فِلِپّیوں 4:21 - کِتاب مُقدّس سرائیکی ترجمہ

²¹ اُتھاں دے سارے مُقدّساں کُوں مسیح یسُوع ءچ سلام آکھو۔ جیہڑے بِھرا میڈے نال ہِن، او تُہاکُوں سلام آدھے ہِن۔

فِلِپّیوں 4:21 Cross References

متّی 5:47

تے جے تُساں صرف آپنڑے ای بِھرانواں کُوں سلام کرو تاں کیہڑی وڈی گالھ کریندے ہیوے؟ کیا غیر قوماں دے لوک وی اِینویں نئیں کریندے؟

1کُرِنتھِیوں 1:2

خُدا دی اُوں کلیسیا دے ناں جیہڑی کُرِنتُھس شہر ءچ ہے، یعنی اُنہاں دے ناں جیہڑے یسُوع مسیح ءچ پاک کیتے گئے تے مُقدّس لوک ہووݨ کیتے سڈے گئے ہِن۔ ایہ خط اُنہاں ساریاں دے ناں وی ہے جیہڑے جاہ جاہ یسُوع مسیح دا ناں گِھندے ہِن جیہڑا اُنہاں دا تے ساڈا خُداوند ہے۔

گلتِیوں 1:2

تے او سارے مسیحی بِھرا وی جیہڑے میڈے نال ہِن، گلِتیہ دی کلیسیاواں کُوں سلام آدھن۔

گلتِیوں 2:3

پر میڈے ساتھی طِطُس کُوں وی بھانویں او یُونانی ہا ختنہ کراوݨ اُتے مجبور نہ کیتا گِیا۔

اِفِسیوں 1:1

ایہ خط میں پولُس دی طرفوں ہے جیہڑا خُدا دی مرضی نال یسُوع مسیح دا رسُول ہاں، اُنہاں مُقدّساں دے ناں جیہڑے اِفِسُس ءچ راہندے ہِن تے یسُوع مسیح ءچ وفادار ہِن۔

فِلِپّیوں 1:1

ایہ خط مسیح یسُوع دے خادماں پولُس تے تِیمُتِھیُس دی طرفوں، نگہباناں تے کلیسیا دے اِنتظام کرݨ آلیاں سمیت فِلپی دے سارے مُقدّساں دے ناں ہے جیہڑے یسُوع المسیح دے ہِن۔

فِلِپّیوں 4:7

وَل خُدا دا اِطمینان جیہڑا سمجھ تُوں باہر ہے، تُہاڈے دِلاں تے خیالاں کُوں مسیح یسُوع ءچ محفوظ رکھیسی۔