फिलिप्पी 1:7 - घले नयाँ करार

⁷ नमयू क्‍वाजे लागि येरे मनब ङैने ज्‍य थेको, ङैदे नमयू क्‍वाने रङ्से सेम्ने ये ख्यङ्, चेनेयलो ङ चूजो जेल नङ्ने क्यूप्प या फीने सूगब खबर तम्दम् ख्यङ् यदेबे स्‍योप्‍प मेस्‍ये विश्‍वासने बोल्यो चीम्‍मेब कामने नमयू ङैप्रे-प्रे परमेश्‍वरजे अनुग्रहने सामेल् क्‍यूर ख्यङ्।

फिलिप्पी 1:7 Cross References

मूल स्यूस्स्यायूजे कामजे किताब 20:23

अन्‍छ्वाब था ख्यङ्, यी सहरजे पीछीने कैद मेस्‍ये सकस् ङै फ्‍याने रीय यब पो पवित्र आत्मादे ङैने गवाही पीन ख्यङ्।

मूल स्यूस्स्यायूजे कामजे किताब 21:33

होर्‌दे हम्‍ब सिपाईजे पात्‍ता केन् मी पावल ट्‌याने रदेबे चूङ्‍रदे मेस्‍ये सङ्लो ङ्‍हीदे ङूने ख्‍या यदेबे हुकुम पीन्दे। अम्‍ब सू टोङ् मेस्‍ये ङूदे च चीक्‍कदे यदेबे ङूदे लोत्‍दे।

१ कोरिन्थी 13:7

प्रेम चेब मीदे साप्‍ताने सैदीय, साप्‍ता पोने पत्‍तीय, साप्‍ता पोने ज्‍य क्‍यूरब आशा चीक्‍क्‍य, होर्‌दे साप्‍ता पोने धेरेन् टूङ्क्‍य।

१ कोरिन्थी 9:23

सूगब खबरजे असीयूप्रे ङैये सामेल् क्यूर खूस्य यदेबे ङ अम्‍ब साप्‍ता थोक चीक्क्य।

२ कोरिन्थी 3:2

मीयू क्‍वादेने क्‍व ख्‍व मेस्‍ये छ्‌य्‍वे ख्‍व चीत्‍देब ङीयूजे सेम्ने लिख्दीयेब, ङीयूने सीफारिस चेब चिट्ठी नमयूने ख्यङ्।

२ कोरिन्थी 7:3

नमयूजे गल्ती ख्यङ् यदेबे तनने ङैदे अम्‍ब य दी, चेनेयलो ङैदे मालाङ्ने येक ख्यङ्, ङीजे सेम्‍ने नमयूजे लागि अन्‍छ्वासेमे ने ख्यङ्, यी नमयूप्रे-प्रे सीबनेये मेस्‍ये जीया चनेये ङी तयार ख्यङ्।

गलाती 5:6

खतना चीक्‍कब मीप्रे अन्चीक्‍कब मीजे ख्रीष्‍ट येशूप्रे चै नताये अन्‍क्‍यूर्। तर पोत्‍याजेत्‍या अर्थ ख्यङ् हम्‍ब च ख्यङ् यलो माया चीत्देबे काम फरब विश्‍वास ख्यङ्।

एफिसी 3:1

येरेक्‍यूत्‍देबे नम यहूदी तेब मीयूजे पक्षने ख्रीष्‍ट येशूजे सेवा चेब ङ पावल कैदी क्‍यूर ख्यङ्।

एफिसी 4:1

ङ प्रभुजे लागि झ्यालखान‍ने टूङब कैदी त्‍या ख्यङ्, नमयूने बिन्ती चीक्‍क्‍य, यी प्रभुदे चेकामजे लागि नमयूने क्‍व ख्यङ् हम्‍ब मफीजे जीया च।

एफिसी 6:20

ङ झ्यालखान‍ने टूनूलीने अम्‍ब सूगब खबरजे लागि ङ ख्रीष्‍टजे दूत क्‍यूर ख्यङ्। प्रार्थना चीम्‍मी मेस्‍ये ङैदे केर्‌बे क्यम पर्‌दे ख्‍य होर्‌बेने बोङ्बे क्यम खूस्‍य।

फिलिप्पी 1:12

अत-अची च्योन्‌यू, तम्दम्‍ने ङै फ्‍याने पर्‌तीरब पोयूदे चीत्‍देबे सूगब खबर कूम मीयूदे ङ्यीन्‍न प्रे-ख्यङ् यब पो नमयूदे था प्रे खूस्‍स्‍य यदेबे ङ मन्‍न ख्यङ्,

फिलिप्पी 1:13

ङ ख्रीष्‍टजे पोयू स्‍य्‍वेब क्‍यूत्‍देबे झ्‍यालखानने स्‍य्वोप्‍ये ख्यङ् यब पो दरबारजे सीन्त्रीयू मेस्‍ये सूजोयू क्‍वादेने था प्रेक्‍क ख्यङ्।

फिलिप्पी 1:14

कूम अत-अची च्योन्‌यू, ङ स्‍योप्‍कब पोदे प्रभुने थेप् बोल्यो क्‍यूत्‍देबे परमेश्‍वरजे वचन अम्‍फलाबे क्‍यमने आँटप्रे ख्यङ्।

फिलिप्पी 1:5

चेनेयलो पात्‍ता खूम्‍ब दिन‍दे-छो चूजोसेमे सूगब खबर स्‍य्‍वेबने नमयूदे तोङ्मीन ख्यङ्।

फिलिप्पी 2:22

तिमोथी कर खालजे मी ख्यङ् यदेबे नमयूदे स्‍येने ख्यङ्, केर्‌बे पने रङ्से चदे तोङ्मीय होरप्रने तिमोथी ङैप्रे क्‍यूत्‍देबे सूगब खबर स्‍य्‍वेब कामने तोङ्मे ख्यङ्।

फिलिप्पी 4:14

होरेक्यूल्‍लीने नमयूदे ङैजे सकस्ने तोङ्मीदेबे सोरो ज्‍य चीत्‍दे।

फिलिप्पी 4:15

सूगब खबर स्‍योत्‍देबे माकेडोनिया पोङ्‍गीब पात्‍ता खूम् नमयूदे त्‍यामे ङैने तोङ्मीदे, सूजो मण्डलीयू सूदेये अन्‍तोङ्मी यदेबे नम फिलिप्पीजे मण्डलीयूने था ख्यङ्,

फिलिप्पी 4:3

ङैप्रे-प्रे काम फरब विश्‍वासी ख्‍योन्, ननेये ङ बिन्‍ती चीक्‍क्‍य, अम्‍ब मदीयूने तोङ्मी, चेनेयलो अम्‍ब मदीयूदे सूगब खबर स्‍य्‍वेब कामने ङैप्रे, क्‍लेमेसप्रे मेस्‍ये जीयाजे किताबने मीन् ख्‍यब सूजो ङै प्रे-प्रे काम फरब ख्योन्‌यूप्रेये सोरो छेम्‍प्रे चीक्‍क ख्यङ्।

कलस्सी 4:18

ङ पावलदे नमयूने ङैजे लादेने अम्‍ब नमस्‍कार लिख्दीन ख्यङ्। ङ जेल‍ने ख्यङ् यब पो अन्‌-येल्‍गला ची। परमेश्‍वरजे अनुग्रह नमयूप्रे क्‍यूस्‍स्‍य।

कलस्सी 4:3

ख्रीष्‍टजे क्‍व अङ्ख्‍वब नङ्सू पो स्‍य्‍वेने मेस्‍ये वचन चेलाबे स्‍य्‍वेने परमेश्‍वरदे ङीने ख्‍यो पूक्‍मीस्‍य यदेबे ङीजे लागि प्रार्थना ची, अम्‍बजे लागि ङ जेल‍ने पर्‌दीक ख्यङ्,

१ थेसलोनिकी 5:5

चेनेयलो नमयू क्‍वाने ओथ्याङ्जे छगूम्-पूर्‌गूम् मेस्‍ये नोजे छगूम्-पूर्‌गूम् ख्यङ्। ङीन मून्जे मेस्‍ये मून्‍दूङ्जे छगूम्-पूर्‌गूम् दी।

२ तिमोथी 1:8

होरेक्‍यूत्‍देबे ङीन प्रभुजे गवाही पीनने, ङ कैदने टूङब पो स्‍य्‍वेने कलङ्बेये अन्‍त्‍वालाची, तर परमेश्‍वरजे बोङ्दे सूगब खबर स्‍य्‍वेने प्रब छरङ् प्रेल्‍लीने हम्‍ब काम चीन्‍नू।

२ तिमोथी 2:9

हम्‍ब सूगब खबरजे लागि ङैदे सकस् भोक्‍तीन ख्यङ् मेस्‍ये अपराध चीक्‍कब मीप्र सङ्लोदे ख्‍याये ख्यङ्। तर परमेश्‍वरजे वचन सङ्लोदे ख्‍या अन्खू।

फिलेमोन 1:13

ङूने ङैप्रे येन प्रेल्‍लो ङ सूग ख्यङ्दे, चेनेयलो सूगब खबरजे लागि ङ कैदने टूनब बीलने, नैजे सट्‍टने ङूदे ङैजे सेवा चे ख्‍व ख्यङ्दे,

हिब्रू 3:1

येरेक्‍यूत्‍देबे परमेश्‍वरदे क्‍वब पवित्र अत-अची च्योन्‌यू, ङीदे स्वीकार चेब मूल स्यूस्स्या मेस्‍ये पात्‍ता केन् पूस्‍र्‌या येशूने विचार ची।

१ पत्रुस 4:13

तर ख्रीष्‍टजे सकस् भोक्‍तेबने सामेल् क्यूत्देबे नमयूदे सकस् भोक्‍ते पर्‌तीब तङ्, येरे ङूजे महिमा तङ्‍रब नमयूये आनन्द मेस्‍ये सूग खूस्‍य।

१ पत्रुस 5:1

ख्रीष्‍टदे भोक्‍तेब सकस्यूजे साक्षी मेस्ये ङ्‍येदे तङ्‍रब महिमाने सामेल् क्‍यूर प्रेब एल्‍डर त्याजे नातादे नमयूजे नङ्ने ख्‍यब एल्‍डर ख्योन्‌यूने ङ बिन्ती चीक्‍क्य।

२ पत्रुस 1:13

ङ अन्‍सीबदासेमे नमयूदे अम्‍ब पोयू अन्-येल्‍गस्‍य यदेबे ह्‍वे चीम्‍मीनब ङैदे ठीक थेको।

१ यूहन्‍ना 3:14

ङीन रङ्सेजे अत-अची च्‍योन्‍ने प्रेम चीक्‍क्‍य, होरेक्‍यूत्‍देबे ङीन सीबब जीयाने ट्‌यादेबे कलङ्बेये अन्जेनब जीयाने क्‍योर ख्यङ् यदेबे ङीनदे स्‍ये ख्यङ्। सूदे प्रेम अन्‍ची, हम्‍ब सीबब जीयानेने टूनीय।