فِلِپّیوں 4:14 - کِتاب مُقدّس سرائیکی ترجمہ

¹⁴ وَل وی تُساں چنگا کیتے جو میڈی مُصیبت ءچ شامل تھئے۔

فِلِپّیوں 4:14 Cross References

متّی 25:21

اُوندے مالک اُونکُوں آکھیا، ’شاباش میڈے چنگے تے اِیماندار نوکر۔ تُوں تھوڑے ءچ اِیماندار ریہا۔ مَیں تیکُوں بہُوں ساریاں چیزاں دا مُختار بنڑیساں۔ آپنڑے مالک دی خوشی ءچ شریک تھی۔‘

رومیوں 15:27

ایہ کم اُنہاں خوشی نال تاں کیتا پر یروشلیم دے مُقدّساں دے قرضدار وی ہَن۔ کیوں جو جے غیر قوماں یہُودیاں دی رُوحانی برکتاں ءچ شامل تھئیاں ہِن تاں ضروری ہے جو او وی آپنڑی جِسمانی برکتاں نال یہُودیاں دی خدمت کرݨ۔

گلتِیوں 6:6

کلام دی تعلیم پاوݨ آلا آپنڑیاں ساریاں چنگیاں چیزاں ءچ تعلیم ڈیوݨ آلے کُوں شامل کرے۔

فِلِپّیوں 1:7

ایہ مناسب ہے جو میں تُہاڈے ساریاں دے بارے ءچ ایجھا خیال کراں، کیوں جو تُساں ہمیشاں میڈے دل ءچ راہندے ہیوے۔ تے بھانویں میں قید ءچ ہوواں یا خوشخبری دا دفاع تے تصدیق کریندا ہوواں، تُساں میڈے نال خُدا دے فضل ءچ شریک ہیوے۔

فِلِپّیوں 4:18

میڈے کولھ سبھ کُجھ ہے بلکہ ضرورت تُوں زیادہ ہے۔ تُہاڈیاں بھیجیاں ہوئیاں شیواں اِپفُردِتُس دے ہتُھوں گِھن تے میڈے کولھ بہُوں کُجھ تھی گئے۔ ایہ ہِک ایجھی خوشبودار تے مقبول قُربانی ہے جیہڑی خُدا کُوں پسند ہے۔

1 تِیمُتھِیُس 6:18

اُنہاں کُوں حُکم ڈے جو او نیکی کرݨ تے نیک کماں دے لحاظ نال دولت مند بنڑݨ تے ہمیشاں سخاوت کر تے ڈُوجھیاں دی مدد کرݨ کیتے تیار راہوݨ۔

عبرانیوں 10:33

کڈھائیں تاں لعن طعن تے مُصیبتاں دے سببّوں تُساں خود تماشا بنڑے تے کڈھائیں ڈُوجھیاں کُوں تکلیفاں سہندے ہوئے ڈیکھ تے اُنہاں نال شریک تھئے۔

عبرانیوں 10:34

تُساں قیدیاں نال ہمدردی کیتی تے آپنڑے مال دے لُٹے ونجنڑ کُوں وی خوشی نال قبول کیتا کیوں جو تُساں جانڑدے ہَوے جو ہِک بہتر تے ابدی ملکیت تُہاڈے کولھ ہے۔

عبرانیوں 13:16

تے بھلائی تے سخاوت کرݨ نہ بُھلائے کیوں جو خُدا ایجھیاں قُربانیاں کُوں پسند کریندے۔

مُکاشفہ 1:9

مَیں یُوحنّا، تُہاڈا بِھرا تے یسُوع دی پیروی کریندے ہوئے ڈُکھ، بادشاہی تے صبر ءچ تُہاڈا شریک ہاں۔ مَیں خُدا دا کلام سُنڑاوݨ تے یسُوع دی گواہی ڈیوݨ دی وجہ کنُوں اُوں جزیرہ اُتے بھیجیا گِیا ہم جیہڑا پتمُس اکھویندے۔