نامەێ فیلیپییل 4:3 - کتاب مقدس به زبان کردی جنوبی - گویش کلهوری

³ ئەرێ، له تنیش ئێ هاوکار ڕاسەکانی، له لێد توام که ئی دوگله ژنه مەیەت بێید، چوینکه وەگەرد ئەکلیمنتوس و ئەو باقی هاوکارەگانم که ناوێان وەناو دەفتەر زنەیی نویسریاس، شان وه شان مه ئەڕا کار ئینجیل زامەت کیشانه.

نامەێ فیلیپییل 4:3 Cross References

لوقا 10:20

وەلێ له ئیه شادمانەو نەون که روحیل له لێدان گوش تەکنن بەڵکەم شادی ئیوه وه ئیه بود که ناودان له ئاسمان نویسریاس.»

رومیەگان 12:1

جا ئێ برایل، له وەر پرشەێ بەزەیێل خودا، لاڵکمه پێدان که جەسەیلدان جور قوروانیێگ زنی و موقەدەس و دڵخواز خودا پیشکەش بکەن، که پەرەسش روحانی ئیوه هەر ئیەسه.

رومیەگان 16:12

وه تریفینا و تریفوسا، که وەناو خوداوەند زامەت کیشن سڵام برەسنن. وه پرسیس عەزیز که وەناو خوداوەند فره زامەت کیشاس، سڵام برەسنن.

رومیەگان 16:9

وه ئوربانوس هاوکارمان وەناو مەسیح و ئستاخیس عەزیزم، سڵام برەسنن.

نامەێ فیلیپییل 1:12

ئێ برایل، توام بزانین ئەو چشته که هاتیەسه سەرم، وه ڕاسی ئەڕا وه نوا بردن ئینجیل، مەیەت داس،

نامەێ فیلیپییل 1:16

دەسەی دویم له ڕوی مابەت ئی کاره کەن، چوینکه زانن که مه ئەڕا دەفا له ئینجیل کەفتمەسه ئێرا.

نامەێ فیلیپییل 1:27

تەنیا لەلێدان توام که ڕێ رەوشت زنەییدان شایسەێ ئینجیل مەسیح بود تا ئیجوره، چ بام بوينمەدان و چ له ئەوره نەوم، له باوەت ئیوه بشنەفم که وەناو یەێ روح قورس وساینه و وه یەێ فکر، شان وه شان یەک ئەڕا ئیمان ئینجیل تەقالا بکێن و

نامەێ فیلیپییل 1:5

وەبونەێ ئیه که له یەکم ڕوژه تا ئیسه، وەناو کار ئینجیل هاوبەش بوینه.

نامەێ فیلیپییل 1:7

من حەق دێرم که له باوەت گشتدان ئیجور ئافتوهەستێگ بیاشتویم، ئەڕا ئیه که ئیوه هاینه ناو دڵم؛ چوینکه گشتدان وەگەردمەو وەناو فیز خودا بەشدارین، چ وەناو زندان بوم و چ خەریک دەفا و مور بین ڕاس درسی ئینجیل.

نامەێ فیلیپییل 4:2

لاڵکیەمه ئفودیه و له سینتیخی لاڵکیەم که وەناو خوداوەند یەێ فکر بون.

نامه وه کولوسییل 1:7

هەر ئەوجورە که ئەوه له هاوخزمەت عەزیزمان، ئەپافراس یاێ گردین. ئەوه له لاێ ئیوه خزمەتکار وەفادار مەسیحه و

وەحی وه یوحەنا 13:8

گشت نیشتەجێیل زەوی ئەو گیانەوەر دڕنه پەرەسن، یانێ گشت کەسیلێگ که ناوێان له دامەزرانن جهان لەناو دەفتەر زنەیی نەنویسریاس که هن ئەیو وەرک سەر بڕیاێەسه.

وەحی وه یوحەنا 17:8

ئەو گیانەوەر دڕنه که دیده، زەمانێگ بیەسێ‎، ئێرنگه نێەسێ، وه ئی زویه له چاێ هاویه دەر تێد و وەرەو نابودی چود. له نیشتەجێیل زەوی ئەوانه که ناوێان له وەخت دامەزرانن جهان له ناو دەفتەر زنەیی نەنویسریاس، وەختێ ئەو گیانەوەر دڕنه دوینن، سەریان سڕ مینێد، چوینکه زەمانێگ بیەسێ، ئێرنگه نێەسێ و تێد.

وەحی وه یوحەنا 20:12

جا مردگیل دیم، چ زرو و چ وردو، که له وەر دەم تەختەگه وساوین و دەفتەریل واز بی. ئمجا دەفتەرێگ تر واز بی که دەفتەر ژیانه. مردگیل وه پێ کردەوەیلێان، وه ڕوی ئەو چشته که وەناو ئەو دەفتەریله نویسریاوی، داوەری بین.

وەحی وه یوحەنا 20:15

جا هەر کەسێگ که ناوێ له دەفتەر ژیان نەنویسریاوی، فڕه دریاده ناو دەریاچەێ ئاگر.

وەحی وه یوحەنا 21:27

وەلێ هویچ چشت ناپاک و هویچکەسێگ که کاریل قیزهاوەر یا گولدەر وەجێ بارێ، هەراێهەر نیەچوده ناوێ، بەڵکەم تەنیا کەسیلێگ که ناوێان له دەفتەر ژیان وەرکەگه نویسریاس، چنه ناوێ.

وەحی وه یوحەنا 3:5

هەر کەسێگ که بوێدەو، ئیجوره وه دڵنگێگ چەرمێگ ڕەژێیدەو جا ناوێ هەراێهەر له دەفتەر زنەیی پاکەو نیەکەم، بەڵکەم ناوێ وه لاێ باوگم و فریشتەیلێ وه زوان تیەرم.