फिलिप्पिन 3:18 - सोरियाली नय्या नियम

¹⁸ क्याखिनकि भौत लोग इसो ब्यवहार करनान, जिनेरि चर्चा मैंले तुमूनथैं बार-बार कर रैछ और अब ले रो-रो भेरन करछूँ, कि उन अपून ब्यवहार ले मसीह का बलिदान का बैरी बन जानान।

फिलिप्पिन 3:18 Cross References

लूका 19:41

जब यीशु नजिक पुजियान त यरूशलम शैहर स देखिभेरन उमें रून लाग्यान।

प्रेरितून का काम 20:19

मैंले परमेश्वर कि सेवा आँसू बगाभेरन भौत दीनताले दुख मुसीबत करछ्य। मैंले उन साजिश जो यहूदीन का द्वारा रचिनाकी छी ऊस सहन करछ्य।

रोमियून 9:2

मैंस भौत शोक छै, म्योरो मन म्यारा लोगून खिन हर बखत दुखी रूछ्यो।

1 कुरिन्थियून 1:18

क्याखिनकि जब लोग परमेश्वरो को यो सुसमाचार सुणूनान, कि यीशु मसीह सूली में हमार पापून खिन बलिदान हो ग्यो, त उनूनमें भटे कुछ लोग कुंनान कि यो सुसमाचार मूर्खतापूर्ण छै। इसो तरीका ले सोचून वाला लोग परमेश्वरा का सजा का हक्कदार छन, लेकिन हमून खिन जो यो सुसमाचार में विश्वास और उद्धार पा रैछ उनून खिन परमेश्वरै सामर्थ छै।

1 कुरिन्थियून 6:9

तुमून यो जरूर मालूम हुन चैछो, कि बुर करूनवाला लोग परमेश्वरा का राज्य का वारिस नी होला। कोई तुमून ध्वाका ले यो सोचून में मजबूर जन करा कि तुम बुर काम कर सकछा और फिर परमेश्वरा का लोगून का दगाड़ रै सकछा, नै बेश्याक दगाड़ संगति, नै मूर्ति पूजा, नै कोई स्यैनिक दगाड़ नजायज रिश्ता, नै लुचपन, नै आदिमी को आदिमीक दगाड़ नजायज रिशता,

2 कुरिन्थियून 11:13

किलैकी इसा लोग झूठ्ठा प्रेरित, और छल ले काम करूनवाला, और मसीह को प्रेरित हुना को ढोग करनान।

2 कुरिन्थियून 11:29

जब कोई कमजोर हो जाँछो, त मैंले कमजोरी महसूस करछूँ। जब कोई पाप करछो, त म्येरो दिल जलि जाछो।

2 कुरिन्थियून 2:4

मैंले भौत दुख में, मन में तखलीफ सह भेरन और आँसू बगा-बगा भेरन तुमून यो चिठ्ठी लिखीना की छी मैंले तुम लोगून दुख दीन खिन नै लिखीना की छी, बल्‍कि येक कारण कि तुम यो जाण जा कि मैं तुम लोगून कतुक ज्यादा प्‍यार करछूँ।

गलातियों 1:7

केवल एक्कैई सच्चो सुसमाचार छै, लेकिन थ्वाड़ा लोग मसीह का बारिमें सुसमाचार को नाश करून चानान और उन लोगून ले तुमून ध्वाका दी रैछ।

गलातियों 2:14

लेकिन जब मैंले देखछ्य, कि उन उ सच्चाई को पालन नै करूनमर्या जो सुसमाचार बतूछो, त मैंले सबून सामुनि पतरस (कैफा) थैं क्योछ, “जब तैं एक यहूदी हो भेरन ले, गैर-यहूदी लोगून का रीति-रिवाजून को पालन करछै और यहूदीन का रीति-रिवाजून को पालन नै करनै। अगर तैं जो कि एक यहूदी छै, इसो करछ्य, त फिर तैं गैर-यहूदी लोगून हम यहूदीन का रीति-रिवाजून को पालन करून खिन दबाब किलैं डालछै?”

गलातियों 2:21

मैं यो बात का इन्कार नै कर सकनू कि परमेश्वर अपून अनुग्रह का कारण हमून बचूछो। क्याखिनकि अगर मूसा का नियम-कानून का पालन करून का द्वारा आदिमी धर्मी ठैहरनो, त फिर मसीह को मरना की कोई जरूरत नी छी।

गलातियों 5:21

कपट, नशा में मतवाला हुन, रंगरलियाँ मनून, और येका जसा और ले काम छै, जिनारा बारिमें में तुमून चेतावनी दी मरयूँ, जसो पैलि कैले चुक गयूँ कि इन कामून का करूनवाला परमेश्वरा का राज्य का वारिस नी होला।

गलातियों 6:12

येक कारण कि यहूदी तुमून स्वीकार करून, उन तुमूनथैं खतना करून खिन कौला। उन केवल इसो करनान ताकि लोग उनून यो प्रचार करना का कारण सतून नै कि परमेश्वर लोगून केवल सूली में मसीह का मौत का द्वाराई बचूछो।

गलातियों 6:14

मैं खिन, मैं सूली में हमार प्रभु यीशु मसीह की मौत का अलावा कै और चीज को घमण्ड नै करून चानू। उले जो कुछ ले करछय, उई कारण ले संसारा का चीजून को मैंमें कोई अधिकार नाहातिन, और मैंस अब संसारिक चीजून करना की कोई इच्छा नाहातिन।

इफिसियून 4:17

येक कारण उ अधिकार का दगाड़ जो प्रभु ले मैंस दी रैछ, मैं तुमून यो बतूछूँ कि, तुम अविश्वासी लोगून का नियाती बेकारा का बिचारून का दगाड़ अपूनी जीन्दगी जन जीया।

फिलिप्पिन 1:4

और खुशी का दगाड़ अपूनी हर प्रार्थना में तुम सबून खिन बिनती करछूँ।

1 थिस्सलुनीकियों 4:6

और इसो करूना द्वारा कोई अपून विश्वासी भाई का विरोध में पाप जन करौ, नै उमें कोई चाल चलौ, क्याखिनकि प्रभु उन सजा द्योलो जो इसा काम करनान, जसो हमूले पैलि ले तुमून बताछ और समझाछ।

2 थिस्सलुनीकियों 3:11

हम सुणूनू, कि कतुक लोग तुमार बीच में आलसी छन और के काम नै करनान, पर दुसरान का कामून में दखल डालनान, और उनून काम करून है रोकनान।

2 पतरस 2:10

परमेश्वर सब दुष्ट लोगून सजा द्योलो, लेकिन उ उन झूठ्ठा शिक्षकून जरूर सजा द्योलो जो अपून बुरा इच्छान का अनुसार काम करनान और जो अपून मलि में परमेश्वरो को अधिकार स अस्वीकार करनान। उन ढीठ और घमंडी छन। उन महिमामय स्वर्गदूतून का बारिमें बुरा बोलना ले नै डरनान।

यहूदा 1:13

जसकैं समुन्द्र की प्रचण्ड लहर गन्दो झाग बनूछी, उसकैं इन लोग बेशर्मी का काम करनान। उन थ्वाड़ा तारान की नियाती छन जो एक सिदा बाट में नै हिटना, उन सही बाटो नै देखून। प्रभु उनूनखिन एक जाग राखून मर्योछ जो पुरी रीतिले अन्यारा में छन जाँ उनून हमेशा खिन रून पड़लो।