फिलिप्पी 3:11 - घले नयाँ करार

¹¹ क्‍योत्‍देयलो ङैये सीब ङ्येदे फेरि सोम्‍बो क्‍यूर खूस्‍य यदेबे चीन्‍न ख्यङ्।

फिलिप्पी 3:11 Cross References

लूका 14:14

मेस्‍ये नदे असी प्रेक्क्य, चेनेयलो थमयूदे नैजे लोन् फा अन्‍खू तर धार्मिक मीयू सीबदे सोम्‍बो क्‍यूप्प नदे इनाम प्रेक्क्‍य।”

यूहन्‍ना 11:24

मार्थादे येशूने यदे, “संसारजे आखिरी दिनने सीयेबयू खङ्सदे तो लङ्ब ङूये फेरि सोम्‍बो क्‍यूत्‍देबे लङ्क्‍य”, यदेबे ङैने था ख्यङ्।

मूल स्यूस्स्यायूजे कामजे किताब 23:6

तर हम्‍ब पात्‍ता केन् सभाजे सदुकीयू हुल‍त्या मेस्ये सूजो फरिसीयू हुल‍त्‍या टोङ् यब पो था प्रेत्‍देबे पावलदे के केन् योन्‍देबे यदे, “च्योन्‌यू, ङब फरिसीयूजे च फरिसी ख्यङ्। सीयेबयूजे आशा मेस्ये सीबदेबे सोम्बो क्यूरब बारेने ङैजे मुद्धा चील्‍लीन ख्यङ्।”

मूल स्यूस्स्यायूजे कामजे किताब 26:7

ङीजे बाह्र खलकदे अम्‍ब आशा चीत्‍देबे नो-मून् सेम् त्‍या क्‍यूत्‍देबे पूस्‍ते ख्यङ्, मेस्‍ये अम्‍ब आशाजे लागि यदेबे, ओ मूरूम्, यहूदीयूदे ङैने दोष लैदे ख्यङ्।

मूल स्यूस्स्यायूजे कामजे किताब 27:12

ल्याङ् रब बील चजे लागि हम्‍ब क्यू-जहाज टूङ ने‍ ज्‍य त्‍व ख्‍य, होरेक्‍यूत्‍देबे कूम मीयूदे केरेबेनेयली हैयादे प्रदेबे फोनिक्स सहरने फ्‍योबने बोङ् चे यदेबे मोतो पीन्दे। फोनिक्‍सब क्रेटजे क्यू जहाज टूङब नेत्या ख्य, अम्ब दक्षिण-पश्‍चिम मेस्‍ये उत्तर-पश्चिम‍योर्‌तेले क्यून्‍नब ख्‍य।

रोमी 11:14

येर आशा चीक्‍क्‍य अम्‍ब कामदे ङैजे रङ्से जात‍जे मीयूदेये ठेन्स्य, मेस्‍ये थमयू नङ्ने कोइ कोइदेब उद्धार प्रेखूस्‍य।

१ कोरिन्थी 15:23

तर क्‍वाने रङ्से रङ्सेजे पलो अनुसार- सीयेबयू सोम्बो क्यूक्‍क्य: पात्‍ताखूम् ख्रीष्‍ट सोम्‍बो क्‍यूत्‍दे, होर्‌दे ख्रीष्‍ट ल्‍वारब ङूने विश्‍वास चेबयू सोम्‍बो क्‍यूक्‍क्‍य।

१ कोरिन्थी 9:22

विश्‍वासने बोल्यो त्‍वबयूने बोल्यो चे खूस्‍य यदेबे थमयूजे लागि ङैये विश्‍वासने बोल्यो त्‍वयूप्रने क्‍यूत्‍दे। ङैदे चे ख्‍वब साप्‍ता तर्‌तीप्दे त्या-यब त्यादेब ख्रीष्‍टने चीन्‍ते खूस्‍य यदेबे खोत्‍ताजे लागि ङ साप्‍ताने क्‍यूत्‍दे।

१ कोरिन्थी 9:27

तर ङ रङ्सेजे ङ्वने सकस् पीन्‍देबे रङ्सेजे काबुने येक्‍य, नत्रयलो सूजो मीयूने प्रचार चेङ्येदे रङ्सेब इनाम प्रेजे लागि लायक त्‍वब ठर्‌तीय।

२ कोरिन्थी 11:3

तर र्‌वेदे केरे लूच्‍च चीत्‍देबे हव्वाने छेल्‍लीपीदे, होरप्रने नमयूजे चैये छल् त्‍वब सेम् मेस्‍ये चोखो क्‍यूत्‍देबे ख्रीष्‍टने पूस्‍तेब ज्‍य सेम्‍नेये तीप्‍लीङ् छोप्‍लीङ् चीप्‍पीई च यदेबे ङ सोरो फैन ख्यङ्।

१ थेसलोनिकी 3:5

अम्‍ब कारणदे ङैदे कूम टेम अङ्ख्‍व क्‍यूत्‍देबे नमयूजे विश्‍वास था प्रेने तिमोथीने कूल्‍बे ख्‍य। मीने परिक्षा चेब शैतानदे नमयूने फस्तीबीदेबे ङीदे चीदेब छरङ्, काम अन्‍लादे क्‍यूप्‍पीयीच मन्‍देबे ङीयू सोरो फैन ख्‍य।

२ थेसलोनिकी 2:3

नमयूने सूमीदेये कम्‍ब किसिम‌्देये धोका अम्‍पीन्स्‍य। चेनेयलो खूम् परमेश्‍वरजे विरोधने उल्‍क काम अन्क्‍यूत्‍दासेमे, मेस्‍ये या नाशजे लागि खेर्‌तीयेब मुख्य दुष्‍ट मी अन्‍रदासेमे प्रभुजे दिन रस्‍ये त्‍वो।

२ तिमोथी 4:8

जेम्‍सेमेस्‍ये ङैजे लागि धार्मिक्ताजे मुकुट तयार चीत्‍देबे हीते ख्यङ्। ठीक न्याय चेब प्रभुदे हम्‍ब दिन‍ने ङैने अम्ब मुकुट कूमीय। ङैनेत्‍या दी, तर फेरि ङू रब लम् लेन्‍नब जीती क्‍वानेने पीन्क्य।

हिब्रू 11:35

विश्‍वास चीत्‍देबेने मदीयूदे रङ्सेजे सीयेब मीयू फेरि सोम्‍बो क्‍यूरब तङ-प्रेत्‍दे। कोइ मीयूब सीब ङ्‍येदे झन् थेप् ज्‍य जीया प्रेने सीब पर्‌तीली छूर्‌दीदेबे र-अन्ङ्‍यीन् बरू सकस् भोक्‍तीनूदे।

प्रकाश 20:5

सूजो सीयेबयूब हम्‍ब हजार त्‍या वर्ष अन्‍जेन्‍दासेमे सोम्‍बो अन्‍क्‍यूर्‌। सीयेब मीयू सोम्बो क्यूरब अम्ब पहिलो ख्यङ्।