फिलिप्पिन 4:14 - सोरियाली नय्या नियम

¹⁴ तब ले तुमूले निको करछ्य, कि मैंस रूपाया भेजभेरन म्यारा तखलीफ में मेरि मद्दत करछ्य।

फिलिप्पिन 4:14 Cross References

मत्ती 25:21

तब मालिक ले उथैं क्योछ, ‘शाबाश, हे म्यारा भल और ईमानदार सेवक! तैं थ्वाड़ा में ईमानदार रैछै, मैं तैंस भौत चीजून में अधिकार द्यूलो। अब तैं म्यारा दगाड़ खुशी मनौ।’

रोमियून 15:27

उनूनले खुशी ले गरीब लोगून दान दीछ, उन यरूशलम शैहरा का रूनवाला लोगून का कर्जदार छै, किलैंकी गैर-यहूदी लोगून ले यरूशलम शैहर में रूनवाला विश्वासीन ले सुसमाचार की आत्मिक आशीष प्राप्त करछै, येक कारण उनून लागछो की येका बदला में उन कम है कम उनेरि आर्थिक मद्दत कर सकनान।

गलातियों 6:6

जिन लोगून परमेश्वरा का वचने की शिक्षा दी जांछी, त उनोरो फर्ज बनछो, कि जो केले उनार पास छै, उनूनले लोगून का दगाड़ बाणून चैंछो जो उनून सिखीना को छै।

फिलिप्पिन 1:7

तुम सबून का बारिमें मेरि यो राई ठीक छै, क्याखिनकि मैं तुमून भौत प्रेम करछूँ, और मैं या जेल में छूँ, और सुसमाचार की सच्चाई ले जबाब दीन खिन और सच्च साबित करून खिन तुम सब म्यारा दगाड़ परमेश्वरा का अनुग्रह में सहभागी छा।

फिलिप्पिन 4:18

म्यारा पास सब कुछ छै, बल्कि जरूरत है ले ज्यादा छै; जो चीज तुमूले इपफ्रुदीतुस हात भटे भेज छ्ये उनून पाभेरन मैं संतुष्ट छूँ, मैंखिन तुमोरो दान मीठा खुशबुदार बलिदान की नियाती छै, जो याजक परमेश्वर खिन चढ़ूछो, जैस परमेश्वर ग्रहण करछो और उले खुशी ले हुछो।

1 तीमुथियुस 6:18

और भल काम करून खिन हुकुम दे ताकि भल कामून में अमीर बना, और दुसरा की मद्दत करून खिन हमेशा तैयार रया।

इब्रानियों 10:33

कभै-कभै त इसो ले भ्योछ, कि तुम अपमान, और अत्याचार सह भेरन सबून का सामुनि तमाशा बनग्या, और कई बार तुम उन लोगून में शामिल हो गया जिनोरो अपमान करि जा छ्यो और जिनारा दगाड़ बुरा बरताव हुछ्यो।

इब्रानियों 10:34

तुम कैदीन का दुख में ले दुखी भैछा, और अपूनी धन-दौलत ले खुशी ले लुटा दीछ; किलैकी तुम जाणछा कि तुमार पास एल ले उन सब चीज छन जिनोरो वादा परमेश्वरै करिना को छ्यो, जो कि भौत खास छै और जो हमेशा खिन बनिना को रूछो।

इब्रानियों 13:16

तुम लोग भलाई करून और एक-दुसरा की मद्दत करून खिन तैयार रौ, किलैकी परमेश्‍वर इसा बलिदानून ले खुश हुछो।

प्रकाशितवाक्य 1:9

मैं, यहूना, जो मसीह में तुमोरो दगड़िया छूँ, तुमार नियाती सताई जाछूँ। मैं परमेश्वर क राज्यो को एक नागरिक छूँ जसकैं तुम छा, और मैंस ले अपूनी परेशानीन उसीकैं धैर्य दगाड़ सहन करूनो चैछो जसकैं तुम करछा। मैं परमेश्वरा का बचन को प्रचार करून और यीशु का बारिमें बतूना का कारण पतमुस टापू में भेज दी गैछ्यू।