फिलिप्पी 3:10 - घले नयाँ करार

¹⁰ ङैदे ख्रीष्‍टने मेस्‍ये ङूने सीइदेबे फेरि सोम्‍बो क्‍यूरब शक्तिने चेलाबे स्‍ये खूस्‍य। ङ ङूजे दु:खने सामेल् क्यूत्देबे ङू सीयेब बीलसेमेने ङ ख्रीष्‍टप्रने क्यूत्दीङ् र ख्यङ्।

फिलिप्पी 3:10 Cross References

मत्ती 20:23

येशूदे यदे, “ङैदे थूङब ढोल्‍कने नमयूदे थूङ्क्‍य, तर ङैजे स्येत्‍तेयोर् मेस्‍ये योन्देयोर टूङ्स्‍ये पीनब पो ङैजे लाने त्‍वो। अम्‍ब ने ङैजे पदे सूजे लागि तयार चीते हम्‍बजेने क्‍यूक्क्‍य।”

यूहन्‍ना 10:18

सूदेये ङैजे प्राण कीन अन्‍खू, तर ङ रङ्सेजे इच्छादे रङ्सेजे प्राण पीन्‍क्‍य। रङ्सेजे प्राण पीनब हक ङैने ख्यङ्, होर्‌दे फेरि कीन ख्‍वब हकये ङैने ख्यङ्। अम्‍ब आज्ञा ङैजे पदे ङैने पीन ख्यङ्।”

यूहन्‍ना 17:3

जेम्‍से कलङ्बेये अन्सीबब जीया अम्‍ब ख्यङ्, यी थमयूदे न, तीत्‍यात्‍या सत्य परमेश्‍वरने स्‍येस्‍य, मेस्‍ये नदे कूल्‍बेब येशू ख्रीष्‍टने स्‍येस्‍य।

रोमी 8:17

कादेये ङीन ङूजे च-चीमी यीय यलो, परमेश्‍वरदे रङ्से मीजे लागि फूङ् चीत्‍देब असीजे हकये प्रेक्‍क्‍य। मेस्ये ख्रीष्‍टप्रेने गोसारी हक प्रेक्क्य। ङूजे दु:खने ङीन सामेल् क्यूक्‍क्य यलो ङूजे महिमानेये ङीनयू सामेल् क्‍यूक्‍क्‍य।

रोमी 8:29

सू-सूने ङूदे खूम्‍देमेस्‍येने सेल ख्यङ्, ङूदे थमयूने रङ्से चप्रने क्‍यूरने कूम च्योन्‌यू नङ्ने ख्रीष्‍ट जेठ क्यूस्स्ये पीनने खूम्‍मेस्येने खेर्‌दीपीदे।

रोमी 8:36

धर्मशास्त्रने येरे लिख्दीये ख्यङ्, “नैजे लागि ङी येतार्‌ने सेक्‍कीय। ङी तूपने-मेब स्वान्‌प्र क्‍यून्‍न ख्यङ्।”

२ कोरिन्थी 1:10

परमेश्‍वरदे ङीने येर फत्‍या खतरा क्‍यूल्‍लीने जूक्‍तीमीदे, होरदे ङूदे ङीने जूक्‍तीनीय। ङूदे ङीने फेरिये जूक्‍तीमीय यदेबे ङू फ्‍याने ङी आशा चीन्‍न ख्यङ्।

२ कोरिन्थी 1:5

चेनेयलो ङीन केर्‌बे ख्रीष्‍टजे सकस्ने कोलानेयली सामेल् क्‍यूक्‍क्‍य। होरप्रने ख्रीष्‍टप्रे क्‍यूत्‍देबे प्रेब सान्त्वनानेये ङीन कोलानेयली सामेल् क्‍यूक्‍क्‍य।

२ कोरिन्थी 13:4

चेनेयलो ङूने बोङ् त्‍व क्‍यूप्‍प मीयूदे खील् ठोक्दीदे क्रूस‍ने पील्‍पीदे, तर परमेश्‍वरजे बोङ्दे ङू सोम्‍बो क्‍यूर ख्यङ्। येरप्रने ङी ङूप्रे क्‍यूप्‍प, ङूप्रने बोङ् त्‍व क्‍यूक्‍क्‍य, तर नमयूप्रे काम फर्‌ने ङी परमेश्‍वरजे बोङ् प्रेत्‍देबे ङूप्रेने जीया चैय।

गलाती 2:20

ङ ख्रीष्‍टप्रेने क्रूसने खील् ठोक्‍दीदेबे पीले ख्यङ्, जेम्‍सेमेस्‍ये सोम्‍बो क्‍यूरब ङ दी, तर ख्रीष्‍ट ङै नङ्ने सोम्‍बो क्‍यूत्‍देबे टून ख्यङ्। चूजो ङ कम्‍ब जीया ङ्वजे रूप्‍ने सोम्‍बो क्‍यून्‍न ख्यङ् हम्‍ब परमेश्‍वरजे च-फ्‍याने विश्‍वास चीत्‍देबे अम्ब जीया चैय, ङूदे ङैने प्रेम चीत्‍दे, मेस्‍ये ङैजे लागि रङ्सेजे प्राण पीन्‍दे।

गलाती 6:17

जेम्सेमेस्ये अम्‍ब पोने सूदेये ङैने छरङ् अम्‍पीन्‍लाचीस्‍य। येशूजे ख्यङ् यदेबे तनने मजे-घयू ङैदे रङ्सेजे ङ्वने प्‍ले ख्यङ्।

एफिसी 4:13

येर्‌बे अम्‍ब बरयूजे कामयूदे ङीनने विश्‍वासजे मेस्ये परमेश्‍वरजे चजे ज्ञानने त्या क्यूर प्रेजे लागि तोङ्मीय, मेस्‍ये तीया ङीन पाको मी क्‍यूत्देबे ख्रीष्‍टजे पूरा नापसेमे फ्योबी‍य।

फिलिप्पी 3:8

अन्छूत्यात्या दी, ख्रीष्‍ट येशू ङैजे प्रभुने स्‍ये प्रेब सोरो फत्‍या केन् पोप्रे कर्‌देयलो सूजो पोयू क्‍वाने हानी क्‍यूर टोङ् यदेबे ङ मन्‍क्‍य। ङैदे येशू ख्रीष्‍टने प्रेखूस्‍य यदेबे साप्‍ताकूरूने पोङ्ये ख्यङ् मेस्‍ये अम्‍बयू क्‍वाने छाबेब फोहोर-मैलाप्रत्‍या ख्यङ् यदेबे मन्‍क्‍य,

कलस्सी 1:24

जेम्‍से नमयूजे लागि ङैदे छरङ् प्रेल्‍लीने ङ सूग्‍क्‍य, मेस्‍ये ख्रीष्‍टदे भोक्‍ते पर्‌तेब खास्या ख्यब सकस्यू ङूजे ङ्व या मण्डलीजे लागि ङ ङैजे ङ्वने भोक्‍तीदे पूरा चीक्‍क्‍य।

कलस्सी 2:13

नमयूजे पापदे मेस्‍ये ङ्वने खतना अन्‍चीत्‍देबे नमयूजे आत्मा सीये ख्‍य। तर परमेश्‍वरदे ङीनजे पापयू क्‍वाने क्षमा पीन्‍देबे ख्रीष्‍टप्रेने सोम्‍बो चीम्‍मीदे।

कलस्सी 3:1

कादेये नमयू ख्रीष्‍टप्रेने जीया च ख्यङ् यलो स्‍वर्गजे पोयू मल्, होयाने ख्रीष्‍ट परमेश्‍वरजे स्येत्‍देयोर्‌ टून ख्यङ्।

१ पत्रुस 1:3

ङीन प्रभू येशू ख्रीष्‍टजे प परमेश्‍वरने जै-जै क्यूस्स्य। परमेश्‍वरदे रङ्सेजे सोरो केन् कृपादे चीत्‍देबे, येशू ख्रीष्‍टने सीयेबदे सोम्‍बो चीम्‍मीदेबे ङीनने कलङ्बेये अन्जेनब जीया प्रेब आशाजे लागि सर्‌ जुनि पीन ख्यङ्।

२ पत्रुस 1:13

ङ अन्‍सीबदासेमे नमयूदे अम्‍ब पोयू अन्-येल्‍गस्‍य यदेबे ह्‍वे चीम्‍मीनब ङैदे ठीक थेको।

१ यूहन्‍ना 2:3

कादेये ङीनदे परमेश्‍वरजे आज्ञायू मन्‍दीदेयलो तम्दम्‍ने ङीनदे ङूने स्‍ये ख्यङ् यदेबे था क्‍यूक्‍क्‍य।

१ यूहन्‍ना 2:5

तर सूदे परमेश्‍वरजे वचन मन्‍दीय, तम्दम्‍ने हम्ब मीने ङूजे प्रेम पूरा क्‍यूक्‍क्‍य। ङीन ङूप्रे ख्यङ् यब पो अम्‍बदेने पक्‍क था प्रेक्‍क्‍य।

प्रकाश 1:18

मेस्‍ये सोम्‍बो क्‍यूरब ङ ख्यङ्। ङ सीये ख्‍य, तर ङ येतार्‌ने सोम्‍बो क्‍यून्‍नीय, होर्‌दे मृत्यु मेस्‍ये पातालजे चापीयू ङैप्रे ख्यङ्।