फिलिप्पिन 3:11 - सोरियाली नय्या नियम

¹¹ ताकि मैंले मरिना का बाद दुबारा ज्यून करि जूलो।

फिलिप्पिन 3:11 Cross References

लूका 14:14

तब तैं धन्य हो ले, क्याखिनकि उनार पास तैंस दिन खिन कै नाहातिन, लेकिन जब धर्मी लोगून ज्यून होलो, तब परमेश्वर तैंस ईनाम द्योलो।

यहूना 11:24

मार्था ले उनूनथैं क्योछ, मैं जाणछूँ, “न्याय का दिन जब हर कोई ज्यूनो हो जालो तब उले मरिनान में भटे ज्यून हो जालो।”

प्रेरितून का काम 23:6

तब पौलुसले यो जाणभेरन कि थ्वाड़ा सदूकी लोग और थ्वाड़ा फरीसी लोग वाँ छ्या, महासभा में उले जोरले क्योछ, “हे भाईयो, मैं फरीसी और फरीसीन को वंशो को छूँ, और यो मुरकदमा येक कारण हो र्योछ किलैकी मेरो विश्वास छै की परमेश्वर मरिना का लोगून दुबाँरा फिर ज्यून कराला।”

प्रेरितून का काम 26:7

उई वादाक पुर हुना की आश में, हमार बारा कुल अपून पुर मनले दिन-रात परमेश्वरै की सेवा करनै र्यान, हे राजा, म्यारा योई वादाक कारण आज, यो यहूदी मैं-में दोष लगून मर्यान।”

प्रेरितून का काम 27:12

उ शुभ नामाकी बन्दरगाह में जाड़ा का दिन बितून खिन भौत मुशकील छ्या, येक कारण ज्यादातर लोग वाँ भटे अघिल जान चाँछ्या। जेले कि उन फीनिक्स शैहर में पुजभेरन जाड़ा को मौसम वाँ काट सकां। यो क्रेते टापू को एक बन्दरगाह छै, जैको द्वार दक्षिण-पश्चिम और उत्तर-पश्चिमाक तरफ खुल छ्यो।

रोमियून 11:14

ताकि यो तरीका ले मैं अपूनी जातिक लोगून भटे जलन करवाभेरन उनूनमें भटे कैको त उद्धार करूँ।

1 कुरिन्थियून 15:23

लेकिन हरेक आदिमी स अपून-अपून बारीक अनुसार मरिनान में भटे ज्यूनो करि जालो; मसीह जो पैल आदिमी छ्यो जैस मरिन में भटे ज्यूनो करि ग्योछ, फिर जब मसीह वापस आलो त जो उक दगाड़ मजबूत रिशता राखनान उनून दुबारा मरिन में भटे ज्यूनो करि जाला।

1 कुरिन्थियून 9:22

जब मैं उन लोगून का दगाड़ रूछूँ जिनोरो विश्वास में कमजोर छन, त मैं उनार नियाती ब्यवहार करछूँ, ताकि मैं उनून मसीहक विश्वास में ल्यूनखिन मद्दत कर सकूँ। मैं हरेक आदिमी खिन सब कुछ बनिना को छूँ, कि कै नै कै तरीका ले थ्वाड़ा लोगून को उद्धार करा सकूँ।

1 कुरिन्थियून 9:27

मैं अपून शरीर में काबू राखछूँ ताकि मैं इन बुरी इच्छान को पालन नै करूँ, काँई इसो नै हो मैं दुसरा लोगून सुसमाचारो को प्रचार करछूँ, लेकिन मैं खुद ईनाम नै पानू।

2 कुरिन्थियून 11:3

लेकिन मैं डरछूँ कि जसीकैं शैतान ले, एक स्याँपा का रूप में चालाकी ले पैलि स्यैनि हव्वा स बहकाछ, उसीकैं तुम लोगून का मनून ले बहका दी जौ और तुम मसीह का प्रति अपूनी निष्‍कपट और सच्‍ची भक्‍ति स खत्म नै कर दी।

1 थिस्सलुनीकियों 3:5

येक कारण जब मैं और सहन नै कर सकयू, कि यो नै जाणभेरन कि हालात कसा छन, मैंले तीमुथियुस स तुमार पास भेजछ कि तुमोरो विश्वास मजबूत छी या नाहातिनी। मैंस यो बात को डरछ्यो, कि परीक्षा करून वालान शैतान ले तुमेरि परीक्षा करि होलि, और हमरि मेहनत बेकार होगै होलि।

2 थिस्सलुनीकियों 2:3

प्रभु यीशु का वापस उना बारिमें केका ध्वाका में जन आया। क्‍याखिनकि प्रभु यीशु का वापस उन है पैलि लोग परमेश्वरा का विरोध कराला और उ दुष्ट आदिमी स जैस परमेश्वर नरक में नाश करोलो उ जरूर प्रगट होलो।

2 तीमुथियुस 4:8

अब प्रभु ले मैं खिन ईनाम राखिना को छै, क्याखिनकि मैं इसो जीवन जी छै जो ऊस खुश करछो। हमोरो प्रभु यीशु मसीह जो सच्चाई ले न्याय करछो, उ मैंस उ दिना ईनाम द्योलो जब उ न्याय करून खिन वापस आलो। मगर यो ईनाम सिर्फ मैंस नी द्योलो बल्कि उनून सबून ले जो वफादारी का दगाड़ प्रभु उनाको इंतजार करून मर्यान।

इब्रानियों 11:35

कुछ स्यैनिन ले अपून मरिनाका लोगून ज्यूनो पाछ; कतुक त मार खानै-खानै मर ग्या; और उन अपूनो विश्वास नी छोड़ून चाँछ्या ताकि उन कैद भटे रिहा हो जियून; येक कारण मरिभेरन दुबारा ज्यून हुना का बाद उन परमेश्वरा दगाड़ हमेशा खिन जीन चाँछ्या।

प्रकाशितवाक्य 20:5

इन लोग ज्यून करि जान में सबून है पैला छन, और इन खास तरीका ले धन्य और पवित्र छन। दुसरी मौत की उनूनमें कोई अधिकार नाहातिन। उन परमेश्वर और मसीह का याजक होलो, और उनार दगाड़ एक हजार साल तक राजा कराला। यो एक हजार साल है पैलि कोई दुसारा मरिनाका लोगून ज्यून नी करि जाला।