फिलिप्पिन 2:19 - सोरियाली नय्या नियम

¹⁹ मैंस प्रभु यीशु में उमीद छै, कि मैं तीमुथियुस तुमार पास जल्दी भेजूलो, ताकि तुमार बारिमें सुणिभेरन म्योरो हौंसला बढ़ौ।

फिलिप्पिन 2:19 Cross References

मत्ती 12:21

और अन्यजाति उक नाम में आश राखाला।”

प्रेरितून का काम 16:1

येक बाद उन दिरबे और लुस्त्रा शैहरून में लै ग्यान, और लुस्त्रा में तीमुथियुस नामोको एक शिष्य रूछो। उकी ईजा एक यहूदी विश्वासी छी, लेकिन उको बबा यूनान देशो को छ्यो।

रोमियून 15:12

और फिर परमेश्वरो को संदेश दिनवालो यशायाह ले पवित्रशास्त्र में लिख रैछ, यिशै को बंश भटे एक आलो, और गैर-यहूदी लोगून में राजा करोलो, उमें गैर-यहूदी लोग आश राखाँला की उ उनून बचालो।

रोमियून 16:21

म्यारा दगाड़ प्रभु की सेवा करूनवाला तीमुथियुस, और म्यारा जातिक लोग लूकियुस और यासोन और सोसिपत्रुस को तुमून नमस्कार।

1 कुरिन्थियून 4:17

येक कारण मैंले तीमुथियुस स जो प्रभु में म्येरो प्रिय और भरोसामंद च्यालाक नियाती छै, तुमार पास भेज रैछ। उ तुमून याद करालो कि, यीशु मसीहक शिष्य हुना का नाता मैं जो काम करछूँ और जसीकैं जीवन जीछूँ। जसकैं कि मैं हरेक जाग हरेक विश्वासीन की मण्डली में शिक्षा दीछूँ।

इफिसियून 1:13

तुमूनले, सच्चो सुसमाचार सुणछ, जो यो बारिमें बतूछो कि परमेश्वर ले कसीकैं तुमोरो उद्धार करछ्य जब तुमूले मसीह में विश्वास करछ्य, त परमेश्वर ले अपूनो करिना को वादा अनुसार तुमून पवित्र आत्मा दीछ, यो दिखून खिन कि तुम परमेश्वरा का छा।

फिलिप्पिन 1:1

मैं पौलुस और तीमुथियुस जो यीशु मसीह का सेवक छा। हम यो चिठ्ठी परमेश्वरा का उन लोगून और अगुवान और सेवकून का नाम लिखूनमर्या जो यीशु मसीहा में होभेरन फिलिप्पी शैहर में रूनान।

फिलिप्पिन 2:18

उसीकैं तुम ले खुश हो, और म्यारा दगाड़ खुशी मना।

फिलिप्पिन 2:28

येक कारण मैं ऊस तुमार पास भेजना की भौत कोशिश करछ्य, तुम ऊस फिर मिलभेरन खुशी हो जा, और मेरि चिन्ता ले कम है ज्यौ।

1 थिस्सलुनीकियों 3:2

और हमूले तीमुथियुस तुमार पास भेजछ्य, जो मसीह को सुसमाचार में हमोरो भाई और परमेश्वरो को सेवक छै, कि उ तुमार विश्वास स मजबूत करौ, ताकि तुमोरो विश्वास यीशु मसीह में लगातार बनिना को रौ।

1 थिस्सलुनीकियों 3:5

येक कारण जब मैं और सहन नै कर सकयू, कि यो नै जाणभेरन कि हालात कसा छन, मैंले तीमुथियुस स तुमार पास भेजछ कि तुमोरो विश्वास मजबूत छी या नाहातिनी। मैंस यो बात को डरछ्यो, कि परीक्षा करून वालान शैतान ले तुमेरि परीक्षा करि होलि, और हमरि मेहनत बेकार होगै होलि।

2 थिस्सलुनीकियों 1:3

हे म्यारा विश्वासी भाईयों, तुमार बारिमें हमून हमेशा परमेश्वरो को धन्यवाद करून चैछो। इसो करूनो ठीक ले छै, क्याखिनकि तुमोरो विश्वास यीशु मसीह में बढ़नै जानमर्योछ, और एक-दुसारा खिन ले तुमोरो प्रेम बढ़नै जानमर्योछ।

2 तीमुथियुस 1:12

मैं येक कारण जेल में ले इन दुखून सहन करून मरयू कि मैं लोगून यीशु मसीह का बारिमें सुसमाचार को प्रचार करछूँ। लेकिन मैं शरमानू नै, क्याखिनकि मैं मसीह स जाणछूँ; जैमें मैं विश्वास करछ्य, और मैंस पक्को विश्वास छै कि मसीह उ दिन तक जब तक उ वापस नी आलो, मसीह उ दिन तक मेरि धरोहर की रक्षा करून में पुर तरीका ले सामर्थी छै।

याकूब 4:15

येक कारण तुमून यो करून चैछो, “अगर प्रभु चाछो त हम ज्यून रूला, और यो या उ काम ले करला।”

1 पतरस 1:21

जो केले मसीह ले करिना को छै उक कारण तुम अब परमेश्वर में विश्वास करछा। और तुमूले अपूनो विश्वास और आश परमेश्वर में राखिना की छै किलैकी उले मसीह स मरिनान में भटे ज्यूनो कर दीछ और ऊस महिमा दीछ।