फिलिप्पी 3:12 - घले नयाँ करार

¹² अम्‍बयू क्‍वाने ङैदे मालाङ्ने प्रेक्‍क ख्यङ् या साप्‍ता पोदे ङ मालाङ्ने सिद्ध क्‍यूक्‍क ख्यङ् यदेबे दी, तर कम्ब सिद्धताजे लागि ख्रीष्‍टदे ङैने रङ्सेजे चीत्दे हम्‍ब सिद्धता प्रेजे लागि ङ बोङ् चीन्‍न ख्यङ्!

फिलिप्पी 3:12 Cross References

मत्ती 5:48

स्वर्गने नमयूजे प सिद्ध ख्‍यप्रने नमयूये सिद्ध क्‍यूर पर्‌दीय।”

मूल स्यूस्स्यायूजे कामजे किताब 9:15

तर प्रभुदे ङूने यदे, “प्र, चेनेयलो यहूदी तेब मीयू, मूरुम्यू मेस्‍ये इस्राएलजे छगूम्-पूर्‌गूम्‌यूजे खूम्ने ङैजे मीन् प्रचार चेने अम्‍बने ङैदे सेल ख्यङ्,

रोमी 8:39

या मोजे संसारदे या तोजे संसारदे या सृष्‍टि चीतेब पोयूजे कम्ब बोङ्देये ङीनने ख्रीष्‍ट येशू ङीनजे प्रभुने ख्यब परमेश्‍वरजे प्रेम ट्‍यादे छूर्‌तीबे अन्‍खू।

१ कोरिन्थी 13:10

तर कन्‍छ्वाब सिद्धता फ्‍योरीय, हन्‍छ्वाब पूरा त्वब क्‍वाने मल्‍बीय।

१ कोरिन्थी 13:12

ङीङ् ऐनने ज्‍य अन्‍तङप्र चूजो ङीन तङ्क्‍य, तर हम्ब बीलनेब सोरो ज्‍य छाङ्लाङ्गे तङ्क्‍य। ङैदे चूजो तेतेत्यामे क्‍व-ख्यङ्, हम्ब बीलने पोयू क्वाने पूरा क्‍व खूइय। परमेश्‍वरदे ङैने चेलाबे स्‍येप्रने हम्ब बीलने ङैदेये पो क्वाने चेलाबे स्‍येखूइय।

१ कोरिन्थी 9:24

ग्‍य पार्‌देब मीयू क्‍वाने ग्येय, तर इनाम ब तीत्‍यादे त्‍यामे प्रेक्क्य यब पो नमयूने था त्‍वा? नमयू इनाम प्रेब तर्‌दीप्‍दे ग्‍य।

२ कोरिन्थी 13:9

चेनेयलो ङीदे चैये चे अङ्ख्‍व क्‍यूप्‍प, मेस्‍ये नमयूदेब चने यली चे ख्वब क्यूप्प, ङीजे सेम् सूग ख्यङ्। नमयूदे ज्‍य कामयू चीक्‍के खूस्‍य यदेबे ङी प्रार्थना चीक्‍क्‍य।

२ कोरिन्थी 7:1

येरेक्‍यूत्‍देबे ङैजे छेब ख्योन्‌यू, ङीनदे अम्‍ब कबुलयू प्रेत्‍देबे ङीनजे ङ्व प्रे आत्‍माने अन्‍ज्‍य चेब साप्‍ता थर्‌जे सेयू चैये अन्‍चील्‍लाबे रङ्सेने शूद्ध चीदे, मेस्‍ये परमेश्‍वरजे डर येत्देबे पूरा रुप्दे पवित्र क्‍यूप्‍पे।

गलाती 5:17

चेनेयलो पाप चेब स्वभावजे इच्छा च ख्‍य हम्‍ब पवित्र आत्माजे विरुद्धने क्‍यूक्‍क्‍य, होर्‌दे पवित्र आत्मादे पाप चेब स्वभावजे इच्छाजे विरुद्ध चीक्‍क्‍य। नदे च चे मे हम्‍बदे नमयूने चीस्‍स्ये अम्‍पीनजे लागि अम्‍ब ङ्‍ही त्‍यात्‍याजे विरुद्धने ख्यङ्।

एफिसी 1:4

संसार सृष्‍टि क्‍यूरयली खूम्‍देमेस्‍येने परमेश्‍वरदे ख्रीष्‍टने क्यूत्देबे ङीनने प्रेम चीत्दे मेस्ये ङूजे खूम्ने पवित्र मेस्‍ये चैत्‍याये दोष त्‍वब क्यूरने सेल्‍दे।

एफिसी 4:12

थमयूजे जिम्माब परमेश्‍वरजे पवित्र मीयूने ख्रीष्‍टजे काम चेख्‍वाब चेने मेस्‍ये ङूजे ङ्व मण्डलीजे उन्‍नती चेजे लागि ख्यङ्।

फिलिप्पी 1:1

येशू ख्रीष्‍टजे त्वोयू पावल मेस्‍ये तिमोथीदे, ख्रीष्‍टने विश्‍वास चेब फिलिप्पीजे बिशपयू मेस्‍ये डिकनयू होर्‌दे परमेश्‍वरजे पवित्र मीयू क्‍वानेने अम्‍ब चिट्ठी लिख्दीन ख्यङ्।

फिलिप्पी 3:16

ङीनदे च प्रेक्‍क ख्यङ्, हम्‍बनेत्‍या बोल्यो क्यूत्देबे टूङ पर्‌तीय।

फिलिप्पी 3:3

तम्दम् खतना चीक्‍कब मीयू ङी ख्यङ् चेनेयलो पवित्र आत्‍मादे पीनब शक्तिदे परमेश्‍वरने ङी पूस्‍तीय मेस्‍ये ख्रीष्‍ट येशूदे च-चीम्‍मीदे हम्‍बजे लागि ङी केन् त्‍वोक्‍क्‍य, मेस्‍ये फीने तङब छ्‍यप्‌यूने ङी भर् अम्पर्‌ती।

फिलिप्पी 3:8

अन्छूत्यात्या दी, ख्रीष्‍ट येशू ङैजे प्रभुने स्‍ये प्रेब सोरो फत्‍या केन् पोप्रे कर्‌देयलो सूजो पोयू क्‍वाने हानी क्‍यूर टोङ् यदेबे ङ मन्‍क्‍य। ङैदे येशू ख्रीष्‍टने प्रेखूस्‍य यदेबे साप्‍ताकूरूने पोङ्ये ख्यङ् मेस्‍ये अम्‍बयू क्‍वाने छाबेब फोहोर-मैलाप्रत्‍या ख्यङ् यदेबे मन्‍क्‍य,

१ थेसलोनिकी 5:15

सूमीदेये अन्ज्‍य चेब मीने खी फाने अन्ज्‍य अन्‍चीस्‍स्‍य, तर येतार्‌ने त्‍यादे सूजोने मेस्‍ये क्‍वाप्रेने भलो चेपर्‌दीय यदेबे ह्‍वेची।

२ थेसलोनिकी 2:13

तर प्रभुदे प्रेम चेब अत-अची च्योन्‌यू नमयूजे लागि ङीयूदे परमेश्‍वरने येतार्‌ने धन्‍यवाद पीनने परदे ख्यङ्, चेनेयलो खूम्‍देमेस्‍येने पवित्र आत्मादे पवित्र चीत्‍देबे मेस्‍ये तम्दम् पोने विश्‍वास चीत्‍देबे मुक्ति प्रेने परमेश्‍वरदे नमयूने सेल ख्यङ्।

१ तिमोथी 5:10

अम्‍ब प्रेने ङूदे ज्‍य काम चेब, च-चीमीने चेलाबे छर्‌कब, ङ्योव-डोम्‍बयूने गेसेन् चीस्‍से रब, होर्‌दे परमेश्‍वरजे पवित्र मीयूजे तोप् ठूदेबे सेवा चीक्‍कब मेस्‍ये दूख्‍प्रेयूने तोङ्मीकब मेस्ये येरप्रने ज्‍य कामयू चेने सेम् चीन्‍नब यदेबे गवाही क्‍यूर पर्‌दीय।

१ तिमोथी 6:19

येरेने नङ्‍ग रङ्सेजे लागि स्वर्गने धन रुप् प्‍वेब ज्‍य जा प्वे खूस्‍य। होर्‌दे थमयूदे तम्दम् जीयाने जूक्‍तीन खूइय।

हिब्रू 12:14

मीयू क्‍वाप्रेने थून्‍देबे मेस्‍ये पवित्र क्‍यूत्‍देबे टूङने बोङ् ची, पवित्र अन्‍क्‍यूत्‍दासेमे सूमीदेये परमप्रभुने तङ् अङ्‍खू।

हिब्रू 12:23

स्‍वर्गने मीन् लिख्दीकब, खूम् जन्मीदीकब परमेश्‍वरजे च-चमीयूजे सभाने नमयू रेक ख्यङ्। नमयू क्‍वाजे न्याय चेब परमेश्‍वरजे खूम्‍ने, सिद्ध चीक्‍कब धर्मी मीयूजे आत्‍माजे अन्‍द्रने,

हिब्रू 13:21

नमयूजे सेम्ने सोरो ज्‍य गुणयू येम्‍मीस्‍य, मेस्‍ये नमयूदे ङूजे इच्‍छा पूरा चे खूस्‍स्‍य। परमेश्‍वरने च सेम् पर्‌ते ख्यङ्, येशू ख्रीष्‍टजे मीन्‍ने परमेश्‍वरदे नमयूने हम्‍ब चीम्‍मीस्‍य। जूग् जूग् सेमेने येशूजे महिमा क्‍यून्‍नूस्‍य। आमेन।

याकूब 3:2

चेनेयलो ङीन क्‍वादेने कूम गल्‍ती चीक्‍क्‍य। रङ्सेदे क्‍यमब पोने सू-मीदे गल्‍ती अन्‍ची, रङ्से ङ्व टक्कने ङूदे काबूने ये खूइय, मेस्‍ये हम्‍ब मी सिद्ध क्‍यूर खूइय।

१ पत्रुस 5:10

साप्‍ता अनुग्रह चेब परमेश्‍वरदे कलङ्बेये अन्‍जेनब रङ्से महिमाजे लागि ख्रीष्‍टप्रे क्‍यूत्‍देबे नमयूने क्‍व ख्यङ्। नमयूदे तेदिनत्‍या सकस् भोक्‍तेमेस्‍ये ङूदेने फेरि नमयूने ज्‍य सर्‌, बोल्यो मेस्‍ये शक्तिशाली चीम्‍मीय।

२ पत्रुस 3:18

तर ङीन्‍जे प्रभु मेस्‍ये मुक्ति पीनब येशू ख्रीष्‍टजे अनुग्रह मेस्‍ये ज्ञानने नमयू थेप् बोल्यो क्‍यूप्‍पीनू। चूजो मेस्‍ये येतार्‌ने प्रभुजे महिमा क्‍यूस्‍स्‍य। आमेन।