फिलिप्पिन 1:11 - सोरियाली नय्या नियम

¹¹ यीशु मसीह का जरियाले पैद हुनवला धर्म का कामून ले अपून आप भर ली, जेले परमेश्वर की तारीफ और महिमा हुनै रौ।

फिलिप्पिन 1:11 Cross References

मत्ती 5:16

उसीकैं तुमार उज्यालो लोगून का सामुनि चमको कि उन तुमार भल कामून देखिभेरन तुमार बबा जो स्वर्ग में छै, उकी तारीफ करून।

यहूना 15:16

तुमूले मैंस नै चुनयो लेकिन मैंले तुमून चुनछ्य और तुमून नियुक्त करछ्य ताकि तुम संसार में जा और फलवन्त हो ज्या, और तुमोरो फल बनिनाको रौ, तुम म्यारा शिष्य छा येक कारण जो कुछ तुम म्यारा नाम ले पिता परमेश्वर थैं माँगला, उ तुमून द्योलो।

यहूना 15:2

हरेक हांगो जो मैंमें जुड़ीना को छै, और फलनो नै ऊस उ काटि दीछो, और जो फलछो, ऊस उ छाटछो ताकि और फलो।

यहूना 15:8

म्यारा पिता परमेश्वर की महिमा येले हुछी, कि तुम भौत फल ल्या, तब तुम म्यारा शिष्य हुना को सबूत छा।

रोमियून 15:28

येक कारण, मैं सबून है पैलि यरूशलम शैहर खिन जानमरयू, ताकि उनून जो जामा करीना का दान दी सकूँ। उक बाद फिर मैं रोम देश में आभेरन तुमारा दगाड़ मिलना का बाद स्पेन देश खिन जूलो।

रोमियून 6:22

लेकिन अब पाप भटे मुक्त हो भेरन और परमेश्वरा का दास बन बनभेरन और अब उन कामून करून मरेयछा जो पवित्रता स लीभेरन उछी और जैको फल जीन्दगी छै।

1 कुरिन्थियून 10:31

म्येरो कुंना को मतलब यो छै, तुम चाहे खा, चाहे पिया, चाहे जै कैले करा, लेकिन परमेश्वरे की महिमा खिन करि जानो चैछो।

2 कुरिन्थियून 9:10

परमेश्वरै छै जो किसान खिन बी और फिर खान खिन रोटो दीछो। उसीकैं, तुमार पास जो छै ऊस परमेश्वर बढ़ालो, ताकि तुम जरूरतमंद लोगून की और ले मद्दत कर सका।

इफिसियून 1:12

हम, यहूदी पैलि का लोग छा जिनूनले मसीहा में आश राखछै, और हमून येक कारण चुनी ग्योछ ताकि हम परमेश्वरे की महिमा और तारीफ करा।

इफिसियून 1:14

पवित्र आत्मा एक बयाना का नियाती छै जो हमून पुरो भरोसा दिलूछो, कि परमेश्वर हमून उ बिरासत द्योलो जैको उले वादा कर रैछ और यो ले कि उले हमून अपून लोग हुन खिन खरीद ली हैछ ताकि हम उकी महिमा और तारीफ करा।

इफिसियून 2:10

क्याखिनकि परमेश्वर ले हमून बनाछ, और यीशु मसीह में हमून भल कामून खिन बनाछ, जिनून परमेश्वर ले पैलि भटे हमार करून खिन तैयार कर रैछ।

इफिसियून 5:9

क्याखिनकि अगर कोई आदिमी उज्याला में छै, त उको चाल-चलन निको और धार्मिक हुछो और उमें भरोस करि जा सकछो।

फिलिप्पिन 4:17

मैं यो येक कारण नै कुंनू कि मेरि मद्दत रूपयान ले करा, लेकिन मैं चाँछू की येस उन चीजून की सूची में शामिल करि जो तुमून पैलि कर चुक गैछा और जै खिन परमेश्वर तुमून ईनाम द्याला।

कुलुस्सियून 1:10

हम यो प्रार्थना करनू ताकि तुम इसीकैं जीवन जीया जसो प्रभु का लोगून जीन चैछो, और तुम हर तरीका ले प्रभु स खुश करला। और हर तरीका भल काम करनै रौला, और परमेश्वरा का ज्ञान में बढ़नै जाला।

कुलुस्सियून 1:6

यो सुसमाचार पुरी दुनिया में फैलून मर्योछ और कई लोग विश्वासी बनून मर्यान। हर जाग जीन्दगी बदलून मरैछ, ठीक उसीकैं जसकैं कि तुमूले पैलि बार सुसमाचार सुणछ्य और अनुग्रह स समझछ्य कि परमेश्वर उन लोगून का पापून माफ करछो जो मसीह में भरोसा राँखनान।

2 थिस्सलुनीकियों 1:12

हम यो प्रार्थना करनू कि लोग तुमार कारण हमार प्रभु यीशु का नाम की महिमा करून और तुम ले आदर पाला क्याखिनकि तुम उक छा। यो जरूर होलो क्याखिनकि हमोरो परमेश्वर और प्रभु यीशु मसीह तुमून में भौत अनुग्रहकारी छै।

तीतुस 3:14

सिर्फ इतुकैं नै तैंस विश्वासीन सिखूनै रून चैंछो कि भल काम करून खिन लगातार मेहनत करनै रून ताकि उन लोगून की जरूरत पुरी हो सकौ। और यो विश्वासीन की मद्दत करोलो कि उन एक मक्शद का दगाड़ जीवन जी सकून।

इब्रानियों 12:11

जै बखत डाँठ पड़छी, उ बखत डाँठ निकी नै लागनी, बल्कि उ बुरो लागछो। लेकिन बाद में, जब हम येले सिख लीनू, त हमून शांति मिलछी, किलैकी हम सही ढंगले जीनो शुरू करनू।

1 पतरस 2:12

कई बार इसा लोग हुनान जो प्रभु स नै जाणना और उन तुमून में यो कैभेरन गलत आरोप लगा सकनान कि तुमार काम बुरा छन। येक कारण तुमून अपून ब्यवहारा का बारिमें सतर्क रून चैछो, ताकि उन तुमार निका ब्यवहार देख सकून। आखरी में उन मानाला कि तुमोरो ब्यवहार निको छै और जै दिना परमेश्वर संसारो को न्याय करून खिन आलो, उ दिना उन परमेश्वरे की महिमा कराला।

1 पतरस 2:9

लेकिन तुम इसा नाहातिन किलैकी तुम परमेश्वरा का चुनिना का लोग छा तुम परमेश्वरा का याजक छा, जो राजा छै, तुम परमेश्वर की सेवा करून खिन समर्पित छा और तुम परमेश्वरा का खास लोग छा। किलैकी उले तुमून अन्यार में भटे भ्यार अपून अद्धभुत उज्याल में बुलाईना का छा, ताकि तुम परमेश्वरा का अद्धभुत कामून का बारिमें बता सका।

1 पतरस 4:14

अगर मसीह का नामाका कारण तुम लोगून को अपमान करि जाछो, त अपनास धन्‍य समझा; किलैकी परमेश्वरो को महिमामय आत्मा तुमार भितर रूछो।