फिलिप्पिन 4:11 - सोरियाली नय्या नियम

¹¹ इसो नाहातिन कि मैंस कभै जरूरत छी, क्याखिनकि मैंले सिखीना को छै कि म्यारा पास जो कुछ ले छै उमें खुश रून छै।

फिलिप्पिन 4:11 Cross References

लूका 3:14

और सिपाईनले ले पुछ्छै, कि “हम कि करनू? तब यहूना क्योछ, कैखिन ले उपद्रव जन करया और नै कैमें झूठ्ठो आरोप लगाया, और जतुक मजूरी तुमून मिलछी, उमें खुश रया।”

2 कुरिन्थियून 11:27

मैंले भौत रातून जाग भेरन, भुखो-प्यासो रैभेरन, मैंस भौत बार खान खिन नै मिल्यो, सर्दी और थ्वाड़ा कपड़ान में रैभेरन कड़ी मेहनत करछ्य और भौत मुसीबतून झेलीना को छै।

2 कुरिन्थियून 6:10

हमार पास दुख को बखत छ्यो, लेकिन हमेशा खुश रूनू, हम खुद त कंगाल छा, लेकिन भौत लोगून आत्मिक रूप ले धनवान बना दीनू। हम इसा छा जसीकैं हमार पास के नाहातिन, फिरले हमार पास सब कुछ छै।

2 कुरिन्थियून 8:9

तुम हमार प्रभु यीशु मसीह को अनुग्रह जाणछा, कि उ अमीर होभेरन ले तुमून खिन कंगाल बनग्यो ताकि उक कंगाल हुना तुम अमीर हो ज्या।

2 कुरिन्थियून 9:8

परमेश्वर सब प्रकार को अनुग्रह तुमून जरूरत है ज्यादा दी सकछो। जैले हर बात में और हर बखत, सब कुछ, जो तुमून जरूरत होलि, तुमार पास रौ, ताकि तुमार पास उहै निको काम करून खिन ले तुमार पास भौत कुछ बच जालो।

फिलिप्पिन 3:8

क्याखिनकि यीशु मसीह स जाणून बाकि सब चीजून है कई बढ़भेरन छै, मैं सब चीजून बेकार समझछूँ। जैका कारण मैंले सब चीजून छोड़ दीयान, और उनून कूड़ो समझछूँ, ताकि मैं मसीह जाण सकूँ।

इब्रानियों 10:34

तुम कैदीन का दुख में ले दुखी भैछा, और अपूनी धन-दौलत ले खुशी ले लुटा दीछ; किलैकी तुम जाणछा कि तुमार पास एल ले उन सब चीज छन जिनोरो वादा परमेश्वरै करिना को छ्यो, जो कि भौत खास छै और जो हमेशा खिन बनिना को रूछो।