फिलिप्पिन 4:6 - सोरियाली नय्या नियम

⁶ केले बात की चिन्ता जन करा, लेकिन हरेक बात में प्रार्थना और बिनती करा, परमेश्वर स बता की तुमून कि चैंछो, और उक द्वारा करिना का सब कामून खिन उको धन्यवाद करा।

फिलिप्पिन 4:6 Cross References

मत्ती 10:19

लेकिन जब उन तुमून पकड़वाला त फिकर जन कर्या, कि तुमून कसकैं या कि कुन होलो; क्याखिनकि जेले तुमून कुन होलो, उई बखत तुमून बता दी जालो।

मत्ती 13:22

और जो बी झाड़िन का बीच पड़ीनान छन, यो उन लोग का नियाती छन जिनूनले बचन तो सुणनान, पर यो जीन्दगी चिन्ता, और धन-दौलत और दुसारा चीजून को लालच परमेश्वरा का बचन में रूकावट डालछी। और उक जीन्दगी में बचन कै काम नै कर पानो।

मत्ती 6:34

और भोल की चिन्ता जन करा, भोल अपूनी चिन्ता अफी कर ल्यलो; आज खिन आजो को दुख भौत छै।

मत्ती 6:8

येक कारण तुम उनार समान जन बना, क्याखिनकि तुमोरो पिता तुमार माँगून है पैलि जाणछो कि तुमेरि कि-कि जरूरत छै।

लूका 10:41

प्रभु यीशु ले ऊस जबाब दीछ, हे मार्था, हे मार्था तैं भौत बातुन की चिन्ता करछी और भौत डर छी।

लूका 12:22

फिर यीशु ले अपून शिष्यून थैं क्योछ, येक कारण मैं तुमूनथैं कुछूँ, कि अपून रोजमर्रा जीवन का बारिमें चिन्ता जन करा कि हम खूँला; नै अपून शरीर का बारिमें फिकर जन करा की कि पैनला।

लूका 12:29

और तुम यो बातुन की चिन्ता जन करा की हम कि खूँला, या कि पियूला, और शक जन करा।

लूका 18:1

फिर यीशु ले अपून शिष्यून थैं क्योछ, लगातार प्रार्थना कर्या और हिम्मत नै छोड़ूनि चैंनी येक कारण उनूनथैं यो कहानी सुणाभेरन क्योछ:

लूका 18:7

त क्या परमेश्वर अपून चुनिना का लोगून को जल्दी न्याय नै करलोई, जो रात-दिन उक सामुनि रून कलानो करनान? और क्या उ उनार बार में देर करोलोई?

1 कुरिन्थियून 7:21

अगर कोई आदिमी दास छै, और प्रभु में विश्वास करछो, त तुमून यो बात को बुर नै लगूनो चैछो, हालाकि, अगर तुमोरो मालिक तुमून बतूछो कि तुम आजादी ले जा सकछा, त जा सकछा।

1 कुरिन्थियून 7:32

मेरि यो इच्छा छै कि तुम सांसारै की इच्छान भटे दूर रौ। कुँवारो आदिमी प्रभु की बातुन की चिन्ता में रूछो कि प्रभु खुश राखूँ।

2 कुरिन्थियून 1:11

और तुम लोग ले हमून खिन प्रार्थना करभेरन हमेरि मद्दत करा। इसीकैं भौत सी प्रार्थनान का कारण हमून आशीष मिलीना की छै और उ खिन भौतसा लोग हमार तरफ भटे परमेश्वरो को धन्यवाद ले द्याला।

इफिसियून 5:20

जो कुछ हमार प्रभु यीशु मसीह ले करिना को छै उक कारण हमेशा हमार परमेश्वर पिता का हरेक बात खिन धन्यबाद करा।

इफिसियून 6:18

हमून ऊसी प्रार्थना और बिनती करूनी चैछी जसो हमून पवित्र आत्मा सिखूछो। येक कारण जागनै रौ कि सबै परमेश्वरा का लोगून खिन हमेशा बिनती करनै रौ।

कुलुस्सियून 3:15

उ शान्ति जो मसीह दीछो ऊस अपून दिल में राजा करून दी। क्याखिनकि तुम सबै एक्कै शरीरा का अंग छा और येक कारण तुमून एक दुसरा का दगाड़ शान्ति रून खिन बुलाई ग्योछ और हमेशा परमेश्वरो को धन्यवाद करनै रौ।

कुलुस्सियून 3:17

तुम बोलून में, या काम में जेके ले करछा सब प्रभु यीशु का नाम ले करा, और उक द्वारा पिता परमेश्वरो को धन्यवाद करा।

कुलुस्सियून 4:2

तुम सतर्क हो भेरन प्रार्थना में लगातार लाग रौ, और हमेशा परमेश्वरो को धन्यवाद करनै रौ।

1 तीमुथियुस 2:1

येक कारण सबून है जरूरी बात यो छै, कि तैं प्रभु थैं सब लोगून खिन बिनती, प्रार्थना, और निवेदन, और धन्यवाद कर।

1 तीमुथियुस 5:5

जिन विध्वान का पास उनेरि जरूरत पुरी करून खिन और उनेरि देखभाल करून खिन कोई नाहातिन, और उ परमेश्वर मेंई भरोस राखभेरन रात-दिन प्रार्थना और बिनती में लागिना की रूनान।

1 पतरस 4:7

सब बातुन को अन्त तुरन्त हुनवालो छै; येक कारण अपून-आप में काबू करभेरन और सच्चाई का दगाड़ प्रार्थना में लाग रौ।

1 पतरस 5:7

परमेश्वर तुमेरि परवाह करछो और येक कारण अपूनी सारी चिन्ता परमेश्वर में डाल दी।