फिलिप्पिन 3:2 - सोरियाली नय्या नियम

² उन बुरा लोगून है सतर्क रौ, जो जंगली कूकुरुन की नियाती खतरनाक छन, और उन लोगून है सतर्क रौ, जो कुंनान, उद्धार पान खिन खतना करून जरूरी छै।

फिलिप्पिन 3:2 Cross References

मत्ती 24:10

तब भौत लोग डरा कारण मैंमें विश्वास करून बन्द कर द्याला, और एक दुसरा स पकड़वाला, और एक दुसरा स देखिभेरन घृणा कराला।

मत्ती 7:15

परमेश्वरा का बारिमें झूठ्ठो संदेश दीन वाला लोगून है सतर्क रौ, जो भेड़ून का जसो भेष बनाभेरन तुमार पास ऊँनान, लेकिन उ असल में फाड़ खान वाला भेड़िया का जसा छन।

मत्ती 7:6

उन लोगून परमेश्वरो को संदेश जन सुणा, जो येस नै सुणून चाँनान। अगर तुम इसो करछा, त यो इसो होलो जसो कोई पवित्र चीज कूकुरुन का सामुनि डालूनो, और नै अपून मोती सुंअरून का सामुनि डालीया, काँई इसो नै हो कि उन उनून अपून खुटान का तलि रौंद दीयाला, और पलट भेरन तुमून में हमला कर दीयून।

रोमियून 2:28

किलैंकी यो इसो नाहातिन की तैं यहूदी पैद भैछै और किलैंकी तुमोरो खतना भ्योछ उ तुमून सच्चो यहूदी बनूछो।

2 कुरिन्थियून 11:13

किलैकी इसा लोग झूठ्ठा प्रेरित, और छल ले काम करूनवाला, और मसीह को प्रेरित हुना को ढोग करनान।

गलातियों 5:13

हे म्यारा विश्वासी भाईयों, तुमून परमेश्वर ले आजाद हुन खिन बुलाईना को छ्यो, अब तुमून मूसा नियम-कानून को पालन करना की जरूरत नहातिन। अपूनी यो आजादी स अपूनी शारीरिक इच्छान पुरो करून खिन मौका जन बना, बल्कि, एक-दुसरा स प्रेम करा और एक-दुसरा की सेवा करा।

गलातियों 5:15

लेकिन अगर तुम जानवरून की नियाती एक-दुसरा स काटछा और फाड़छा, त तुमून सतर्क रून चैछो कि काँई तुम एक-दुसरा स नाश नै करा।

गलातियों 5:6

अगर तुम मसीह यीशु का शिष्य छा त यो बात ले कोई फरक नै पड़नो कि तुमोरो खतना होईना को छी या नाहातिन। लेकिन जरूरी बात यो छै, कि हम मसीह में विश्वास करनू, और हम परमेश्वर और दुसारा लोगून का प्रति प्रेम राखनू।

फिलिप्पिन 3:19

उनोरो अन्त विनाश छै, और उनार शरीरा का इच्छाई उनोरो ईश्वर छै, उन अपून बुरा कामून में घमण्ड करनान और उन हमेशा संसारा की चीजून का बारिमें सोचनै रूनान।

फिलिप्पिन 3:3

क्याखिनकि परमेश्वरा का सच्चा लोग त हम छा जो परमेश्वर की अराधना उक आत्मा द्वारा करनू, और अपून जीवन में यीशु मसीह का दगाड़ एकता में खुश हुनू और हम अपून शरीरा का द्वारा करिना का कामून में विश्वास नै राखना।

1 तीमुथियुस 1:19

तैंस मसीह में विश्वास में बनिना को रून चैछो और साफ जमीर हुन चैछो। कुछ लोगून ले अपून जमीर स खराब कर हालछ्य और उनूले मसीह में विश्वास करना की अपूनी योग्यता स नाश कर हालछ्य, ठीक उसीकैं जसीकैं एक जहाज टकराभेरन नाश हो जाछो।

तीतुस 1:16

उन झूठ्ठी शिक्षा दीन वाला कुंनान कि हम परमेश्वर स जाणनू, लेकिन उन अपून काम ले दिखूनान कि उन जाणना। क्याखिनकि उन नफरत ले भरिना का छन और हुकुम नै मानून वाला छन और उन कोई ले भल काम करून योग्य नाहातिन।

2 पतरस 2:22

उनूनले जो करछ्य, बिल्कुल उई बात इन द्वी कहावत कुछी, “कुकुर उलटी करछो, और फिर ऊस खा लीछो।” और “जब कोई आदिमी एक सूअर स नहवा दीछो, त वह सूअर फिर है कीचड़ में पड़ून खिन न्हैजाछो।”

यहूदा 1:4

मैं तुमून यो लिखून मरैयू किलैकी कुछ लोग जो यीशु मसीह में विश्वास करना को दिखावा करनान, उन तुमार बीच में शामिल हो ग्यान। उन परमेश्वरो को आदर नै करना और उन गलत शिक्षा दीनान कि परमेश्वर अपून अनुग्रह ले हमार पापून माफ कर दीछो, येक कारण हम गलत कामून में जीवन जी सकनू। उन यीशु मसीह स अस्वीकार करनान, जो हमोरो एकमात्र मालिक और प्रभु छै। भौत बखत पैलि भटे, पवित्रशास्त्र में लिखीना को छै कि परमेश्वर इस लोगून दण्ड द्योलो।

प्रकाशितवाक्य 2:9

मैं जाणछूँ कि तैंस सताई ग्योछ और तै गरीब छै। लेकिन आत्मिक मामूल में तै भौत धनी छै। मैं उन लोगून का बारिमें जाणछूँ जो दावा करनान कि उन परमेश्वरा का चुनिना का लोग छै मतलब यहूदी, पर उन छन नै। उन त्यारा बारिमें बुरी बात बोलनान, लेकिन सच्ची में उन उ दल का सदस्य छन जो शैताना का छन।

प्रकाशितवाक्य 21:8

लेकिन उन जो सताव का डरले मैंस त्याग कर दीनान और जो मैंमें भरोस करून छोड़ दीनान, उनून गन्धक का आग में खित दी जाला। इसीकैं उनूनले जो बुरो करनान, और खून करनान, और ब्यभिचार करनान, और अपून दगड़ियान का प्रति जादू-टोना करनान, और मूर्तिन की पुज करनान, और सब झूठ बोलूनवालान, उनूनले गन्धक का आग में डाल दी जाला। यो दुसरी मौत छै।

प्रकाशितवाक्य 22:15

लेकिन उन जो बुरा काम करनान, जसकैं जादू-टोना करूनवाला, ब्यभिचार करूनवाला, मूर्ति की पूजा करूनवाला, हरेक झूठ्ठो को दगोड़ो दीन वाला, और उन जो झूठ बोलनान उन कभै ले उ शैहर में नी पुज पाला।

प्रकाशितवाक्य 3:9

येक कारण सुण, मैं उन लोगून का बारिमें जाणछूँ जो दावा करनान कि उन परमेश्वरा का चुनिना का लोग छन मतलब यहूदी, लेकिन छन नै। उन त्यारा बारिमें झूठ्ठी बात बोलनान, लेकिन सच्ची में उन उ दल का सदस्य छन जो शैतान का छन मैं इसो करूलो, कि उन आभेरन त्यारा सामुनि दण्डवत् कराला, और यो जाण ल्याला, कि मैं तैंस प्रेम करछूँ।