نامەێ فیلیپییل 2:8 - کتاب مقدس به زبان کردی جنوبی - گویش کلهوری

⁸ جا وەختێگ که شێوەێ بەشەر گرده خوەێ خوەێ هاورده خوار و تا وه مردن، تەنانەت تا وه مردن له بان سەلیب گوش تەکن بی.

نامەێ فیلیپییل 2:8 Cross References

ئنجیل مەتا 17:2

وه ئەوره، له لاێ ئەوانه، شێوەێ گویڕیا، دەمچەوی جور خوەر درەوشیا و دڵنگەگەێ جور نویر چەرمیەو بی.

ئنجیل مەتا 26:39

ئمجا قێرێگ چیه نواتر، وه دەمەو کەفته بان زەوی و دوعا کرد: «ئێ باوگم، ئەگەر بود، ئی جامه له لێم دویرەو که؛ وەلێ نه وه خاست مه، بەڵکەم خاست تو وه جێ باێد.»

ئنجیل مەتا 26:42

وه دواره عیسا چی و دوعا کرد: «باوگم، ئەگەر ڕێیگ تر نیه بێجگه ئیه که وه ئی جامه بخوەم با خاست تو بکرێ.»

لوقا 9:29

هەر ئەو ئانه که دوعا کردیا، شێوەێ دەمچەوی گویڕیا و دڵنگەگەێ چەرمێ و نویرانیەو بی.

یوحەنا 10:18

هویچکەسێگ گیانم له لێم نیەسێنێد، بەڵکەم وه خاست خوەم دەمێ. دەسڵات دێرم بیەمێ، دەسڵاتیش دێرم تا وه دواره بسێنمێەو. ئی دەستوره له باوگم گردمه.»

یوحەنا 14:31

وەلێ ئەڕا ئیه که جهان بزانێ دوس باوگ دێرم، هەر ئەوه کەم که باوگ دەستور داسه پێم. هەڵسن، بان وه ئێرا بچیمن.

یوحەنا 15:10

ئەگەر حوکمەگان مه بپارێزنین، لەناو مابەت من نیشتەجێ بوین؛ هەر ئەوجورە که من حوکمەگان باوگم پارێزانمه و لەناو مابەتێ نیشتەجێیم.

یوحەنا 4:34

عیسا وەپێان وەت: «خواردەمەنی مه ئیەسه که خاست ئەیو که کلم کردێه وه جا بارم و کارەگەێ تەمام بکەم.

کاریل ڕەسولەیل 8:33

ئەیو سوکەو بی و دادپەروەری لەلێ دریخ بی؛ کی تویەنێ باس نەتەوەگەێ بکێ؟ چوینکه زنەیی ئەیو له سەر زەوی بڕیاس.»

رومیەگان 5:19

چوینکه هەر ئەوجورە که له ڕێ ملچەفتەو کردن یەێ ئنسان، قێر فرەێگ گوناکار بین، له ڕێ گوش تەکانن یەێ ئنسانیش قێر فرەێگ سالحانەو بون.

دویم قورنتییل 8:9

چوینکه له فیز خوداوەندمان عیسا مەسیح ئاگادارین که هەر چەن دەوڵەمەن بی، وەبونەێ ئیوه دەستەنگێ گردەوەر تا ئیوه وەبونەێ دەستەنگێ ئەیو دەوڵەمەن بوین.

نامه وە غەلاتییل 3:13

مەسیح له جێ ئیمه لانەت کریا و وەئیجوره ئیمه له لانەت شەریعەت ڕزگار کرد، چوینکه وەناو تەورات نویسریاس: «هەر کەس بێرێیده دارەو لانەت ها ملێەو.»

تیتوس 2:14

هەر ئەو عیسا مەسیحه که گیان خوەێ ئەڕا ئیمه دا تا له هەر خراوێگ ڕزگارمان بکێد و قەومێگ ئەڕا خوەێ پاکەو بکێد که هن خوەێ بون و ئەڕا کاریل خاس غیرەت بیاشتون.

عبرانییل 12:2

باین چەو بوڕیمنه عیسا که بنیادنەر و کامڵکەر ئیمانمانه، که ئەڕا ئەو خوەشیه که له نوای بوی، سەلیب تاموڵ کرد و نەنگ ئەوه سوک وه حساو هاورد و ئێرنگه وه لاێ ڕاس تەخت خودا نيشتیه.

عبرانییل 12:4

هێمراێ له جەنگ خوەدان وه زد گونا تا پاێ گیان نەوساینه.

یەکم پتروس 2:24

مەسیح خوەێ گونایل ئیمه وەناو جەسەێ خوەێ کیشاده بان سەلیب، تا له باوەت گونا بمریم و ئەڕا سالح بوین زنەیی بکێم. ئیوه وه زامیلێ شەفا پەێا کردینه.

یەکم پتروس 3:18

چوینکه مەسیحیش یەێ جار ئەڕا گونایل رەنج کیشا، یانێ ئەو ئایەم سالحانه ئەڕا ئەوانه که سالحان نین، تا ئیمه بارێده ئەڕا لاێ خودا. ئەیو وەناو جەسه کوشریا، وەلێ وەناو روح، زنیەو بی و