फिलिप्पी 2:9 - घले नयाँ करार

⁹ होरेक्‍यूत्‍देबे परमेश्‍वरदे ङूने पात्‍ता फेरनेने गेसेन् पीन्दे मेस्‍ये सूजो मीन्‍यू यली पात्‍ता केन् मीन् ङूने पीन्‍दे।

फिलिप्पी 2:9 Cross References

मत्ती 11:27

“ङैजे पदे साप्‍ताकूरूने ङैने जिम्मा पीने ख्यङ्। पदेत्‍या रङ्से च कर ख्‍य यदेबे स्‍ये ख्यङ् सूजो सूदेये अन्‍स्‍ये मेस्‍ये चदेत्‍या प स्‍ये ख्यङ् सूजो सूदेये अन्‍स्‍ये। होर्‌दे चदे प कर ख्य यदेब सूने स्‍येला चीम्‍मेब सेम् चीक्क्य थमयूदेत्‍या स्‍येय।

मत्ती 28:18

होर्‌दे येशू थमयू ट्‌याने रदेबे यदे, “स्वर्ग प्रे पृथ्वीजे साप्‍ता हक ङैने पीने ख्यङ्।

लूका 10:22

“ङैजे पदे साप्‍ताकूरूने ङैने सूम्‍दीये ख्यङ्। च सू यदेबे पदेत्‍या स्ये ख्यङ्, सूजो सूदेये अन्‍स्ये। होरप्रने प सू यदेबे चदे त्‍या स्ये ख्यङ् सूजो सूदेये अन्‍स्ये, मेस्‍ये चदे सूने तनब सेम् चीक्‍क्‍य, ङूदेत्यामे सूजो सूदेये अन्‍स्ये।”

यूहन्‍ना 13:3

पदे साप्‍ता थोक‍ने येशूजे लाने पीन्‍क ख्यङ्, मेस्‍ये ङू परमेश्‍वरदे कूल्‍बीदे र ख्यङ्, होर्‌दे परमेश्‍वरतेलेने प्रेन ख्‍यङ् यब पो येशूदे स्‍ये ख्‍य।

यूहन्‍ना 17:11

“नै ट्‌याने ङ रेन ख्यङ्‍, जेम्से ङ संसारने कूम अन्‍टोङ्, तर थमयू अम्‍ब संसारने टूङ्क्‍य। येरेक्‍यूत्‍देबे ओ पवित्र प, ङैने पीनब मीयूने नैजे मीन्जे शक्तिदे जूक्‍तीमी, मेस्‍ये नेप्रे ङ त्‍या क्‍यूरप्रने थमयूये त्‍या क्‍यूस्‍स्‍य।

यूहन्‍ना 17:12

थमयूप्रे ङ क्‍यून्‍नूतासेमे, नदे ङैने पीनब नैजे मीन्‍जे शक्तिदे थमयूने जूक्‍दीदे हीत्‍दे, तर नाश क्‍यूर पर्‌देब च त्‍यामे, सूजो सूत्‍यानेये नाश क्यूस्से अम्पीन्, चेनेयलो धर्मशास्त्र पूरा क्‍यूर पर्‌दे ख्‍य।

यूहन्‍ना 17:5

जेम्‍से ओ पाइ, संसार सृष्‍टि क्‍यूर यली खूम् नैजे खूम्‍ने ङैजे कर महिमा ख्‍य, ङैने नेप्रे येत्‍देबे हम्‍ब महिमा पीम्‍मी।

मूल स्यूस्स्यायूजे कामजे किताब 5:31

परमेश्‍वरदे इस्राएलजे पश्‍चात्तापजे लागि मेस्‍ये पापयूजे क्षमा पीनने ङूने मूरूम् मेस्‍ये मुक्ति पीनब बन्‍दीदेबे रङ्सेजे स्येत्‍तेयोर् हीत्‍दे।

एफिसी 1:10

होर्‌दे बील पूरा क्‍यूर जेन ङ्येदे स्‍वर्ग मेस्‍ये पृथ्वीने ख्‍यब साप्‍ता थोक‍यूदे ख्रीष्‍टजे हुकुम मन्‍दीस्‍य।

कलस्सी 1:18

ङू मण्डलीजे ट ख्यङ् होर्‌दे ङूजे ङ्वब मण्डली ख्यङ्, साप्‍ता थोक‍जे सुरु ङू ख्यङ्, साप्‍ता थोक‍यू नङ्ने ङू पात्‍ता केन् क्‍यूस्‍स्‍य यदेबे सीयेबयू नङ्ने पात्‍ता खूम सोम्‍बो क्‍यूरब ङूने ख्यङ्।

२ थेसलोनिकी 1:12

चेनेयलो ङीनजे परमेश्‍वर मेस्‍ये प्रभु येशू ख्रीष्‍टजे अनुग्रह अनुसार ङीनजे प्रभु येशूजे मीन् नमयूने महिमीत क्यूस्स्य, मेस्‍ये होरप्रने नमयूये ङूने महिमीत क्यूस्स्य।

हिब्रू 1:4

केर्‌बे ङूदे प्रेब मीन् स्‍वर्गदूतयूजे यली थेप् सोरो ज्‍य ख्यङ्, होर्‌बेने स्‍वर्गदूतयूजे यली ङूजे हक थेप् केन् ठर्‌तीक ख्यङ्।

हिब्रू 1:9

न्याय चेब पोने नदे प्रेम चेख्यङ्, मेस्‍ये दुष्‍ट पोने नदे घिन चेख्‍यङ्। येरेक्‍यूत्‍देबे परमेश्‍वर, नैजे परमेश्‍वरदे नने रङ्से ख्‍योन्‌यू यली थेप् सूग्‍लाबे चेब मूर्‌गूदे अभिषेक चीम्मे ख्यङ्।”

हिब्रू 12:2

ङीनजे विश्‍वासने सुरु मेस्‍ये पूरा चीम्‍मेब येशूने लेन्‍नूदे, ङूजे खूम्‍ने हीम्‍मेब आनन्दजे लागि न प्‍वेब पोने चैत्‍याये अम्‍मन्‍लाबे ङूदे क्रूसजे सकस् भोक्‍तीदे, मेस्‍ये परमेश्‍वर देन् छ्‍यानब सिंहासनजे स्येत्‍देयोर्‌ देन् छ्‌यान ख्यङ्।

हिब्रू 2:9

तर ङीनदे येशूने तङ्क्‍य। ङूने खात्‍यात्‍यामे स्‍वर्गदूतयू यली ते-चीद चीम्‍मीदे, सीब पर्‌दे सकस् भोक्‍तीकदेबे महिमा मेस्‍ये गेसेन्जे मुकुट ङूने कूमीदे। येर्‌बे परमेश्‍वरजे अनुग्रहदे चीत्देबे मीयू क्‍वाजे लागि ङू सेक्‍कदे।

१ पत्रुस 3:22

ङू स्वर्गने गीलीदेबे परमेश्‍वरजे स्येत्‍तेयोर्‌ देन् छ्‍यान ख्यङ्, होर्‌दे स्वर्गदूतयू, हुकुम चेबयू मेस्‍ये शक्तियू फ्‍याने ङूदे हुकुम चेख्यङ्।

२ पत्रुस 1:17

परमेश्‍वर पदे येशू ख्रीष्‍टने गेसेन् मेस्‍ये महिमा पीन्‍दे, हम्‍ब केन् महिमाजे परमेश्‍वरदे क्यम्ब येर पोत्‍या योङ्‍रदे, “अम्‍ब ङैजे छेब च ख्यङ्, ङ ङूप्रे सोरो सूग ख्यङ्।”

३ यूहन्‍ना 1:7

चेनेयलो परमेश्‍वरने विश्‍वास अन्‍चेब मीयूजे चैत्‍याये अन्‍टेल्‍लाबे थमयू येशू ख्रीष्‍टजे लागि प्रने योङ्ये ख्यङ्।

प्रकाश 1:5

मेस्ये विश्‍वास चे ख्‍वब साक्षी येशू ख्रीष्‍ट, सीयेबयू नङ्ने पात्‍ता खूम् सोम्‍बो क्‍यूरब, मेस्‍ये पृथ्‍वीजे मूरुम्यू फ्‍याने हुकुम चेबट्‍यादे नमयूने अनुग्रह मेस्ये शान्ति। ङूदे ङीनने प्रेम चे ख्यङ् मेस्‍ये ङीन्‍जे पापने रङ्से कादे छूर्‌तीमे ख्यङ्,

प्रकाश 11:15

होर्‌देङ्‍येदे ङ्यीफे पलोजे स्वर्गदूतदे रङ्से धूङ्‍कूर्‌ तप ङ्येदे येरे यब केन्-केन् के स्वर्गने तदे, “अम्‍ब संसार क्‍वाने ङीनजे प्रभुजे मेस्‍ये ङूजे ख्रीष्‍टजे राज्‍य क्‍यूर ख्यङ्, मेस्‍ये प्रभुदे येतार्‌ने राज्‍य चीक्‍क्‍य।”

प्रकाश 19:16

ङूजे कोला मेस्‍ये सूग्‍ने “मूरुम्यूजे मूरुम् मेस्‍ये प्रभुयूजे प्रभु” यदेबे लिख्दीये ख्यङ्।

प्रकाश 3:21

सूदे ट्‌याय, हम्बने ङैजे सिंहासनने ङैप्रे टूङ्से पीन्क्य, केर्‌बे ङ रङ्सेदेये ट्‍या ख्यङ्, मेस्ये ङैजे पप्रे ङूजे सिंहासनने टुङप्रे ख्यङ्।

प्रकाश 5:12

थमयूदे के केन् योन्देबे येरे प्रू पून्‍न ख्‍य, “सेक्‍कब थुमा शक्ति, सोरो कूम फ्‍योबो, बुद्धि, बोङ्, गेसेन्, महिमा मेस्‍ये जै-जै प्रेब लायक‍जे ख्यङ्।”