फिलिप्पिन 3:10 - सोरियाली नय्या नियम

¹⁰ मैं यो चाछूँ कि मसीह स जाणू लीयू। और उक मरिना में भटे ज्यून हुना की सामर्थ स महसूस कर सकूँ, और उक दुख में शामिल भेरन उकी मौत में उको जसो बनज्यू।

फिलिप्पिन 3:10 Cross References

मत्ती 20:23

यीशु उनूनथैं क्योछ, “तुमून म्यारा दगाड़ बराबर सताव स त सहन कर सकछा, लेकिन मैंस यो तय करना को अधिकार नाहातिन, म्यारा दैन और बौं तरफ की जाग कैस मिलेलि। परमेश्वर ले उन जाग उनून खिन तैयार कर राख्यान, जैस उले चुन रैछ।”

यहूना 10:18

कोई म्यारा प्राण मैंथैं नै ली सकनो, मैं उ अपूनी मरजी दी छूँ, मैंस ऊस दिना को और फिर वापस लिनाको लै अधिकार छै, यो उई आज्ञा छै जो मैंस म्यारा पिता परमेश्वर भटे मिलीना की छी।”

यहूना 17:3

और अनन्त जीवन यो छै, कि लोग तैंस, मतलब एकमात्र सच्चा परमेश्वर स जाण सकून, और उन मैंस जाण सकून मतलब यीशु मसीह स जैस तैले भैजि रैछ।

रोमियून 8:17

और अगर हम उको संतान छा, त हम उक वारिस छा, और परमेश्वरा का वारिस यीशु मसीहक दगाड़ वारिस छा। अगर हम यीशु का नियाती दुख सहला, त हम उकी महिमा में ले हिस्सादार हूँला।

रोमियून 8:29

क्याखिनकि उले जिनून पैलि भटे चुन रैछ, उनार बारिमें पैलि भटे तय करिनाको छै, कि उन उक च्याला यीशु मसीहक नियाती हो जाला ताकि यीशु मसीह इसिकै सब भाईन में ज्योठो।

रोमियून 8:36

जसो पवित्रशास्त्र में लिखीना को छै, “हम हरेक दिन तैंखिन मौता का खतरा में रूनू। हमून बलि हुन वाली भेड़ जसो समझी ग्योछ।”

2 कुरिन्थियून 1:10

उले हमून इतुक ठूला खतरा है बचाछ, और बचालो; और उमें हमून पुरो भरोसा छै कि वह हमून अघिल के बचूनै रौलो।

2 कुरिन्थियून 1:5

किलैकी जसकैं हम दुख सहनू उसीकैं मसीह ले दुख उठायान, और मसीहक द्वारा हमून भौत तसल्ली ले मिलछी।

2 कुरिन्थियून 13:4

उ कमजोरीन का कारण सूली में चढ़ाई त गयोछ, फिरले परमेश्वरै की सामर्थ ले ज्यूनो छै, हम ले त मसीह का नियाती शाररीक रूप ले कमजोर छा; लेकिन तुम अनुभव करला कि हम परमेश्वरै की सामर्थ का द्वारा मसीह का दगाड़ ज्यूना छा।

गलातियों 2:20

यो इसी छ्यो जसो जब मसीह सूली पर मर ग्यो, मैंले उक दगाड़ सूली में मर गयूँ। अब मैं ज्यून नाहातिनू बल्कि मसीह मैंमें में ज्यूनो छै; और जसीकैं मैं अब जीन मरयूँ त केवल ऊस विश्वास का द्वारा जो परमेश्वरा का च्याला में छै, जेले मैंस प्रेम करछ्य और म्यारा पापून खिन अपूनास बलिदान कर दीछ।

गलातियों 6:17

अघिलकैं कोई मैंस दुख जन दी, क्याखिनकि म्यारा शरीर में जो दाग छन उन देखूनान कि मैं यीशु को एक प्रेरित छूँ।

इफिसियून 4:13

यो तब तक जारी रौलो जब तक कि हम अपून विश्वास और परमेश्वरा का च्याला का बारिमें अपून समझ में एक नै हो जाना। तब हम सिद्ध बन जूला, जसीकैं मसीह बनछै, और हम पुरी तरीका ले उक नियाती हो जूला।

फिलिप्पिन 3:8

क्याखिनकि यीशु मसीह स जाणून बाकि सब चीजून है कई बढ़भेरन छै, मैं सब चीजून बेकार समझछूँ। जैका कारण मैंले सब चीजून छोड़ दीयान, और उनून कूड़ो समझछूँ, ताकि मैं मसीह जाण सकूँ।

कुलुस्सियून 1:24

अब मैं उन दुखून का कारण जो तुमार खिन सहन करूमरयूँ, आनन्द मानछूँ। मैं उनार शरीर, मतलब विश्वासीन की मण्डली खिन अपून शरीर में दुखून सहन करछूँ जसो मसीह ले सहन करछ्य।

कुलुस्सियून 2:13

और उले तुमून ले, जो अपून अपराधून, और खतना का नियाती तुमार बुरा स्वभाव काटि नै ग्योछ, परमेश्वर ले हमार सब पापून माफ करभेरन मसीह का दगाड़ ज्यून करछ्य।

कुलुस्सियून 3:1

येक कारण जब तुम मसीहक दगाड़ मरिनान में भटे ज्यून चीजून की इच्छा करनै रौ, जो परमेश्वर ले तुमून खिन स्वर्ग में राखिना की छै, जा मसीह यो बखत परमेश्वरा का दैन तरफ विराजमान छै।

1 पतरस 1:3

हम परमेश्वरो को धन्यावाद करनू, जो हमार प्रभु यीशु को पिता छै, जैले अपूनी बड़ी दया ले हमून एक नय्या जीवन दीछ। किलैकी परमेश्वरेले यीशु मसीह स मरिनान में भटे ज्यून करछ्य, उले हमून निडर होभेरन जीना का काबिल बनाछ; यो कि उन चीजून पाना की पुरी उम्मीद कर सकनू जो उले हमून दीना को वादा करिना को छै।

2 पतरस 1:13

हमार प्रभु यीशु मसीह ले मैंस साफ बाता हैछ कि मैं जल्दी मर जूलो। येक कारण मैंस लागछो कि मैंखिन यो सही छै कि जब की मैं एल ले ज्यूनो छूँ त मैं तुमून इन चीजून की याद दिलूनै रूँ।

1 यहूना 2:3

अगर हम परमेश्वरा का हुकमून मानला, त उलेई हमून पत्तो चलोलो कि हम ऊस जाणनू।

1 यहूना 2:5

लेकिन जो कोई परमेश्वरा का बचन अनुसार में चलछो, उमें सच्ची में परमेश्वरो को प्रेम प्रगट भ्योछ। येले हम जाणनू कि हम परमेश्वरा का दगाड़ छा।

प्रकाशितवाक्य 1:18

मैं एक बार मर गैछ्यू। लेकिन अब मैं ज्यूनो छूँ और मैं हमेशा ज्यूनो रूलो। म्यारा पास उ चाँबी छन जो मैंस उ जाग स खोलना की ताकत दीछी जाँ मरिनाका लोग छन और उनून दुबारा है ज्यूना करना की ताकत छै।