फिलिप्पी 1:19 - घले नयाँ करार

¹⁹ चेनेयलो नमयूजे प्रार्थना मेस्ये येशू ख्रीष्‍टजे आत्मादे तोङ्मीब ङैदे छुटकारा प्रेक्‍क्‍य यब पो ङैने था ख्यङ्।

फिलिप्पी 1:19 Cross References

मूल स्यूस्स्यायूजे कामजे किताब 16:7

माइसियाजे चूम्‍ने फ्‍योरमेस्‍ये थमयूदे बिथिनियातेले प्रब सेम् चीत्‍दे। तर येशूजे आत्मादे थमयूने प्रस्‍ये अम्‍पीन्।

रोमी 8:28

ङीनदे स्‍ये ख्यङ्, परमेश्‍वरने प्रेम चेब मीयू मेस्‍ये ङूजे इच्छा अनुसार क्‍वब मीयूजे लागि साप्‍ता पोनेने ङूदे भलो चीम्‍मीय।

रोमी 8:9

कादेये तम्दम्ने परमेश्‍वरजे आत्‍मा नमयूने ख्यङ्दे यलो, नमयू पापी स्‍वभाव अनुसार प्रब दी, तर पवित्र आत्‍मा अनुसार चील्‍लेब क्यूक्क्य। तर कोइ मीयूप्रे ख्रीष्‍टजे आत्‍मा अन्‍क्‍यूत्‍देयलो हम्‍ब ख्रीष्‍टजेने दी।

१ कोरिन्थी 4:17

येरेक्‍यूत्‍देबे नमयू ट्‌याने तिमोथीने कूल्‍बे ख्यङ्। ङू प्रभुने विश्‍वास चेब होर्‌दे ङैजे छ्‍येब मेस्‍ये भर्‌पर्‌देब च ख्यङ्। ङैदे ने-क्‍वानेने मेस्‍ये मण्डलीयू क्‍वानेने लोम-तन चीम्‍मे अनुसार ख्रीष्‍टने विश्‍वास चीत्‍देबे ङैदे प्रेब सर् जीया केर्‌बे जेन ख्यङ् यब पो ङूदे नमयूने स्‍योम्‍मीय।

२ कोरिन्थी 1:11

नमयूदेये ङीजे लागि प्रार्थना चीत्‍देबे तोङ्मे पर्‌दीय। येर्‌बे कूम मीदे प्रार्थना चीत्‍देबे ङीदे असी प्रेक्‍क्‍य, मेस्‍ये कूम मीदे ङीजे लागि धन्‍यवाद पीन्‍क्‍य।

गलाती 3:5

परमेश्‍वरदे नमयूने पवित्र आत्मा पीन्‍देबे नमयूजे अन्द्रने हार्‌मन्‍देब कामयू चीत्दे। च मोशाजे नियम अनुसार काम फर्‌कब या नमयूदे तब वचनने विश्‍वास चीक्‍कबदे ङूदे अम्ब चीम्‍मीक औ?

गलाती 4:6

नमयू परमेश्‍वरजे च चीमी ख्यङ् यदेबे तनने परमेश्‍वरदे रङ्से चजे आत्मा ङीनजे सेम्‍ने येम्‍मे ख्यङ्, अम्‍ब आत्मादे “अब्बा, प” यदेबे कप्‍पीय।

फिलिप्पी 1:18

चनेक्‍यूल्‍ली! पो ल ब अम्‍ब ख्यङ् ज्य सेम्‍दे चीन्‍नू यी अन्‍ज्‍य सेम्‍दे चीन्‍नू ख्रीष्‍टजे प्रचार केरेनेयली चीस्‍स्‍य, अम्‍ब पोने ङ सूग ख्यङ् मेस्‍ये, अम्‍बनेने ङ सूग्‍नीय।

१ पत्रुस 1:11

अगमवक्तायू नङ्ने ख्‍यब ख्रीष्‍टजे आत्‍मादे ख्रीष्‍ट फ्‍याने पर्‌तीरब सकस्यू होर्‌दे ङ्येदे क्‍यूरब महिमाजे पो क्‍यमब बीलने तम्‍मे ख्‍य, मेस्‍ये अम्‍ब केर्‌बे मेस्‍ये कलङ् क्‍यूक्‍क्‍य यदेबे था प्रेजे लागि थमयूदे मैख्‍य।