फिलिप्पिन 3:19 - सोरियाली नय्या नियम

¹⁹ उनोरो अन्त विनाश छै, और उनार शरीरा का इच्छाई उनोरो ईश्वर छै, उन अपून बुरा कामून में घमण्ड करनान और उन हमेशा संसारा की चीजून का बारिमें सोचनै रूनान।

फिलिप्पिन 3:19 Cross References

मत्ती 16:23

तब यीशु ले पछिल मुड़भेरन पतरस का तरफ देखभेरन क्योछ, “हे शैतान, तैं म्यारा सामुनि है दूर न्हैजा, तैं मैं खिन ठोकर को कारण छै, क्याखिनकि तैं परमेश्वर नियाती नै सोचनै, बल्कि लोगून की नियाती सोचछ्य।”

मत्ती 25:41

और तब फिर उ बौं तरफ वालान थैं कलौ, हे पापी लोगो, म्यारा सामुनि भटे हमेशा की आग में न्हैजा, जो जाग शैतान और उक दुष्ट दूतून खिन तैय्यार कर रैछ।

लूका 12:19

येक बाद अफु थैं कुलो, त्यारा पास भौत सालून खिन खान खिन भौत अनाज और सम्पत्ति राखिना की छै, आराम ले खा, पी और मौज कर।’

लूका 16:19

फिर यीशु ले एक कहानी सुणाछ, “एक धनवान आदिमी छ्यो, जो मेहंगा कपाड़ा पैन छ्यो और हर रोज आलिशान जीन्दगी जीछो, और बड़िया दावत को खानो खाछ्यो।

लूका 18:4

भौत बखत तक उ नै मानियो लेकिन आखरीमें मन में विचार करभेरन क्योछ, मैं नै परमेश्वर भटे डर छूँ, और नै कोई आदिमी परवाह करनू।

रोमियून 16:18

क्याखिनकि इस लोग हमार प्रभु यीशु मसीह का नाहातिन, लेकिन अपून फैदा खिन सेवा करनान, और इन लोग चिकनी-चुपड़ी बात करभेरन सीधा-सादा मनाका लोगून बहका दीनान।

रोमियून 6:21

अपूनी पुरानी जीन्दगी ले तुमून कि फैदा भ्योछ? तुम उक कारण केवल शर्मिदगी हुछी। क्याखिनकि इन कामून को फल मौत छै।

1 कुरिन्थियून 3:3

क्याखिनकि तुम ऐल तक अपून पापी स्वभावाक अनुसार जीवन जीन मरैछा, येक कारण तुमून में जलन और लड़ाई-झगाड़ा हुनान, त क्या यो साबित नै हुनोई तुम अपून पापी स्वभावाक बश में छा? क्या तुम यो संसाराक लोगून की नियाती जीवन नै जीन मरेछा?

1 कुरिन्थियून 5:2

और तुम अपून आप में भौत घमण्ड करछा, बल्कि तुमून दुख ले भरि जान चैछो, और तुमून इस लोगून अपूनी विश्वासी मण्डली भटे भ्यार निकाल दीनो चैछो।

1 कुरिन्थियून 5:6

तुमोरो घमण्ड करूनो बिल्कुल ले ठीक नाहातिन; कि थ्वाड़ा खमीर पुर ओलीना को धुलास खमीर कर दीछो? उसीकैं, अगर एक आदिमी स पाप करना की इजाजत दी जाछी, त जल्दी सब उई करून खिन प्रभावित होला।

2 कुरिन्थियून 11:12

लेकिन मैं जो करनै ऊँन मरयूँ, उई करनै रछूँ, ताकि मैं उन लोगून हमार दगाड़ बराबर समझी जाना को मौका दीन है रोक सकूँ। उन सच्ची में मौक चानान कि यो साबित करून खिन उन ले हमार बराबर छन और उनूनले गर्व करना को अधिकार छै।

2 कुरिन्थियून 11:15

येक कारण यो कोई ठुली बात नाहातिन कि अगर शैताना का सेवक धार्मिकता का सेवकून की नियाती दिखून खिन खुद स बदल दीन। लेकिन अन्त में उनून उई मिलोलो जो उनारा कामून का अनुसार छै।

गलातियों 6:13

याँ तक कि खतना करिना का यहूदी विश्वासी मूसा का सबै नियम-कानून को पालन नै करना, लेकिन उन चानान कि तुम खतना करवा ताकि उन दुसारा यहूदीन में घमण्ड कर सकून, जिनारा कारण ले तुमोरो खतना भ्योछ।

फिलिप्पिन 2:21

क्याखिनकि सब अपून फैदा की खोज में रूनान, लेकिन उन यीशु मसीह का कईना का बातुन का बारिमें चिन्ता नै करना।

कुलुस्सियून 3:2

संसार का चीजून में नै पर स्वर्गीय चीजून की इच्छा करनै रौ, जो परमेश्वर ले तुमून खिन स्वर्ग में राखिना की छै।

2 थिस्सलुनीकियों 1:9

और प्रभु उनून अपूना पास भटे भ्यार कर द्योलो और उनून अपूनी महानता में अपूनी शक्ति को अनुभव करून को हुकुम नी द्योलो, और उ उनून अनन्त विनाश का द्वारा सजा पाला।

2 थिस्सलुनीकियों 2:12

और परमेश्वर उन सब लोगून को न्याय करोलो, जिनूनले यीशु मसीह का सच्चा उपदेशून में विश्वास नै कर्यो बल्कि बुरी बातुन में मन लगाछ।

2 थिस्सलुनीकियों 2:8

तब उ दुष्ट प्रगट होलो, जैस प्रभु यीशु अपून मुँखा का फूँके ले मार डालोल, और अपूना उना का तेज ले भस्म कर द्योलो।

1 तीमुथियुस 6:5

इसा लोगून का बीच में हमेशा झगाड़ा पैद हुछो, जिनेरि बुद्धि भ्रष्ट हो गै, और उन सच्चाई नै समझ पान, और उन सोचनान कि परमेश्वर की सेवा करून धनवान हुना को तरीका छै।

2 तीमुथियुस 3:4

विश्वासघात करून वला, ढीठ, अभिमानी, और परमेश्वरा का नै बल्कि सुख-विलास का चानवाला होलो।

याकूब 4:16

लेकिन तुम अपूनी बनाईना की योजना में घमण्ड करछा। इसो सब घमण्ड बुरो हुछो।

2 पतरस 2:1

जसा तरीका ले तुम भौत पैलि झूठ्ठा संदेश दीन वाला लोग इस्राएली लोगून का बीच में दिखाई दीईयान, उसीकैं तुमार बीच में झूठ्ठा शिक्षा दीन वाला दिखाई द्याला। उन झूठ्ठी शिक्षान चुपचाप ले फैला द्याला, जो लोगून मसीह में विश्वास करून है रोक देली। यो झूठ्ठा शिक्षा दीन वाला मसीह स अपून स्वामी मानून है ले इन्कार कर द्याला जो उनोरो मालिक छै और जैले उनून पाप की शक्ति है आजाद करिना को छै। इसीकैं उन अपनास अचानक नाश करवा द्याला।

2 पतरस 2:13

उनोरो विनाश उ नुकसानो को ईनाम छै जो उनूनले करछ्य। उनून छकाला दिन तक बुरा सुख-विलास में पड़ीनाको रून पसन्द करनान। उन तुमार बीच एक कलंक और दाग छन और तुम लोगून का दगाड़ खान-पिन बखत उनून कपटी बात करून में खुशी हुछी।

2 पतरस 2:3

इन सिखून वाला लालची होला, और उन बनि-बनाई कहानीन सुणाभेरन तुमून ध्वाका द्याला ताकि तुमूनथैं चीजून प्राप्त कर सकून। परमेश्वरे ले भौत बखत पैलि फैसला कर हलछ्यो कि उ उनून सजा द्याला और उन करून खिन तैयार छन। उन जरूर उनून नाश कर द्याला।

यहूदा 1:10

इन लोग जो परमेश्वरै की अराधना नै करना और उन बातुन को बिरोध में बुरा शब्दून को इस्तमाल करनान जो उनून समझ में नै ऊँना; और जब उन जानवरून की नियाती ब्यवहार करनान और जिन कामून उन जाणनान उनून उन बिना सोचे-समझे करनान, त उन परमेश्वरै की तरफ भटे दण्ड भुगताला।

यहूदा 1:16

इन लोग हमेशा परमेश्वरा का खिलाफ बोलनान और दुसरा लोगून में गलती खोजनान। उन लगातार उन बुरा कामून करनान जो उनार दिल करून चांछो। उन अपून बारिमें घमण्ड ले दावा करनान और अपून फैद खिन दुसरा लोगून की चापलूसी करनान, उन पिता परमेश्वरा का तरफ भटे दण्ड भुगताला।

यहूदा 1:4

मैं तुमून यो लिखून मरैयू किलैकी कुछ लोग जो यीशु मसीह में विश्वास करना को दिखावा करनान, उन तुमार बीच में शामिल हो ग्यान। उन परमेश्वरो को आदर नै करना और उन गलत शिक्षा दीनान कि परमेश्वर अपून अनुग्रह ले हमार पापून माफ कर दीछो, येक कारण हम गलत कामून में जीवन जी सकनू। उन यीशु मसीह स अस्वीकार करनान, जो हमोरो एकमात्र मालिक और प्रभु छै। भौत बखत पैलि भटे, पवित्रशास्त्र में लिखीना को छै कि परमेश्वर इस लोगून दण्ड द्योलो।

प्रकाशितवाक्य 18:7

जतुक उले अपूनी बड़ाई करछ्य और भोग बिलास करछ्य उतकैं ऊस तखलीफ दीछ, उले अपून मन में क्योछ, “मैं एक रानी की नियाती लोगून में राजा करलो। मैं एक विध्वा नाहातिनू, और मैं शोक कभै नी करूँ।”

प्रकाशितवाक्य 19:20

उ पैलो जानवर और उक दगाड़ दुसोरो झूठ्ठो जानवर पकड़ी ग्यो, उले पैला जानवर का तरफ भटे चमत्कार दिखाईना छ्या, जैक द्वारा उले ऊस भरमाछ जिनून में उ जानवर कि छाप छी, और जो उकी मूर्ति कि पूजा करछ्या। इन द्वीवैन ज्यूनाई आगा का कुण्ड में डाल दी ग्यान जो गन्धक ले जलछी।

प्रकाशितवाक्य 21:8

लेकिन उन जो सताव का डरले मैंस त्याग कर दीनान और जो मैंमें भरोस करून छोड़ दीनान, उनून गन्धक का आग में खित दी जाला। इसीकैं उनूनले जो बुरो करनान, और खून करनान, और ब्यभिचार करनान, और अपून दगड़ियान का प्रति जादू-टोना करनान, और मूर्तिन की पुज करनान, और सब झूठ बोलूनवालान, उनूनले गन्धक का आग में डाल दी जाला। यो दुसरी मौत छै।

प्रकाशितवाक्य 22:15

लेकिन उन जो बुरा काम करनान, जसकैं जादू-टोना करूनवाला, ब्यभिचार करूनवाला, मूर्ति की पूजा करूनवाला, हरेक झूठ्ठो को दगोड़ो दीन वाला, और उन जो झूठ बोलनान उन कभै ले उ शैहर में नी पुज पाला।