UMATEWU 6:2 - IsiNdebele 2012 Translation

² “Nje-ke lokha nanipha abadududu, ningamemezeli ngeemporompita njengombana kwenza abazenzisi ngemasinagogini neendledlaneni ukuze bahlonitjhwe babantu. Ngiqinisile ngiyanitjela bona sele bamukele umvuzwabo ngokupheleleko.

UMATEWU 6:2 Cross References

AMARHUBO 112:9

Wabela ngesihle, aphe abachakileko; ukulunga kwakhe kujame isiphelani; idumo lakhe liphakanyiswa ngehlonipho.

AMARHUBO 37:21

Isikhohlakali siyaboleka, singasabuyiseli, kodwana olungileko unesirhawu, uyaphana.

IZAGA 19:17

Onomusa kochakileko, uboleka uSomnini, yeke uzamvuza ngalokho.

IZAGA 20:6

Banengi abantu abathi bathembekile, kodwana angatholakalaphi othembeke ngeqiniso na?

UMTJHUMAYELI 11:2

Ipahlakho ungayaba kalikhomba nanyana kabunane, kodwana awuyazi ihlekelele engahle yehlele inarha.

U-ISAYA 10:6

Ngiwathumela esizweni esinganaZimu, ngiwayalele ebantwini abangisilingako ukuze athathe ipango, ahluthule ipahla; abe abagadange njengedaka eendledlaneni.

U-ISAYA 58:7

Kukwabela abalambileko isikwa sakho, ukunikela abanganamakhaya iphahla, ukwembathisa ombona ahlubule nokungafihli ubuso koziingazi zakho.

U-ISAYA 9:17

Ngebangelo uSomandla akhange athabe ngamasokanabo, begodu azange arhawukele ntandani namhlolokazi. Mbala, soke isizwe besinganaZimu, siziingilamkhuba nemilomo yoke ikhuluma ubudlhayela. Kikho koke lokho ubukhali bakaSomnini akhange busuke nesandla sakhe sahlala siphakamile.

UHOSIYA 8:1

USomnini uthi: “Vuthelani ipalapala! Nanti idlanga lizulazula ngehla kwendlu kaSomnini ngombana abantu bephule isivumelwano sami, bavukela umyalwami.

UMATEWU 15:7

Nina bazenzisi ndina! U-Isaya bekaqinisile lokha naphorofida ngani asithi:

UMATEWU 16:3

Kuthi ekuseni nithi, ‘Namhlanje kuzokuba nesiwuruwuru ngombana amafu aguqubele!’ Niyakwazi ukuhlathulula ubujamo bezulu kodwana anikwazi ukuhlathulula amatshwayo weenkhathi.

UMATEWU 22:18

Kodwana uJesu ngokwazi kwakhe iqhinga labo elimbi wathi: “Nina bazenzisi ndina! Nilingelani ukungithiya na?

UMATEWU 23:5

Koke abakwenzako bakwenzela ukubonwa babantu: Benza amafilakteriya wabo abe makhulu namatjharha weemphuraphura zabo made.

UMATEWU 23:6

Bathanda indawo ephezulu eminyanyeni neenhlalo eziphambili ngemasinagogini.

UMATEWU 24:51

Uzayidabula iinquqwana ayilahlele endaweni yabazenzisi lapha kuzakuba khona ukurhahlawula nokugedla kwamaziyo.”

UMATEWU 5:18

Ngambala ngiyanitjela bona kungakadluli izulu nephasi, akunaledere nalinye, ngitjho nesiqetjhana segama esizokudlula emthethweni bekupheliswe koke.

UMATEWU 6:16

“Nanizila ukudla, ningatjhitjhibalisi ubuso njengabazenzisi ngombana banyukubalisa ubuso babo ukubonisa abantu bonyana bazile ukudla. Ngiqinisile ngiyanitjela bona sele bamukele umvuzwabo ngokupheleleko.

UMATEWU 6:3

Kodwana lokha nawupha abadududu, ungavumeli kobana isincele sakho sazi lokho okwenziwa sisidla sakho

UMATEWU 6:5

“Lokha nawuthandazako, ungabi njengabazenzisi ngombana bathanda ukuthandaza bajamile ngemasinagogini nemajikeni weendledlana ukuze babonwe babantu. Ngiqinisile ngiyanitjela bona sele bawufumene umvuzwabo ngokupheleleko.

UMATEWU 7:5

Wena mzenzisi ndina! Thoma ukhuphe isigodokazi esingelihlweni lakho qangi, nje-ke uzakghona ukubona kuhle ukuze ukhuphe itserana engelihlweni lomfowenu.

UMARKOSI 12:39

Bathanda iinhlalo eziphambili ngemasinagogini, neendawo ezihlonitjhwako eminyanyeni.

UMARKOSI 7:6

UJesu waphendula wathi: “U-Isaya bekaqinisile lokha naphorofida ngani bazenzisi ndina njengombana kutloliwe kwathiwa, “ ‘Abantwaba bangidumisa ngeembhena zabo, kodwana iinhliziyo zabo zikude nami.

ULUKASI 11:41

Yeke nikelani abatlhagileko okungaphakathi kweenkapho nezitja begodu koke kuzakuba ngokuhlambulukileko kini.

ULUKASI 11:43

“Maye kini baFarisi! Nithanda iinhlalo eziphambili ngemasinagogini nokubingelelwa eendaweni okuthengiswa kizo.

ULUKASI 12:33

Thengisani ipahlenu bese nabela abadududu, ngokwenza njalo nizabe nizibonelela ngeenkhwanyana zemali ezingekhe zoma, okumnono wezulwini ongekhe waphela. Iye, lapha kungekhe kwangena khona isela nomvunya.

ULUKASI 12:56

Bazenzisi ndina! Nanikghona ukuhlathulula ubujamo bephasi nomkayi, kwenziwa yini-ke ningakghoni ukuhlathulula isikhathi sagadesi na?”

ULUKASI 13:15

IKosi yamphendula yathi: “Nina bazenzisi ndina! Akwenzeki bona omunye nomunye wenu atjhaphulule ikomakhe namkha udumbanakhe ngesibayeni amdose ayomseza amanzi na?

ULUKASI 20:46

“Yelelani abafundisi bomthetho. Bathanda ukukhambakhamba bazakalele ngeemphuraphura, bathanda nokulotjhiswa eendaweni zokuthengisela begodu baneendawo ezingeziqakatheke khulu ngemasinagogini neendaweni ezihlonitjhwako emicimbini.

ULUKASI 6:24

“Kodwana maye kini eninjingileko ngombana senikufumene ukunethezeka kwenu.

ULUKASI 6:42

Ungatjho njani kumfowenu uthi, ‘Mfowethu, yithi ngikhuphe itserana ngelihlweni lakho,’ khisibe wena ubhalelwa kubona isigodokazi ngelihlweni lakho na? Wena mzenzisi ndina! Thoma ngokukhupha isigodokazi esingelihlweni lakhwelo qangi, yeke uzakukghona ukubona kuhle, ukghone ukukhupha itserana engelihlweni lomfowenu.”

UJWANISI 13:29

Njengombana uJudasi gade amlondisikhwama semali, abanye abafundi badlumbana bona uJesu bekamtjela bona akayokuthenga abakufunela umnyanya, namkha abele abadududu.

UJWANISI 5:41

“Mina angilamukeli idumo ebantwini.

UJWANISI 5:44

Ningakholwa njani nanidumisana nodwa nje, ningafuni idumo elivela kiloyo onguZimu yedwa na?

UJWANISI 7:18

Umuntu ozikhulumela ngeyakhe intando, ulinga ukuzizuzela idumo. Kodwana osebenzela idumo laloyo omthumileko umumuntu weqiniso, akukho okumamanga ngaye.

IZENZO ZABAPOSTOLI 10:2

Yena nomndenakhe bekubabantu abesaba uZimu nabazinikeleko kuye. Gade abela abadududu, ahlala njalo athandaza uZimu.

IZENZO ZABAPOSTOLI 10:31

Yathi kimi, ‘Korneliyasi! UZimu uwuzwile umthandazwakho bewakhumbula nokwabela kwakho izipho kwabadududu.

IZENZO ZABAPOSTOLI 10:4

Yena wayiqala ngokuyesaba, wabuza wathi: “Kosi, kwenze njani?” Ingilozi yaphendula yathi: “Imithandazwakho nokwabela kwakho abadududu kwenyukele kuZimu njengesikhumbuzo.

IZENZO ZABAPOSTOLI 11:29

Abafundi omunye nomunye ngokukghona kwakhe waqunta ukusiza abazalwana abahlala eJudiya.

IZENZO ZABAPOSTOLI 24:17

“Nje-ke emva kweminyaka embalwa ngeza bona ngilethe izipho ebantwini bekhethu nokobana ngizokwenza imihlabelo.

IZENZO ZABAPOSTOLI 9:36

NgeJopa bekukhona umfundikazi, ibizo lakhe elinguThabitha, nakutjhugululwako ngesiGirigi kutjho uDorkasi. Gade azinikele ukwenza okulungileko asiza nabadududu.

KWEBEROMA 12:8

ophiwe ukuyala, akayale; ophiwe ukupha, akaphe ngokungagodli; ophiwe ukurhola, akarhole ngokukhuthala nophiwe ukurhawukela abanye, akakwenze ngethabo.

1 KWEBEKORINTE 13:3

Nangipha abadududu koke enginakho benginikele umzimbami ekutjhisweni, kodwana nginganalo ithando, angisililitho.

KWEBEGALATIYA 2:10

Into nje abayibawako kukobanyana sikhumbule abadududu, ebekuyinto ebengivele ngitjhisakalela ukuyenza.

KWEBE-EFESU 4:28

Owebako akalise ukweba, kodwana akasebenze, enze okuhle ngezandla zakhe ukuze akwazi ukuba nelitho azalabela abaswelako.

1 KWEBETHESALONIKA 2:6

Besingafuni idumo ebantwini, sengitjho nakini imbala namkha kinanyana ngubani. Njengabapostoli bakaKrestu, nanyana besinegunya lokuba mthwalo kini,

1 UTHIMOTHI 6:18

Bayale benze okuhle, banothe ngemisebenzi emihle; baphane babele abanye.

UFILIMONI 1:7

Ithando lakho lingilethele ithabo elimangazako nokukhuthazeka ngombana iinhliziyo zabacwengileko zivuselelekile ngawe, mzalwana.

AMAHEBHERU 13:16

Ningalibali kukwenza okuhle kwabanye nokwabelana ngombana iminikelo enjalo uZimu uyayithabela.

1 UPITROSI 4:11

Okhulumako akakhulume kube njengokwamezwi kaZimu, osebenzako kube njengokwamandla uZimu amuphe wona ukuze kikho koke kudunyiswe uZimu ngoJesu Krestu. Kuye akube lidumo namandla nini nanini. Amen.

1 USAMYELA 15:30

USawula waphendula wathi: “Iye, kazi ngonile. Kodwana ngiyakubawa bonyana khese ungihloniphe eemphathimandleni zabantu bami naphambi ko-Israyeli, jika nami ukuze ngiyoguqa phambi kwakaSomnini uZimakho.”