फिलिप्पिन 1:5 - सोरियाली नय्या नियम

⁵ पैला दिन भटे तुमूले यीशु मसीह का बारिमें यो सुसमाचार में विश्वास करछ्य, और सुसमाचार फैलून में तुम म्यारा दगाड़ रैछा।

फिलिप्पिन 1:5 Cross References

प्रेरितून का काम 2:42

और उन प्रेरितून थैं शिक्षा पान में और संगति करून में और प्रभु भोज में, और विश्वासी लोग एक दगाड़ खाँछ्या, और आपस में मिलभेरन प्रार्थना करछ्या।

रोमियून 11:17

इस्राएली देशाक लोग फलवन्त जैतूना का रूखा का हांगाका नियाती छन, और हमार पुरखा अब्राहम, इसहाक और याकूब उ रूखा का जड़ा का नियाती छै, और गैर-यहूदी लोग जंगली जैतूना का रूखा का हांगा नियाती छन, जिनून जंगली जैतून का रूख भटे काटिभेरन, फलवन्त जैतूना रूख में कलम लगाई ग्यान, तुम यहूदीन में उई तरीका ले फैद प्राप्त करनान, जसकै अब उन जंगली हांगान फलवन्त जैतून की जड़ भटे खुराक मिलछी।

रोमियून 12:13

और परमेश्वरा का लोगून की जेले जरूरत छै, उमें उनेरि मद्दत कर्या; और घर में आईना का लोगून की आदर-खातिदारी करा।

रोमियून 15:26

क्याखिनकि मकिदुनिया और अखया प्रदेशा का लोगून ले इसो करून निकी बात समझछ्य, कि यरूशलम शैहरा में गरीब विश्वासी लोग छन उनून के दान दी।

1 कुरिन्थियून 1:9

परमेश्वर इसो करोलो, क्याखिनकि उ जो कुंछो ऊस उ करून में विश्वायोग्य छै, और उले तुमून अपून च्याला, हमार प्रभु यीशु मसीह का दगाड़ एक संगति में बुला रैछ।

2 कुरिन्थियून 8:1

अब हे म्यारा विश्वासी भाईयो, मैं तुम लोगून उ अनुग्रह का बारिमें बतूनो चाछूँ, जैस परमेश्वरेले मकिदुनिया प्रदेशा का विश्वासीन की मण्डली में दीछ।

इफिसियून 3:6

यो परमेश्वर की योजना छै कि यीशु मसीह का दगाड़ हमार रिश्ताका द्वारा यहूदीन का नियाती गैर-यहूदी लोग उई आशीषून पाला, और उन एक्कै शरीरो को हिस्सा छन, और उ वादा का हिस्सेदार छन, जो परमेश्वर ले यहूदी लोगून का दगाड़ करिना को छ्यो।

फिलिप्पिन 1:12

हे प्रिय दगड़ियो, मैं चाँछू कि तुम जाण ली कि मैंमें जो बितीना को छै, जैका कारण ले भौत लोगून ले सुसमाचार में विश्वास करछ्य।

फिलिप्पिन 1:16

उन यो लोग छन जो मैंस प्रेम करनान क्याखिनकि उ जाणनान, कि मैं यीशु मसीह का सुसमाचारो को जबाब दीन खिन ठैहराई ग्यू और उखिन जेल में कैद छूँ।

फिलिप्पिन 1:27

केवल इतुक करा कि तुमोरो चाल-चलन मसीह का सुसमाचार का अनुसार हो, चाहे मैं तुमून आभेरन देखू या नै देखू, तुमार बारिमें बश यो सुणू कि तुम एक इरादा में मजबूत हो भेरन, और एक मन होभेरन सुसमाचार का विश्वास खिन मेहनत करनै रूछो।

फिलिप्पिन 1:7

तुम सबून का बारिमें मेरि यो राई ठीक छै, क्याखिनकि मैं तुमून भौत प्रेम करछूँ, और मैं या जेल में छूँ, और सुसमाचार की सच्चाई ले जबाब दीन खिन और सच्च साबित करून खिन तुम सब म्यारा दगाड़ परमेश्वरा का अनुग्रह में सहभागी छा।

फिलिप्पिन 2:12

येक कारण हे प्रिय दगड़ियो, तुमून ले हमेशा म्यारा हुकुमून को पाल करछ्य, जब मैं तुमार दगाड़ छ्यू। अब जब मैं दूर छूँ, त यो और ले जरूरी छै, कि तुम परमेश्वरो को डर मानून और काँपूनै अपूना उद्धारा कामून करून चैछो, जो उन लोगून खिन ठीक छन, जिनून परमेश्वर ले बचा लीछ।

फिलिप्पिन 2:22

लेकिन तुम जाणछा कि तीमुथियुस ले खुद कसीकैं साबित करिना को छै। जस तरीका ले एक च्योलो अपून बबा का दगाड़ रूछो, उसीकैं सुसमाचार सुणून में फैलून में म्योरो दगड़ो दीछ।

फिलिप्पिन 4:3

हे सच्चा दगड़ियो सुन्तुखे, मैं तैथैं ले बिनती करछूँ, कि तैं इन स्यैनिन का मेल मिलाप करून में मद्दत कर। किलैकी उनूनले म्यारा दगाड़ सुसमाचार फैलून में, क्लेमेंस और म्यारा दगड़ियान ले म्यारा दगाड़ हिम्मत करछ्य, जिनारा-जिनारा नाम जीवन की किताब में लिखीना का छन।

फिलेमोन 1:17

जब उनेसिमुस त्यारा पास वापिस आलो त तैं उक दगाड़ निको ब्यवहार करे जसो तैं म्यारा दगाड़ करिना को छै।

इब्रानियों 3:14

अगर हम अपून पैला भरोसा स आखरी तक बनाईना को राखनू, त हम मसीह का दगाड़ बनिना का रूनू।

2 पतरस 1:1

मैं, शमौन पतरस, जो यीशु मसीह को प्रेरित छूँ। मैं यो चिठ्ठी तुम सबून खिन लिखूनमरयूँ जो उ कीमती विश्वास स साझा करछा जो हमून में छै, उ विश्वास जो हमार परमेश्वर और मुक्तिदाता यीशु मसीह का द्वारा हमून दीईना को छै, जो हमून परमेश्वरा का दगाड़ सही ठैहरछो।

1 यहूना 1:3

जो कुछ हमूले यीशुक बारिमें देखछ्य और सुणछ्य उकी सुसमाचार तुमूनले दीनू, येक कारण तुम ले हमार दगाड़ संगति राँखा; और हमोरो यो दगोड़ो पिता परमेश्वरा का दगाड़ और उक च्योलो यीशु मसीहक दगाड़ छै।

1 यहूना 1:7

लेकिन अगर जसिकै परमेश्वर उज्याला में छै, उसीकैं हम ले उज्याला में हिटा, त हम ले एक-दुसारा दगाड़ संगति राखनू; और उको च्योलो यीशु मसीह को खून हमून सब पापून भटे शुद्ध करछो।