فِلِپّیوں 3:7 - کِتاب مُقدّس سرائیکی ترجمہ

⁷ پر جیہڑا کُجھ پہلے میڈے کیتے نفع دا سبب ہا، مَیں اُونکُوں مسیح دی خاطر نُقصان سمجھ گِھدے۔

فِلِپّیوں 3:7 Cross References

متّی 16:26

بندہ جے ساری دُنیا حاصل کر گِھنے پر آپنڑی جان دا نُقصان چاوے تاں اُونکُوں کیا فائدہ تھیسی؟ یا بندہ آپنڑی جان دے بدلے کیا ڈیسی؟

مرقس 10:50

او آپنڑا کپڑا سَٹ تے اُچھل پِیا تے یسُوع دے کولھ آیا۔

لُوقا 14:26

”جے کوئی میڈے کولھ آوے تے آپنڑے پِیُو، ماء، ذال، بال، بِھرا تے بھینڑاں بلکہ آپنڑی جان نال وی دُشمنڑی نہ رکھے، او میڈا شاگرد نئیں تھی سگدا۔

لُوقا 14:33

بس اِیں طرحاں تُہاڈے ءچوں جیہڑا کوئی آپنڑا سبھ کُجھ چھوڑ نہ ڈیوے، میڈا شاگرد نئیں تھی سگدا۔

لُوقا 16:8

مالک اُوں بے اِیمان مُنشی دی تعریف کیتی اِیں واسطے جو اُوں وڈی ہوشیاری نال کم گِھدا ہا۔ کیوں جو اِیں دُنیا دے فرزند آپنڑے جِیہے لوکاں نال دُنیا داری دے معاملات ءچ نُور دے فرزنداں کنُوں زیادہ ہوشیار ہِن۔

اعمال 27:38

جِیں ویلے اُنہاں پیٹ بھر تے کھا گِھدا تاں اُنہاں ساریاں دانڑیاں کُوں سمندر ءچ سَٹ ڈِتا، تاں جو جہاز ہولا تھی ونجے۔

عبرانیوں 11:26

اُوں مسیح دی خاطر بے عزت تھیوݨ کُوں مِصر دے خزانیاں کنُوں وڈی دولت سمجھیا کیوں جو اُوندی نِگاہ اجر اُتے لگی ہوئی ہئی۔