نامەێ فیلیپییل 4:8 - کتاب مقدس به زبان کردی جنوبی - گویش کلهوری

⁸ ئاخرسەر، ئێ برایل، هەر چشتێ که ڕاسه، هەر چشتێ که حرمەت دێرێ، هەر چشتێ که درسه، هەر چشتێ که پاکه، هەر چشتێ که بود دوسی بیاشتوین و هەر چشتێ که تاریفیه. ئەگەر چشتێ هەس که فره خاسه و ئەگەر چشتێ هەس که تیەرزێ ستایشێ بکێ، وه ئی چشتیله فکر بکێن.

نامەێ فیلیپییل 4:8 Cross References

ئنجیل مەتا 22:16

ئەوانه شاگردەگانێان وەگەرد هەواخوازیل هیرودیس کل کردنه لاێ عیسا و وەتن: «ماموستا، زانیم پیاێگ ڕاس و درسی و ڕێ خودایش وه درسی یاێ دەێ له کەسێگیش زاورد نیەچود، چوینکه وه شێوەێ کەسێگ نیەنوڕید.

مەرقوس 6:20

چوینکه هیرودیس له یەحیا زاورێ چیاد، ئەڕا ئیه که ئەوه وه پیاێگ درسکار و پاک زانستیا وه ئی بونه پارێزیادێ. هەر وەخت قسیەیل یەحیا شنەفتیاد، پەشێو بویاد. وەلێ خوەشی هاتیاد گوش بیده قسیەيلی.

لوقا 16:15

عیسا وەپێان وەت: «ئیوه ئەو کەسیلینه که خوەدان وه مەردم، سالحان نیشان دین، وەلێ خودا وه دڵدان ئاگا و بیناس. هەر چشتێ که وه لاێ مەردمەو قورپ فرەێگ دێرێ، خودا قیزێ له لێ تێ!

لوقا 2:25

وه ئەو دەورانه، پیاێگ دیندار و سالحان، وه ئورشەلیم زنەیی کردیا که ناوێ شەمعون بی، چەوەڕێ دڵنەوایی قەوم ئێسرائیل بی و پڕ وه روح‌القودوس بی.

لوقا 23:50

وه ئەوره پیاێگ بی یوسف ناو، که ئایەم خاس و سالحانێگ بی. ئەوه هەر چەن وەناو شوراێ جویلەکە بی،

یوحەنا 7:18

ئەوه که له خوێەو بویشی، ها شون جەڵاڵ خوەێ، وەلێ ئەو کەسه که ها شون جەڵاڵ ئەیو که کلی کردێه، ڕاس‎درسه و درودەلسه وەناوێ نیه.

کاریل ڕەسولەیل 10:22

وەتن:«کورنلیوس فەرمانده هناردیەسەمان. ئەوه پیاێگ سالحانه و له خودا ڕخێ چود و گشت قەوم جویلەکە وه خاسێ ناوێ بەن. له لاێ فریشتەێگ موقەدەس ڕێنمایی بیه تا کل بکەێه شوند و دەنگد بکێده ئەڕا ماڵ خوەێ تا قسیەگاند بشنەفێ.»

کاریل ڕەسولەیل 22:12

«وەناو دەمشق پیاێگ خوداترس و پایبەن وه شەریعەت وه ناو حەنانیا زنەیی کردیاد، هەر ئیجوره گشت جویلەکەیل وه خاسێ ناوێ بردێان.

کاریل ڕەسولەیل 6:3

جا ئێ برایل، له ناو خوەدان هەفت پیا هەڵوژنن که ناوێان وه خاسێ بەن و پڕ بون له روح و زانیاری، تا بنیمیانە سەر ئی کاره.

رومیەگان 13:13

بان ڕێ رەوشتمان ئەوجورە درس بود که شایسەێ کەسیلێگه که هانه ناو ڕوشنایی ڕوژ. جا وەختمان وەناو عەێاشی و سەرخوەشی و خیزی و هەرزەیی و مرافه و حەسویی، وه سەر نەوەێم،

رومیەگان 13:3

چوینکه کەسیلێ که کردەوەێان خاسه له حاکمیل زاورێان نیەچود، وەلێ کەسیلێ که کردەوەێان خراوه زاورێانه لێان چود. ئێ تواێ له ساێو دەسڵات زاورد نەچود؟ جا ئەو چشته که درسه، وه جێ بار که تاریفه لێد کێ.

رومیەگان 14:18

هەر کەس ویجوره خزمەت مەسیح بکێ، خودا قەبوڵێ کێ و مەردمیش مورێ کەن.

رومیەگان 2:29

بەڵکەم جویلەکە ئەوەسه که له ناخەو جویلەکە بود و خەتەنەیش کارێگه دڵی که له ڕێ روح خودا ئەنجام گرێ، نه له ڕێ شەریعەت نویسریای. ئیجور کەسێگ تاریف خوەێ له خودا گرێ، نه له ئایەم.

یەکم قورنتییل 4:5

جا له باوەت هویچ چشتێگ وەرجه هاتن خوداوەند داوەری مەکەن. خوداوەندێگ که چشتیلی که ئێرنگه وەناو تیەریکی شاریاسەو، وەناو ڕوشنایی ئاشکرا کێ و نیەتیل دڵ ئاشکرا کێ. ئەوسا هەرکەس له لاێ خوداوه هان دریەد و تاریف کریەید.

دویم قورنتییل 13:7

دوعای ئیمه وه پێشگاێ خودا ئیەسه که هەڵه نەکێن؛ نه تا مالوم بود که ئیمه له ئەزمون سەربەرز هاتیمنەسه دەیشت، بەڵکەم تا ئیوه ئەو چشته که درسه، وه جێ بارین، تەنانەت ئەگەر ئیجوره نیشان بێی که ئیمه شکەس خواردیمنه.

دویم قورنتییل 6:8

چ حرمەتمان بگرن چ سوکمان بکەن، چ بەێ ناومان بکەن چ وه خاسێ ناومان بوەن. وەگەرد ئیمه جور فێڵبازیل ڕێ رەوشت کریەێ، وەلێ ڕاسەگەێ ئویشیم؛

دویم قورنتییل 8:18

وەگەردیەو براێگ کل کیم ئەڕا لادان که وەبونەێ خزمەتی وه ئینجیل گشت کلیسایل تاریفەلێ کەن.

دویم قورنتییل 8:21

چوینکه ئیمه تەقالا کیم نه تەنیا له وەر چەو خوداوەند، بەڵکەم له وەر چەو مەردمیش ئەو چشته که خاسه وه جێ باریم.

نامه وە غەلاتییل 5:22

وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،

ئەفسوسیێل 4:25

جا، درو بیلنه لا، هەر کامدان وەگەرد هاوساگەێ خوەێ وه ڕاسی قسیه بکێن، ئەڕا ئیه که ئیمه ئەنامیل یەکترەکێم.

ئەفسوسیێل 5:9

چوینکه بەر نویر، وەناو هەر جور خاسێ، ڕاسی و درسی پەێا بود.

ئەفسوسیێل 6:14

جا بوسنه پاوه، هەر ئەوجورە که قەێوەن ڕاسی بەساینه ناوقەیدان و زرەپوش سالح بوین کردینەسه وەردان و

نامەێ فیلیپییل 3:1

دەس ئاخر ئێ برايلم، وەناو خوداوەند دڵشاد بوین! نویساین هەر ئەو چشتیله ئەڕادان، زامەتێگ ئەڕام نێری بەڵکەم ئەڕا ئەمن بین ئیوەس.

نامه وه کولوسییل 4:5

وەگەرد مەردم دەیشت کلیسا ڕێ رەوشتدان وه زانیاری بود و خاسترین سود له وەخت بوەن.

یەکم تسالونیکییل 4:12

تا وه نوای مەردم دەیشت کلیسا ڕێ رەوشتدان وه درسی بود و هەوەجیدان وه کەسێگیش نەکەفێ.

یەکم نامەێ تیموتاوس 2:2

ئەڕا حاکمیل و گشت دەسڵاتداریل، تا بتویەنیمن زنەیی ئارام و ئاسودەێگ بیاشتویمن و له هەر باوەتەو وه خوداپەرەسی و سەنگین ڕەنگینی بێمنێ سەر.

یەکم نامەێ تیموتاوس 3:11

هەر وه ئیجور، ژنیلیانیش باێه سەنگین ڕەنگین بون و نه بختکەر، بەڵکەم هوشیار بون و وه گشت چشتێگ وەفادار بون.

یەکم نامەێ تیموتاوس 3:4

هەرئیجوره باێه بتوانێ بنەماڵەگەێ خوەێ خاس بخێده ڕێ و مناڵیلی وه کەماڵ سەنگین ڕەنگینی، گوش تەکن گەورا بکێد.

یەکم نامەێ تیموتاوس 4:12

مەیل با هویچکەسێگ توی وه سەوەو جاێەلێد وه سوک حساود بکێد، بەڵکەم وەناو وتار و کردەوه و مابەت و ئیمان و پاکێ، ئەڕا گشت ئیمانداریل بوه نمونه.

یەکم نامەێ تیموتاوس 5:10

هەر ئیجوره باێه وه خاسێ ناوێان دەرچوی، یانێ مناڵیل خوێان خاس تەربیەت کردوین، غەریونەواز بون، پایل ئیمانداریل وه مەسیح شوردوین و وه مەیەت کەسیلێ که تویش بەردیل هاتنه دەوین و خوێان ناوینه ئەڕا وه جا هاوردن هەر جور کار خاسێگ.

یەکم نامەێ تیموتاوس 5:2

و ژنيل سن ساڵ دار هەر جور داڵگيل و ژنيل جوانتر هەر جور خویشگیل خوەد، له پاکێ تەمام.

تیتوس 1:8

بەڵکەم باێه مێواندار و خێرخواز بود و وەسەرخوێا زاڵ بود و درسکار و موقەدەس و ڕێک‎وپێک؛

تیتوس 2:14

هەر ئەو عیسا مەسیحه که گیان خوەێ ئەڕا ئیمه دا تا له هەر خراوێگ ڕزگارمان بکێد و قەومێگ ئەڕا خوەێ پاکەو بکێد که هن خوەێ بون و ئەڕا کاریل خاس غیرەت بیاشتون.

تیتوس 2:2

پیاێل سن و ساڵ دار باێه هوشیار و سەنگین ڕەنگین بون و وەسەرخوێان زاڵ بون و وه ناو ئیمان و مابەت و بەردەوامی وه شایسەێ بیەنەسەر.

تیتوس 2:7

خوەد له گشت چشتێگ نمونەێ کاریل خاس بو. وەناو تالیم خوەد ڕاس درس و سەنگین ڕەنگین به و

تیتوس 3:14

بیل مەردمەگەمان یاێ بگرن که خوێان خەریک وەجێ هاوردن کاریل خاس بکەن تا ئەڕا پەرچەو کردن هەوەجییل واجو مەیەتیگ بێەن و زنەیی بی بەرێگ نیاشتوین.

عبرانییل 11:2

چوینکه وه سەوەو ئیمان بی که له باوەت مەردم جاران تاریف کریاس.

عبرانییل 13:18

ئەڕا ئیمه دوعا بکەن، چوینکه دڵنیایم که وژدانمان پاکه و توایم وەناو گشت چشت وه درسی ڕێ رەوشت بکێم.

یاقوب 1:27

خوداپەرەسی پاک و بی لەک و پێس له وەر چەو خوداێ باوگ، ئەوەسه که دەس یەتیمیل و بێوه ژنيل له وەخت بەردیان بگریم و خوەمان له چەپڵی ئی جهانه بپارێزنیم.

یاقوب 3:17

وەلێ ئەو زانیاری که له ئاسمانه، یەکم جار پاکه، ئمجا ئاشتیخوازه، نەرم و ئاموژیاری گوشدەره، نیقەڵتوز له بەزەیی و بەریل خاسه، دویر له دوچەوەکی و دوڕوییه!

یەکم پتروس 1:22

ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.

یەکم پتروس 2:12

کردەوەدان وەناو بی ئیمانیل وه حرمەتەو بود تا وه ئیجوره وەختێگ که وه زد ئیوه قسیه کەن و ئویشن کردەوەدان خراوه، کاریل خاسدان بوینن و وەناو ڕوژی که خودا دوینن، جەڵاڵی بێەن.

یەکم پتروس 4:8

گرنگتر له گشتێ، یەکترەکی وه گیان و دڵ مابەت بکێن، چوینکه مابەت، گونایل فرەێگ داپوشنێ.

دویم پتروس 3:1

ئێ عەزیزەیل، ئیه نامەێ دویمه که ئێرنگه ئەڕادان نویسم. هەر دو نامەگه وه بونەێ ئیه که بارمه هویردان‎ نویسامه تا ئیوه ئەڕا یە فکر پاک هەڵگڕنم،

یەکم یوحەنا 3:18

ئێ ڕوڵەیل ورد، بان مابەت بکێم، نه وه وتار و زوان، بەڵکەم وه کردەوه و ڕاسی.

یەکم یوحەنا 3:3

هەر کەس وه ئەیو ئیجور ئمیدێگ دێرێ، خوەێ پاکەو کەی، هەر ئەوجورە که ئەیو پاکه.

یەکم یوحەنا 4:1

ئێ عەزیزەیل، وه هەر روحێگ باوەڕ نەکێن، بەڵکەم روحیل ئەزمون بکەن تا بوینین له خودان یا نه. چوینکه نەبوەتکەریل دروەکانی فرەێگ وەناو جهان تەفرتویناوه بینه.