैने था त्‍वो।”

यूहन्‍ना 20:28

थोमादे येशूने यदे, “ङैजे प्रभु, मेस्‍ये ङैजे परमेश्‍वर।”

मूल स्यूस्स्यायूजे कामजे किताब 20:24

तर ङैजे रङ्से जीयाजे चैये ख्याल् अन्‍ची, मेस्‍ये ङ रङ्सेने माया अन्‍चील्‍लाबे रदे। परमेश्‍वरजे अनुग्रहदे सूगब खबरजे गवाही पीनने प्रब ङैजे काम मेस्ये प्रभु येशूदे पीनब ङैजे जिम्मा ङैदे पूरा चे खूस्‍य यदेबे, अन्छूत्यात्या मन ख्यङ्।

रोमी 8:18

ङ विचार चीक्क्य, अम्‍ब जीयाने ङीनदे भोक्‍तीनब सकस्यू, नङ्‍ग ङीनदे प्रेब महिमाप्रे करब लायकजे त्‍वो।

रोमी 8:39

या मोजे संसारदे या तोजे संसारदे या सृष्‍टि चीतेब पोयूजे कम्ब बोङ्देये ङीनने ख्रीष्‍ट येशू ङीनजे प्रभुने ख्यब परमेश्‍वरजे प्रेम ट्‍यादे छूर्‌तीबे अन्‍खू।

१ कोरिन्थी 2:2

चेनेयलो नमयूप्रे क्‍यूप्‍प ङैदे येशू ख्रीष्‍ट मेस्‍ये ङू क्रूसने बलि क्‍यूरेब पो त्‍यामे ह्‍वे चीत्‍दे सूजो साप्‍ताने येल्‍बेब पक्‍क चीत्‍दे।

१ कोरिन्थी 9:10

परमेश्‍वरदे ङीनजे लागि अम्‍ब य तेया? ङीनजे लागिने अम्‍ब लिख्दीये ख्यङ्। चेनेयलो रङ् य्‍वब प्रे दाइँ प्‍वेबदे खेतीजे भा प्रेक्‍कीच यब आशाने रङ् यूय मेस्‍ये दाइँ पूक्‍य।

२ कोरिन्थी 4:4

अम्ब संसारजे देऊता, शैतानदे विश्‍वास अन्चेबयूजे सेम्ने म्या अन्तङब मीप्र बन्द चीप्पे ख्यङ्। थमयूदे सूगब खबरजे महिमाजे ओथ्याङ् तङ अङ्‍खू। थमयूदे परमेश्‍वरजे खास रुप् ख्यब ख्रीष्‍टजे महिमाजे बारेने ख्यब अम्ब खबर क्व अङ्‍खू।

२ कोरिन्थी 4:6

“मून्‍दूङ् नङ्दे ओथ्याङ् क्‍यूस्‍स्‍य” यदेबे परमेश्‍वरदे य ख्यङ्। हम्ब परमेश्‍वरदे येशू ख्रीष्‍टजे त्‍वाने तङब परमेश्‍वरजे महिमा ङीनदे स्ये खूस्य यदेबे ङीनजे सेम्ने अम्ब ओथ्याङ् चेम्कीतीमे ख्यङ्।

गलाती 1:16

कन्‍छ्वाब यहूदी तेबयूजे अन्‍द्रने ङूजे प्रचार चेजे लागि रङ्से च ङैने तम्‍मेने ङू सूग्‍दे, हन्‍छ्वाब ङैदे सूमीप्रेये चै मोतोये अन्‍ची,

एफिसी 4:13

येर्‌बे अम्‍ब बरयूजे कामयूदे ङीनने विश्‍वासजे मेस्ये परमेश्‍वरजे चजे ज्ञानने त्या क्यूर प्रेजे लागि तोङ्मीय, मेस्‍ये तीया ङीन पाको मी क्‍यूत्देबे ख्रीष्‍टजे पूरा नापसेमे फ्योबी‍य।

फिलिप्पी 1:1

येशू ख्रीष्‍टजे त्वोयू पावल मेस्‍ये तिमोथीदे, ख्रीष्‍टने विश्‍वास चेब फिलिप्पीजे बिशपयू मेस्‍ये डिकनयू होर्‌दे परमेश्‍वरजे पवित्र मीयू क्‍वानेने अम्‍ब चिट्ठी लिख्दीन ख्यङ्।

फिलिप्पी 3:10

ङैदे ख्रीष्‍टने मेस्‍ये ङूने सीइदेबे फेरि सोम्‍बो क्‍यूरब शक्तिने चेलाबे स्‍ये खूस्‍य। ङ ङूजे दु:खने सामेल् क्यूत्देबे ङू सीयेब बीलसेमेने ङ ख्रीष्‍टप्रने क्यूत्दीङ् र ख्यङ्।

फिलिप्पी 3:12

अम्‍बयू क्‍वाने ङैदे मालाङ्ने प्रेक्‍क ख्यङ् या साप्‍ता पोदे ङ मालाङ्ने सिद्ध क्‍यूक्‍क ख्यङ् यदेबे दी, तर कम्ब सिद्धताजे लागि ख्रीष्‍टदे ङैने रङ्सेजे चीत्दे हम्‍ब सिद्धता प्रेजे लागि ङ बोङ् चीन्‍न ख्यङ्!

फिलिप्पी 3:7

तर ङैजे लागि फाइदा क्‍यूरब साप्‍ता पोयू ख्रीष्‍टजे लागि हानी क्‍यूर टूङ् मन्‍दे।

२ तिमोथी 4:6

चेनेयलो ङब बलि क्यूर मल्न ख्यङ्। जेम्‍से नमयूप्रे छूर्‌दीदे प्रब ङैजे दिन ट्‌याराङ् फ्‍योर ख्यङ्।

हिब्रू 3:14

कादेये ङीनदे चेब हम्‍ब खूम्जे विश्‍‍वास आखिरीसेमे बोङ्बे चूङ्नूदेयलो, ख्रीष्‍टदे प्रेब हकने ङीनये सामेल् क्‍यूर प्रेक्‍क्‍य।

१ पत्रुस 2:7

येरेक्‍यूत्‍देबे नमयू सू-सूदे विश्‍वास चे ख्यङ् हम्‍बयूजे लागि ङू कूम लूजे ख्यङ्, तर ङूने विश्‍वास अन्‍चेयूजे लागि ब, “कीम् थ्‍याब मीयूदे कम्‍ब लूङ्ने छाबीदे, हम्‍ब लूङ् ब जाने प्‍वे सूर्‌ लूङ् क्‍यूत्‍दे।”

२ पत्रुस 1:2

परमेश्‍वरजे मेस्‍ये येशू ङीन प्रभुजे ज्ञानने अनुग्रह मेस्‍ये शान्ति नमयू फ्‍याने बेस्से कूम क्‍यूप्‍पस्‍य।

२ पत्रुस 1:3

परमेश्‍वरने सेम् पर्‌तेब जीया चजे लागि चेतेब साप्‍ता पो ङूजे शक्तिट्‍यादे ङीनदे प्रे ख्यङ्, चेनेयलो रङ्से महिमा मेस्‍ये भलो चेब कामदे क्‍वब परमेश्‍वरने ङीदे स्ये ख्यङ्।

२ पत्रुस 1:8

चेनेयलो अम्‍ब गुणयू नमयूप्रे बेस्‍से कूम म्‍यूर्‌न ख्यङ् यलो ङीन्जे प्रभु येशू ख्रीष्‍टजे ज्ञानने अम्‍ब गुणयूदे नमयूने चैकम्‍ते मेस्‍ये फल पीन अङ्ख्‍व क्‍यूस्‍स्ये अम्‍पीन्।

२ पत्रुस 3:18

तर ङीन्‍जे प्रभु मेस्‍ये मुक्ति पीनब येशू ख्रीष्‍टजे अनुग्रह मेस्‍ये ज्ञानने नमयू थेप् बोल्यो क्‍यूप्‍पीनू। चूजो मेस्‍ये येतार्‌ने प्रभुजे महिमा क्‍यूस्‍स्‍य। आमेन।

१ यूहन्‍ना 1:3

ङीदे च तङ्दे मेस्‍ये तदे, हम्‍ब नमयूने स्‍योक्‍क्‍य येरे ङीप्रे नमयूजे सङ्गति क्‍यूस्‍स्‍य। ङीजे सङ्गतिब परमेश्‍वर प मेस्‍ये च येशू ख्रीष्‍टप्रे ख्यङ्।

१ यूहन्‍ना 2:19

थमयू ङीनट्‍यादे योङ्देबे गीली, चेनेयलो थमयू ङीनजे ते ख्‍य। कादेये थमयू ङीनजे यलो थमयू ङीनप्रेने टूङख्यङ्दे, तर थमयू क्‍वाने ङीनजे ते टूङ् यब पो तम्‍मेने थमयू योङ्देबे गीले ख्यङ्।

१ यूहन्‍ना 5:20

परमेश्‍वरजे च रेक ख्यङ् यदेबे ङीनने था ख्यङ्, मेस्ये सत्य परमेश्‍वरने स्‍ये खूस्‍य यदेबे ङूदे ङीनने ज्ञान पीन ख्यङ्। ङी ङूजे च येशू ख्रीष्‍टप्रे क्यूत्देबे सत्य परमेश्‍वरप्रे ख्यङ्। ङू सत्य परमेश्‍वर मेस्‍ये कलङ्बेये अन्सीबब जीया ख्यङ्।