फिलिप्पिन 3:15 - सोरियाली नय्या नियम

¹⁵ हमून में जतुक आत्मिक रूप ले मजबूत छा, उई बिचार राँखो, और अगर कोई बात में तुमार और बिचार हुन त परमेश्वर ऊस ले तुमून में प्रगट कर द्योलो।

फिलिप्पिन 3:15 Cross References

मत्ती 5:48

येक कारण चैछो कि तुम सिद्ध बना, जसो तुमोरो स्वर्गीय पिता सिद्ध छै।

लूका 11:13

जब तुम बुरा हो भेरन, अपून नानतिना निकी चीज दीन जाणछा, त तुमोरो स्वर्गीय पिता कई ज्यादा बढ़भेरन छै अपून मागून वालान पवित्र आत्मा किलैं नी द्योलो?

यहूना 6:45

परमेश्वरो को संदेश दिनवालान का लेखून में यो लिखीना को छै; ‘उन सब परमेश्वरा का तरफ भटे सिखाईना का होला।’ जै केले पिता परमेश्वर थैं सुणछ और सिखछै, उ म्यारा पास ऊँछो।

यहूना 7:17

अगर कोई आदिमी परमेश्वर की मरजी में चलून चाछो, त उ यो उपदेशा का बारिमें जाणि जालो कि यो परमेश्वरा का तरफ भटे छै, या मैं अपून तरफ भटे कुछूँ।

रोमियून 15:1

हम जो विश्वास में मजबूत छै, तो जाणनू कि इन बातुन ले के फर्क नै पड़नो, लेकिन हम उनून केवल खुदै खुश करून खिन नै कर सकना। हमून उन लोगून का शक और डरून में बिचार करून चैछो जो इन बातुन गलत मान्नान

1 कुरिन्थियून 14:20

हे म्यारा विश्वासी भाईयों, इन बातुन समझून में नान्तिना की नियाती जन बना। बुराई में निर्दोष नान्तिना का नियाती बना, लेकिन इसा तरीका मामलान समझून में काबिल बना।

1 कुरिन्थियून 2:6

फिरले मैं उन लोगून का बीच ज्ञान को सुसमाचार सुणूछूँ जो आत्मिक रूप ले मजबूत छै। लेकिन यो संसारिक और संसार का नाश हुनवाला अधिकारीन को ज्ञान नाहातिन।

गलातियों 5:10

मैं परमेश्वर में विश्वास करछूँ कि तुम दुसारा लोगून की झूठ्ठी शिक्षान को पालन नी करला, लेकिन मेरि शिक्षान को पालन करला। क्याखिनकि जो तुमून खिन परेशानी ठाड़ करछो उ कोई ले क्याखिन नै हो, परमेश्वरा का द्वारा सजा पालो।

इफिसियून 1:17

मैं प्रार्थना करछूँ कि परमेश्वर हमार प्रभु यीशु मसीह का जो महिमामय पिता, तुमून पवित्र आत्मा दे, जो तुमून बुद्धिमान बना द्योलो और परमेश्वरे स तुमून में प्रगट करोलो, ताकि तुम ऊस निकीकैं जाण सका।

कुलुस्सियून 1:28

हम मसीह को प्रचार करभेरन हरेक आदिमी स परमेश्वरा का उ ज्ञान का द्वारा चेतावनी और शिक्षा दीभेरन समझुनू, ताकि हम यो देख ल्या कि हरेक विश्वासी परमेश्वर के सामुनि ठाड़ हुन खिन मसीह में मजबूत हो ज्यून।

कुलुस्सियून 4:12

इपफ्रास, जो तुमार या को छै, और यीशु मसीह को दास छै, तुमून नमस्कार करछो। और हमेशा तुमून खिन लगातार प्रार्थना करछो, जेले तुम लोग सब बातुन में सिद्ध होभेरन पुर विश्वास का दगाड़ परमेश्वर की इच्छा में मजबूत रौ।

1 थिस्सलुनीकियों 4:9

लेकिन विश्वासी भाई-चारा का प्रेम का बारिमें जो जरूरी नाहातिन कि मैं तुमून लिखू, क्याखिनकि आपस में प्रेम करून तुमून परमेश्वर ले सिखा रैछ।

2 तीमुथियुस 3:17

ताकि परमेश्वर की सेवा करूनवाला आदिमी सिद्ध बनून और हर प्रकारा भल कामून करून खिन तैयार होज्यौ।

इब्रानियों 5:14

ठोस अनाज सिर्फ उन लोगून खिन छै जो परिपक्व छन और परमेश्वरा का नजरून में ठीक तरीका जीवन जीनान और परमेश्वरा का शिक्षा का द्वारा सिख चुक ग्यान कि निको छै और कि बुरो छै।

1 यहूना 2:5

लेकिन जो कोई परमेश्वरा का बचन अनुसार में चलछो, उमें सच्ची में परमेश्वरो को प्रेम प्रगट भ्योछ। येले हम जाणनू कि हम परमेश्वरा का दगाड़ छा।