फिलिप्पिन 4:3 - सोरियाली नय्या नियम

³ हे सच्चा दगड़ियो सुन्तुखे, मैं तैथैं ले बिनती करछूँ, कि तैं इन स्यैनिन का मेल मिलाप करून में मद्दत कर। किलैकी उनूनले म्यारा दगाड़ सुसमाचार फैलून में, क्लेमेंस और म्यारा दगड़ियान ले म्यारा दगाड़ हिम्मत करछ्य, जिनारा-जिनारा नाम जीवन की किताब में लिखीना का छन।

फिलिप्पिन 4:3 Cross References

लूका 10:20

तब ले तुम यो बात ले खुश जन हो कि भूत तुमार बश में छै, लेकिन यो बात ले खुश हो कि तुमार नाम स्वर्ग में लिखीनाका छन।”

रोमियून 12:1

येक कारण हे विश्वासी भाईयों, मैं तुमून परमेश्वरे की दया याद दिलाभेरन बिनती करछूँ, कि अपून जीन्दगी स ज्यून और पवित्र, और परमेश्वर स निको लागून वालो बलिदान चढ़ा। परमेश्वरे की सेवा करना को योई सच्चा तरीका छै।

रोमियून 16:12

त्रफैना और त्रफोसास बैनिन जो प्रभु में मेहनत करनान, उनून म्येरो नमस्कार। प्रिया पिरसिसस बैनि स जेले प्रभु में भौत मेहनत करछै, ऊस ले म्येरो नमस्कार।

रोमियून 16:9

उरबानुस स, जो मसीह में हमार सहकर्मी छन, और म्यारा प्रिय इस्तखुस स ले म्येरो नमस्कार।

फिलिप्पिन 1:12

हे प्रिय दगड़ियो, मैं चाँछू कि तुम जाण ली कि मैंमें जो बितीना को छै, जैका कारण ले भौत लोगून ले सुसमाचार में विश्वास करछ्य।

फिलिप्पिन 1:16

उन यो लोग छन जो मैंस प्रेम करनान क्याखिनकि उ जाणनान, कि मैं यीशु मसीह का सुसमाचारो को जबाब दीन खिन ठैहराई ग्यू और उखिन जेल में कैद छूँ।

फिलिप्पिन 1:27

केवल इतुक करा कि तुमोरो चाल-चलन मसीह का सुसमाचार का अनुसार हो, चाहे मैं तुमून आभेरन देखू या नै देखू, तुमार बारिमें बश यो सुणू कि तुम एक इरादा में मजबूत हो भेरन, और एक मन होभेरन सुसमाचार का विश्वास खिन मेहनत करनै रूछो।

फिलिप्पिन 1:5

पैला दिन भटे तुमूले यीशु मसीह का बारिमें यो सुसमाचार में विश्वास करछ्य, और सुसमाचार फैलून में तुम म्यारा दगाड़ रैछा।

फिलिप्पिन 1:7

तुम सबून का बारिमें मेरि यो राई ठीक छै, क्याखिनकि मैं तुमून भौत प्रेम करछूँ, और मैं या जेल में छूँ, और सुसमाचार की सच्चाई ले जबाब दीन खिन और सच्च साबित करून खिन तुम सब म्यारा दगाड़ परमेश्वरा का अनुग्रह में सहभागी छा।

फिलिप्पिन 4:2

मैं यूओदिया और सुन्तुखे, द्वीवै बैनिनथैं बिनती करछूँ, कि प्रभु में एक दुसारा थैं मिलभेरन रौ।

कुलुस्सियून 1:7

उकी शिक्षा तुमूले हमार प्रिय दगड़िया इपफ्रास भटे सिखछै, जो हमून खिन मसीह को सच्चो सेवक छै।

प्रकाशितवाक्य 13:8

संसारा का सब लोग उकी पूजा करून लाग्यान। सिर्फ उनी लोगून ले उकी पूजा नै करि जिनारा नाम संसारा बनून है पैलि जीवन की किताब में लिखीना का छ्या। यो जीवन की किताब उ मेम्ना की किताब छै जैस बलिदान का रूप मारिना को छ्यो।

प्रकाशितवाक्य 17:8

जो जानवर स तैले एल देखछ्य, एक बखत ज्यून छ्यो, लेकिन अब ज्यून नाहातिन; उ गैरा गड्डा भटे भ्यार उनवालो छै और परमेश्वर ऊस पुर तरीका ले नाश कर द्योलो; और संसारा का लोग जिनारा नाम संसार बनून है पैलि जीवनै की किताब में नै लिख रै, उन सब हैरान हो जाला जब उन यो जानवरै स देखाला। जो एक बखत ज्यून छ्यो; अब उ ज्यून नाहातिन; लेकिन उ फिर वापस आ जालो।

प्रकाशितवाक्य 20:12

और मैंले मरिना का लोगून उ सिंहासन का सामुनि ठाड़ देखछै, मतलब उनून जो खास और आम लोग छन। और समुन्द्र ले अपूना मुर्दान दी द्याला जो उमें छ्या, और सब मरिना का लोग, और अधोलोक और धरती ले अपूना-अपूना मुर्दान दी द्याला। और किताब खोलि ग्यान, जैमें जीवनै की किताब ले शामिल छै। और किताबून में लिखीना का बातुन का अनुसार उनोरो न्याय करि ग्यो, उक अनुसार जो उनूनले करिना को छ्यो। उन सबून को उनार कामून का अनुसार न्याय करि ग्यो।

प्रकाशितवाक्य 21:27

और कोई ले अशुद्ध चीज उ शैहर में प्रवेश नी करली। कोई ले जो गन्दा काम करनान या झूठ बोलनान वाँ प्रवेश नी कराला। वाँ केवल उनी लोग प्रवेश कर सकनान जिनारा नाम जीवनै की किताब में लिखी ग्यान, यो उ किताब छै जैमें उन लोगून का नाम लिखीनाका छन जिनारा पास अनन्त जीवन छै।

प्रकाशितवाक्य 3:5

जो आदिमी शैतानी ताकतून हरा द्योलो, उले इनारा नियाती सफेद कपाड़ा पैनोलो। मैं उ आदिमी को नाम उ किताब में है नी मिटूलो जैमें उन लोगून का नाम लिखीना का छन जिनारा पास सच्चो जीवन छै। जब कि मैं अपून पिता और स्वर्गदूतून का सामुनि ठाड़ हुलो जो उकी सेवा करनान, त मैं घोषणा करूलो कि उन म्यारा छन।