نامەێ فیلیپییل 1:15 - کتاب مقدس به زبان کردی جنوبی - گویش کلهوری

¹⁵ وه ڕاسی بڕێگ له ڕوی حەسویی و هاوماڵی، مەسیح بانگەوازی کەن، وەلێ بڕێگتر وه نیەت خاسێگ.

نامەێ فیلیپییل 1:15 Cross References

ئنجیل مەتا 23:5

گشت کاریلێان وەبونەێ ئیەسه تا مەردم بویننیان، ئایەیل کتاو موقەدەس گن گن بەسنه تەخت تێوڵ و بان باڵێان و داوان بەتیەگانێان شوڕترەو کەن.

کاریل ڕەسولەیل 10:36

ئیوه ئەو پێخامه زانین که خودا ئەڕا قەوم ئێسرائیل کل کرد، له ڕێ عیسا مەسیح که خوداوەند گشته، مزگانی ئاشتی و سڵامەتی جار دا.

کاریل ڕەسولەیل 11:20

وەلێ چەن نەفەرێگ له لێان له مەردم قپرس و قیرەوان بین که وەختێ ڕەسینه ئەنتاکیه، وەگەرد یونانیەگانیش قسیه کردن و مزگانی عیسا خوداوەند دانه پێان.

کاریل ڕەسولەیل 5:42

جا هەر چی ڕوژه وه مابەد و وه ماڵيل، له تالیم داین و مزگانی ئیه که عیسا هەر ئەو مەسیحەسه، دەس هەڵنەگردن.

کاریل ڕەسولەیل 8:35

ئمجا فیلیپوس دەمی واز کرد و هەر لەو بەشه له کتاو موقەدەس شرو کرد و مزگانی عیسا دا پێ.

کاریل ڕەسولەیل 8:5

فیلیپوسیش چیه ئەڕا یەکیگ له شاریل سامره و وه ئەوره ناو مەسیح وه مەردم جار دا.

کاریل ڕەسولەیل 9:20

ئەوه زویزی وەناو کەنیسەيل جار دیاد که عیسا کوڕ خوداس.

رومیەگان 2:8

وەلێ وه خودپەسەنیل و ئەوانه که له ڕاسی گوش نیەتەکەنن بەڵکەم گوش له نادرسێ تەکنن، توڕەیی و خەزەو ڕشنێ.

یەکم قورنتییل 1:23

وەلێ ئیمه مەسیح وه سەلیب کیشریای بانگەوازی کەیمن که ئەڕا جویلەکەیل کوچگیگه که بوده بایس کەفتنێان و ئەڕا ناجویلەکەیل گیلگەوجیه،

یەکم قورنتییل 13:3

ئەگەر گشت دارایی خوەم سەدەقه بێەم و ئەگەر جەسەم بیەمه دەسەو تا لەناو ئاگر بسزننێ، وەلێ مابەت نیاشتوم، هویچ سودێگ ئەڕام نێرید.

دویم قورنتییل 1:19

چوینکه کوڕ خودا، عیسا مەسیح، که من و سیلاس و تیموتاوس وەناودان وه ئەیو بانگەوازی کردیم، ’ئەرێ‘ و ’نه‘ نوی، بەڵکەم وەناو ئەیو هەر ’ئەرێه‘.

دویم قورنتییل 11:13

چوینکه ئیجور کەسیلێ، ڕەسولەیل دروەکانی و کارکەریل فێڵبازن که خوێان وه وێنەێ ڕەسولەیل مەسیح دەر تیەرن.

دویم قورنتییل 12:20

چوینکه له ئەوه ڕخم چود وەختێ بامه ئەڕا لادان ئەوجورە که توام، نوینمەدان و ئیوەیش ئەوجورە که تواین، نوینینەم. نەکێ وەناودان مرافه، حەسویی، توڕه بوین، دشمەنی، بخت کردن، خوسپ کردن، لویتبەرزی و شل شێویایی بوینم.

دویم قورنتییل 4:5

چوینکه ئیمه بانگەوازی خوەمان نیەکیم، بەڵکەم بانگەوازی عیسا مەسیح کەیمن که خوداوەنده، له خوەمان تەنیا وەبونەێ عیسا، ئەویش تەنیا وه پێ خزمەتکاردان قسیه کەیمن.

نامه وە غەلاتییل 2:4

ئیه له ئەو باوەتەو پێش هات که بڕێگ له برایل دروەکانی وه دزیەو هاوردوینه ناومان و ئەوانه سڕ خواردنه ناومان تا ئەو ڕزگاریه که وەناو مەسیح عیسا دێریم جاسوسی بکەن و وه خوڵامی بکیشنەمان.

نامەێ فیلیپییل 2:3

هویچ کارێگیش له سەر جێخوازی یا لویتبەرزی نەکەن، بەڵکەم وه بێ فیسەو ئەو باقی مەردم له خوەدان خاستر بزانن.

یەکم نامەێ تیموتاوس 3:16

بێ گومان که راز خوداپەرەسی فره فره گەوراس: عیسا له جەسه دیار دا، له ڕێ روح خودا ڕاس بوینی مور کریاد، فریشتەیل دینەێ، وه ملەتیل بانگەوازی کریا، مەردم جهان وه ئەیو ئیمان هاوردن، وەگەرد جەڵاڵەو، بەرزەو کریا.