फिलिप्पी 2:1 - घले नयाँ करार

¹ कोदेये नमयू ख्रीष्‍टप्रे क्‍यूत्‍देबे तेते आँट प्रेल्‍लो, ङूजे प्रेमदे सेम्‍ने तेते आँठे पीन्‍लो, पवित्र आत्माप्रे तेते सङ्गति क्‍यूल्‍लो, ङ्‍येमब मेस्‍ये सेम्ने दया ख्यङ् यलो,

फिलिप्पी 2:1 Cross References

लूका 2:25

यरूशलेमने शिमियोन मीन् ख्यब मीत्‍या ख्‍य। ङू इस्राएलने जूक्‍तीमेब मीजे आशा चीन्‍नब, धर्मी मेस्‍ये परमेश्‍वरजे डर येनब मी ख्‍य। पवित्र आत्‍मा ङू फ्‍याने ख्‍य।

यूहन्‍ना 14:18

ङ नमयूने ट्वे प्र चीत्‍देबे अम्‍पोङ्‍गी। ङ नमयू ट्‌याने रीय।

यूहन्‍ना 14:27

ङ नमयूने शान्ति पोङ्‍गीय। ङ रङ्सेजे शान्ति नमयूने पीन्‍क्‍य। ङ नमयूने संसारदे पीनप्र अम्‍पीन्। नमयूजे सेम् अन्‍ठोस्‍य, मेस्‍ये अम्‍फस्‍य।

यूहन्‍ना 17:13

“तर जेम्‍से ङ नैट्‌याने रेन ख्यङ्। थमयूजे सेम्ने ङैजे आनन्द पूरा क्‍यून्‍नूस्‍य यदेबे ङैदे अम्ब पो संसारने क्यूप्पने यीय।

मूल स्यूस्स्यायूजे कामजे किताब 2:46

थमयू दीन्‍जेने मन्दिरने फूङ् क्‍यूर ख्‍य, मेस्‍ये मील्‍लीदेबे कीम्-कीम्‍ने प्रदेबे थमयू सूग्‍लाबे शुद्ध सेम्‍दे भत्यार् च ख्‍य,

मूल स्यूस्स्यायूजे कामजे किताब 4:32

विश्‍वास चेब मीहुल क्वाने सेम्-‍लो त्‍या क्‍यूर ख्‍य, मेस्ये थमयू सूदेये रङ्से सीर-सम्पत्तिजे चै थोक‍ये अम्‍ब ङैजेन अन्‌-य ख्‍य, तर थमयूजे साप्‍ता थोक कोमस ख्‍य।

रोमी 5:5

आशादे ङीनने सेम् सीस्ये अम्‍पीन, चेनेयलो ङीनने पीनब पवित्र आत्मादे परमेश्‍वरजे प्रेम ङीन्‍जे सेम्ने फम्‍मे ख्यङ्।

रोमी 8:26

होरप्रने पवित्र आत्‍मादेये ङीन बोङ् त्व क्‍यूप्‍प दोङ्मीय। केर्‌बे प्रार्थना चे पर्‌दे होर ङीनदे अन्‍स्‍ये, तर स्‍य्‍वेस्‍ये अन्डब पोयूजे के योन्‍देबे पवित्र आत्‍मादे ङीनजे लागि प्रार्थना चीम्‍मीय।

१ कोरिन्थी 12:13

चेनेयलो यहूदी क्‍यूल्‍लीने, ग्रीक क्‍यूल्‍लीने, त्वो-त्वोम क्‍यूल्‍लीने, त्वो-त्वोमदे स्वतन्त्र क्यूल्लीने तीत्यात्या पवित्र आत्मादे ङीन क्‍वाने बप्तिस्मा क्‍यूर प्रेत्‍देबे ङ्वत्‍या क्‍यूर ख्यङ्, मेस्ये परमेश्‍वरदे त्याप्र पवित्र आत्मा ङीन क्‍वानेने पीन्‍दे।

१ कोरिन्थी 15:31

अत-अची च्योन्‌यू नमयूदे चीत्‍देबे ङ प्रभु येशूजे मीन्‍ने केन् त्‍वोक्‍क्‍य, मेस्‍ये ङ दिन‍जे पीछीने सीबने तयार ख्यङ् यदेबे य खूइय।

१ कोरिन्थी 3:16

नमयू परमेश्‍वरजे मन्दिर ख्यङ्, होरदे परमेश्‍वरजे आत्मा नमयू नङ्ने टूङ्क्‍य यब पो नमयूने था त्‍वा?

२ कोरिन्थी 13:14

प्रभु येशू ख्रीष्‍टजे अनुग्रह, परमेश्‍वरजे प्रेम, मेस्‍ये पवित्र आत्माजे सङ्गति नमयू क्‍वाप्रेने क्‍यून्‍नूस्‍य।

२ कोरिन्थी 2:14

तर परमेश्‍वरने धन्‍यवाद पीन्‍क्‍य, चेनेयलो ङूदे ङीने ख्रीष्‍टप्रे-प्रे येतार्‌ने ट्‌याब लम्‍ने स्‍योल्‍क्‍य, मेस्‍ये ङूजे ज्ञानजे ज्‍य बस्न रब पो का-मुलुक‍ने ड्वाङ्‍गे चेने ङूदे ङीने च्योल्‍क्‍य।

गलाती 4:6

नमयू परमेश्‍वरजे च चीमी ख्यङ् यदेबे तनने परमेश्‍वरदे रङ्से चजे आत्मा ङीनजे सेम्‍ने येम्‍मे ख्यङ्, अम्‍ब आत्मादे “अब्बा, प” यदेबे कप्‍पीय।

गलाती 5:22

तर पवित्र आत्मादे पीनब फल अम्‍ब ख्यङ्- प्रेम, आनन्द, शान्‍ति, सैदीदेबे टूनख्‍वब, ङ्येमब सेम्, भलो चेब, भर् पर्‌ते ख्‍वब,

एफिसी 4:4

ङ्व तीत्‍यात्‍या ख्यङ्, मेस्‍ये पवित्र आत्माये तीत्‍यात्‍याने ख्यङ्-केर्‌बे नमयू कोब आशा त्‍या तन्‍देबे क्‍व ख्‍य, नेये हम्‍ब आशाने क्‍वब ख्यङ्।

फिलिप्पी 1:8

ख्रीष्‍ट येशूजे प्रेमदे चीत्देबे नमयू क्‍वाप्रेने ङैजे गहिरो प्रेमजे तीर्‌सन ख्यङ्, अम्‍बजे साक्षी परमेश्‍वर ख्यङ्।

फिलिप्पी 3:3

तम्दम् खतना चीक्‍कब मीयू ङी ख्यङ् चेनेयलो पवित्र आत्‍मादे पीनब शक्तिदे परमेश्‍वरने ङी पूस्‍तीय मेस्‍ये ख्रीष्‍ट येशूदे च-चीम्‍मीदे हम्‍बजे लागि ङी केन् त्‍वोक्‍क्‍य, मेस्‍ये फीने तङब छ्‍यप्‌यूने ङी भर् अम्पर्‌ती।

कलस्सी 2:2

थमयूदे आँट प्रेस्स्य मेस्ये प्रेमने त्‍या क्यूत्देबे थून्‍नूस्य यदेबे ङैदे येरे चे ख्यङ्, होरे क्यूप्प थमयूदे चेलाबे क्‍व ख्‍वब ज्ञानजे सम्पत्ति प्रेक्क्य होर्‌दे परमेश्‍वरजे क्‍व अङ्ख्‍वब नङ्सू योजना या ख्रीष्‍टने पूरा स्ये ख्वब क्यूक्क्य।

कलस्सी 3:12

होरेक्‍यूत्‍देबे परमेश्‍वरदे सेल मीयूप्र पवित्र मेस्‍ये छेब क्‍यूत्‍देबे नमयूब ङ्येमब सेम्, दया चेब, तोङब सेम्, चीद क्‍यूरब मेस्‍ये अन्-आतीलाबे रेन्‍न ख्‍वब क्‍यून्‍नू।

हिब्रू 6:18

परमेश्‍वरदे चेब कबुल मेस्‍ये ङूदे कसम चदेबे यब पो पक्‍क क्‍यूक्‍क्‍य, परमेश्‍वरदे अम्‍ब पो ङ्‍हीने लूच्‍च अन्‍क्‍यम्। होरेक्‍यूत्‍देबे परमेश्‍वर ट्‍याने सुरक्षा प्रेने प्रब ङीनयूदे, ङीन्‍जे खूम्‍ने हीतेब आशा प्रेने सोरो कूम आँट प्रेख्यङ्।

१ पत्रुस 1:2

येशू ख्रीष्‍टजे आज्ञा मन्‍देब मेस्‍ये ङूजे कादे शुद्ध क्‍यूरजे लागि पवित्र आत्‍मादे शुद्ध क्‍यूत्‍देबे परमेश्‍वर पदे रङ्सेजे इच्‍छा अनुसार रङ्से मी चेने सेलब मीयूने: अनुग्रह मेस्‍ये शान्ति बेस्से क्‍यूप्‍पीनूस्‍य।

१ यूहन्‍ना 3:24

परमेश्‍वरजे आज्ञायू मन्‍देब क्‍वाने परमेश्‍वरप्रे क्‍यूक्‍क्‍य, मेस्‍ये परमेश्‍वर थमयूप्रे क्‍यूक्‍क्‍य। परमेश्‍वर ङीनप्रे क्‍यूक्‍क्‍य यदेबे परमेश्‍वरदे पीनब पवित्र आत्मादे ङीनने स्‍योत्‍देबे था प्रेक्‍क्‍य।

१ यूहन्‍ना 4:12

परमेश्‍वरने सूदेये कलङ्बेये अन्‍तङ्। कादेये ङीनदे त्‍यादे त्‍याने प्रेम चीत्‍दे यलो परमेश्‍वर ङीनप्रे क्‍यूक्‍क्‍य, मेस्‍ये ङूजे प्रेम ङीन फ्‍याने पूरा क्‍यूक्‍क्‍य।

१ यूहन्‍ना 4:16

परमेश्‍वरदे ङीनने चेब प्रेम ङीनदे येर्‌बे था प्रेक्‍क्‍य मेस्‍ये विश्‍वास चीक्‍क्‍य। परमेश्‍वर प्रेम ख्यङ्, प्रेमने टूनब मी परमेश्‍वरप्रे टूङ्क्य, मेस्ये परमेश्‍वर हम्‍बप्रे टूङ्क्य।