फिलिप्पी 2:6 - घले नयाँ करार

⁶ ङू येतार्‌ने परमेश्‍वरजेप्र रुप् ख्यङ्लीने, ङूदे परमेश्‍वरप्रे बरेबर्‌ क्‍यूरब पोने चूङ्नब सेत्याप्र अम्‍मन्।

फिलिप्पी 2:6 Cross References

मत्ती 1:23

“ले, कन्‍या मदी त्‍या पीच रीय, मेस्‍ये ङूदे च त्‍या प्रेक्‍क्‍य, ङूजे मीन् इम्‍मानुएल येक्‍क्‍य”, अम्‍बजे अर्थ, “परमेश्‍वर ङीनयूप्रे ख्‍यङ्।”

यूहन्‍ना 1:18

परमेश्‍वरने कलङ्बे सूदेये अन्‍तङ्। पप्रे ख्‍यब तीत्‍यात्‍या चदे पने तम्‍मे ख्यङ्।

यूहन्‍ना 10:30

प प्रे ङ त्‍या ख्यङ्।”

यूहन्‍ना 10:33

यहूदीयूदे ङूने जवाफ पीन्‍दे, “ङीदे नने सोरो ज्‍या कामजे लागि लूङ्दे खान्‍देमे दी, तर नदे परमेश्‍वरजे न प्वेब कारणदे, चेनेयलो न मी क्‍यूत्‍देबेये रङ्सेने परमेश्‍वर य ख्यङ्।”

यूहन्‍ना 10:38

तर ङ कादेये पजे काम चीन्‍नूलीने नमयू ङैने विश्‍वास अन्‍चील्‍लो अम्‍ब काम‍यू फ्‍यानेब विश्‍वास ची, मेस्‍ये नमयूदे था प्रे खूइय मेस्‍ये क्‍व खूइय, यी प ङैप्रे ख्यङ् मेस्‍ये ङ पप्रे ख्यङ्।”

यूहन्‍ना 14:28

ङैदे नमयूने ‘ङ अन्-यादे प्रेन ख्यङ्, मेस्‍ये फेरि नमयू ट्‌याने ल्‍वारीय’ यब पो नमयूदे तैक ख्यङ्। नमयूदे ङैने प्रेम चे यलो ङ प ट्‌याने प्रेन ख्यङ् यब पो तदेबे नमयू सोरो तङ ख्यङ्दे, चेनेयलो प ङ यली सोरो केन् ख्यङ्।

यूहन्‍ना 14:9

येशूदे ङूने यदे, “फिलिप अन्‍छ्वासेमे ङ नमयूप्रे ख्यङ्लीने नदे ङैने अन्‍स्‍येया? सूदे ङैने तङ ख्यङ्, हम्‍बदे पनेये तङ ख्यङ्। नदे केरे य खूइय, ‘ङीने प तम्‍मी?’

यूहन्‍ना 17:5

जेम्‍से ओ पाइ, संसार सृष्‍टि क्‍यूर यली खूम् नैजे खूम्‍ने ङैजे कर महिमा ख्‍य, ङैने नेप्रे येत्‍देबे हम्‍ब महिमा पीम्‍मी।

यूहन्‍ना 20:28

थोमादे येशूने यदे, “ङैजे प्रभु, मेस्‍ये ङैजे परमेश्‍वर।”

यूहन्‍ना 5:18

येरेक्‍यूत्‍देबे यहूदीयूदे येशूने सेने थेप् बोङ् चीत्‍दे, चेनेयलो ङूदे यहूदीयूजे आराम टूङब दिनजे नियम अम्‍मन्‍देब कामत्‍या दी, तर रङ्सेने परमेश्‍वर ताकी मन्देबे ङूदे परमेश्‍वरने रङ्से प य ख्यङ्।

यूहन्‍ना 5:23

केर्‌बे थमयूदे पजे गेसेन् चीक्‍क्‍य, होरप्रने खोत्‍तादेने चने गेसेन् चीस्‍स्‍य, चेनेयलो चने गेसेन् अन्‍चेबदे ङूने कूल्‍बेब पनेये गेसेन् अन्‍ची।

रोमी 9:5

यहूदीयू न-मीन् ख्यब मेमेयूजे छगूम्-पूरगूम्‍यू ख्यङ्, मेस्‍ये ख्रीष्‍टये थमयूजे वंशजे ख्यङ्। साप्‍ता थोक फ्‍याने राज्‍य चेब परमेश्‍वरजे येतार्‌ने जै-जै क्‍यून्‍नीस्‍य। आमेन।

२ कोरिन्थी 4:4

अम्ब संसारजे देऊता, शैतानदे विश्‍वास अन्चेबयूजे सेम्ने म्या अन्तङब मीप्र बन्द चीप्पे ख्यङ्। थमयूदे सूगब खबरजे महिमाजे ओथ्याङ् तङ अङ्‍खू। थमयूदे परमेश्‍वरजे खास रुप् ख्यब ख्रीष्‍टजे महिमाजे बारेने ख्यब अम्ब खबर क्व अङ्‍खू।

२ कोरिन्थी 8:9

चेनेयलो ङीनजे प्रभु येशू ख्रीष्‍टजे अनुग्रह नमयूदे स्‍ये ख्यङ्, ङू फ्योबो ख्यङ्लीने नमयूजे लागि दूख्‍प्रे क्‍यूत्‍दे, होरदे ङू दूख्‍प्रे क्‍यूरब काम‍दे नमयू फ्‍योबो क्‍यूर खूस्‍स्‍य।

१ तिमोथी 1:17

जूग्-जूग्जे मूरुम्, कलङ्बेये अन्‍सीबब मेस्ये तङ अन्‍ख्‍वब तीत्‍या त्‍या परमेश्‍वरने येतार्‌ने गेसेन् मेस्ये महिमा क्‍यून्‍नूस्‍य। आमेन।

१ तिमोथी 3:16

ङी मन्‍दीय, ङीनजे विश्‍वासजे नङ्सू क्‍व अन्‍ख्‍वब पो सोरो फत्‍या केन् ख्यङ्: ङू रङ्सेने ङ्वजे रुप्‍ने तङ्‍रदे, पवित्र आत्मादे धर्मी ठर्‌दीदे, स्वर्गदूतयूदे ङूने तङ्दे, देश देशने ङूजे प्रचार क्‍यूत्‍दे, संसार भरीने मीयूदे ङूने विश्‍वास चीत्‍दे, होर्‌दे ङू महिमाने तो स्वर्गने लङ्‍कीदे।

तीतस 2:13

यरप्रने पात्‍ता केन् परमेश्‍वर मेस्‍ये ङीनने मुक्ति पीनब येशू ख्रीष्‍ट महिमाने रब दिनजे ङीन आशा चीन्‍न ख्यङ्।

हिब्रू 1:3

परमेश्‍वरने ख्‍यब महिमाजे रूप् चने तङ्क्‍य मेस्‍ये परमेश्‍वरजे स्‍वभावयू क्‍वाने ङूप्रे ख्यङ्, होर्‌दे अम्‍ब संसारने ख्‍यब साप्‍ता सेयू रङ्से शक्‍तिजे वचनदे रङ्से रङ्से नेने छ्‌यान ख्यङ्। मीयूजे पापने क्षमा पीन जेन ङ्येदे महिमाने ख्‍यब परमेश्‍वरजे स्येत्‍देयोर्‌ देन् छ्‍यादे।

हिब्रू 1:6

पात्‍ता खूम् जन्मीदेब रङ्से च संसारने रेप्‍प ङूदे फेरि यख्यङ्, “परमेश्‍वरजे स्‍वर्गदूत क्‍वादेने ङूनेने पूस्तीनीस्य।”

हिब्रू 1:8

तर ङूदे चजे बारेने य ख्यङ्, “परमेश्‍वर, नैजे सिंहासन येतार्‌जे लागि टूनीय, मेस्‍ये रङ्से मीयू फ्‍याने ज्‍य न्याय चीत्‍देबे राज्‍य चीक्‍क्‍य।

हिब्रू 13:8

येशू ख्रीष्‍ट मूरू, दीनी मेस्‍ये कलङ्नेयली त्याप्रने क्‍यून्‍नीय।

प्रकाश 21:6

ङूदे ङैने यदे, “जेम्से जङ्‍गदे। ङ अल्‍फा मेस्‍ये ओमेगा, सुरु मेस्ये अन्‍त ख्यङ्। ङैदे क्‍यू फैब मीयूने जीया पीनब क्‍यू मूरुम्दे होरेने थूङ्से पीन्‍क्‍य।