फिलिप्पिन 2:2 - सोरियाली नय्या नियम

² त एक दगाड़ रैभेरन और एक्कै प्रेम, एक्कै मन, और एक इरादा राँख भेरन मेरि यो खुशी पुर करा।

फिलिप्पिन 2:2 Cross References

यहूना 3:29

ब्योलो-ब्योलि का दगाड़ ब्या कर लीछो, लेकिन ब्योला को मित्र ठाड़ हो भेरन उकी सुणछो, और ब्योला की आवाज सुणभेरन खुश हुछो, उसीकैं म्येरो दिल ले खुशी ले भर ग्योछ।

प्रेरितून का काम 1:14

उनार दगाड़ वाँ और ले स्यैनिन छ्या और यीशुक भाई और उकी ईजा मरियम प्रेरितून का दगाड़ एक मन होभेरन प्रार्थना में लाग रूछ्या।

प्रेरितून का काम 2:1

यहूदीन को पिन्तेकुस्त को त्यारो को दिन आछ, त सब विश्वासी लोग एक जाग में जाम छ्या।

प्रेरितून का काम 2:46

और उन रोज मन्दिर में जाम हुछ्या। और उन घर-घर में प्रभु भोज लीभेरन यीशुक बलिदान याद छ्या।

प्रेरितून का काम 5:12

प्रेरितून का द्वारा भौत चिन और चमत्कारा का काम लोगून का बीच में दिखाई जाँछ्या, और मसीहक सब विश्वासी लोग एक मन हो भेरन राजा सुलैमान का बरानडा में जाम हुछ्या।

रोमियून 12:16

तुम जसकै अपूनी परवाह करछा, उसकैं एक दुसरा की परवाह करनै रौ। घमंडी जन बँन्या, लेकिन जो गरीब छन, उनार दगाड़ संगति राखून खिन हमेशा तैय्यार रौ। अपूनास बुद्धिमान जन समझा।

1 कुरिन्थियून 1:10

हे म्यारा विश्वासी भाईयो, मैं तुमूनथैं हमार प्रभु यीशु मसीह नामले बिनती करछूँ कि तुम सबून एक-दुसरा का दगाड़ सहमत हुन चैछो, ताकि तुमून में मन-मोटाव नै हो, लेकिन एक्कै हो भेरन एक-दुसारा का दगाड़ मेल-मिलाप ले रौ।

2 कुरिन्थियून 13:11

येक कारण हे म्यारा विश्वासी भाईयो, मैं इन बातुन का दगाड़ चिठ्‌ठी बन्द करछूँ, खुश रौ; सिद्ध बननै जा; एक दुसरा को हौंसला दीनै रौ; एक्कै मन रखा; मेल-मिलाप ले रौ; तब प्रेम और शान्ति को दाता परमेश्वर तुमार दगाड़ होलो।

2 कुरिन्थियून 2:3

मैंले तुमून योई मक्शद ले चिठ्ठी लिखीना की छै ताकि जब मैं तुमार पास ऊँलो त जिनून है मैंस खुशी मिलून चैछी, उनून है मैंस दुख जन मिलो। किलैकी मैंस तुम सबून में यो बात में भरोस छै, कि जो मेरि खुशी छै, उई तुम सबून की ले छै।

2 कुरिन्थियून 7:7

और नै केवल उक उना ले लेकिन उकी उ शान्ति ले, जो तीतुस स तुमेरि तरफ भटे मिलीना की छी; और उले तुमेरि इच्छा, और तुमार दुख और मैंखिन तुमेरि मेहनतो को समाचार हमून सुणाछ, जैले मैंस और ले खुशी भैछ।

फिलिप्पिन 1:4

और खुशी का दगाड़ अपूनी हर प्रार्थना में तुम सबून खिन बिनती करछूँ।

फिलिप्पिन 2:16

जब मसीह दुबारा वापस आलो तब यो बात में घमण्ड कर सकूँलो कि मेरि कोशिश और मेरि मेहनत बेकार नै गै।

फिलिप्पिन 2:20

येक कारण म्यारा नजरून में तीमुथियुस को जसो दुसोरो कोई आदिमी नाहातिन, जो सच्ची में मेरि जसी तुमेरि चिन्ता कर सकौ।

फिलिप्पिन 4:2

मैं यूओदिया और सुन्तुखे, द्वीवै बैनिनथैं बिनती करछूँ, कि प्रभु में एक दुसारा थैं मिलभेरन रौ।

कुलुस्सियून 2:5

अगर मैं तुमून हैं दूर छूँ, तो ले मैं तुमार बारिमें सोच छूँ, और खुश हुछूँ, कि तुम उसीकैं जीन मरेछा जसो तुमून जीनो चैछो, और तुमोरो विश्वास मसीह में मजबूत छै।

2 थिस्सलुनीकियों 2:13

हे म्यारा विश्वासी भाईयों, हमोरो तुमून खिन परमेश्वरा का सामुनि हमेशा धन्यवाद दीनो सही छै। तुम प्रभु का प्रिय छा क्याखिनकि परमेश्वर ले दुनिया का बनून है पैलि भटे पवित्र आत्मा का द्वारा पाप भटे अलग करभेरन और सच्ची में तुमार विश्वास का कारण उद्धार खिन तुमून चुन लीछ।

2 तीमुथियुस 1:4

मैंस याद छै कि तैं कतुक रोछ्य जब हम अलग भ्या, त्यारा दगाड़ मिलना की इच्छा हुछी कि मेरि खुशी पुरी होज्यौ।

फिलेमोन 1:20

हे प्रिय भाई, यो खुशी मैंस प्रभु में त्यारा तरफ भटे मिलौ, मसीह में म्यारा दिल स हौंसला ले भर दे।

2 यहूना 1:4

जब मैंले सुणछ्य त मैं भौत खुश भ्यो, कि त्यारा कुछ नान्तिना ऊस हुकुम का अनुसार सच्चाई को पालन करभेरन जीन मर्यान, जैस हमार पिता परमेश्वर हमून करून खिन कै रैछ।

3 यहूना 1:4

जब ले मैं यो सुण छूँ कि उन लोग जो म्यारा नान्तिनान की नियाती छन, उन उसीकैं जीन मर्यान, जो सच्ची में परमेश्वरे ले हमून दिखाछ कि उन सच्चाईक अनुसार जीन मर्यान, त यो मैंस और ले खुश कर दीछो।