فِلِپّیوں 3:18 - کِتاب مُقدّس سرائیکی ترجمہ

¹⁸ کیوں جو جِینویں میں کئی پھیری تُہاکُوں آکھیا ہا تے ہُنڑ وی رو رو تے آدھا ہاں جو بہُوں سارے ایجھے ہِن جیہڑے آپنڑے چال چلنڑ نال مسیح دی صلیب دے دُشمنڑ ہِن۔

فِلِپّیوں 3:18 Cross References

لُوقا 19:41

جِیں ویلے یسُوع نیڑے آ تے شہر اُتے نِگاہ کیتی تاں اُوندے اُتے رُنّا تے آکھیا،

اعمال 20:19

مَیں بہُوں عاجزی نال، تے ہنجُو وہا وہا تے خُداوند دی خدمت کریندا ریہا، تے میکُوں یہُودیاں دی وڈیاں وڈیاں سازشاں دا سامنڑا کرنڑا پِیا ہا۔

رومیوں 9:2

جو مَیں بہُوں غمگین ہاں تے میڈا دل ہر ویلے ڈُکھدا راہندے۔

1کُرِنتھِیوں 1:18

کیوں جو ہلاک تھیوݨ آلیاں کیتے تاں صلیب دا پیغام بیوقُوفی ہے پر نجات پاوݨ آلیاں کیتے خُدا دی قُدرت ہے۔

1کُرِنتھِیوں 6:9

کیا تُساں نئیں جانڑدے جو بدکار خُدا دی بادشاہی دے وارث نہ ہوسن؟ دوکھے ءچ نہ رہوائے۔ نہ حرام کار، نہ بُتاں دی پُوجا کرݨ آلے، نہ زِنا کار، نہ لونڈے باز،

2کُرِنتھِیوں 11:13

کیوں جو ایجھے لوک کُوڑے رسُول تے دوکھے بازی نال کم کرݨ آلے ہِن تے آپنڑے آپ کُوں مسیح دے رسُولاں دے ہم شکل بنڑا گِھندے ہِن۔

2کُرِنتھِیوں 11:29

کیندی کمزوری نال مَیں کمزور نئیں تھیندا؟ تے کیندی گُمراہی تُوں میڈا دل نئیں ڈُکھدا؟

2کُرِنتھِیوں 2:4

مَیں بہُوں مُصیبت تے پریشانی ءچ تے بہُوں سارے ہنجُو وہا وہا تے تُہاکُوں لِکھیا ہا پر میڈا مقصد تُہاکُوں ڈُکھ ڈیوݨ نہ ہا بلکہ مَیں چاہندا ہم جو تُساں جاݨ گِھنو جو مَیں تُہاڈے نال کِتنی گہری محبت رکھیندا ہاں۔

گلتِیوں 1:7

کوئی ڈُوجھا ہے ای کائنا۔ ہا، کُجھ لوک تُہاکُوں پریشان کریندے پئے ہِن جیہڑے مسیح دی خوشخبری کُوں تروڑ مروڑ تے پیش کرݨ چاہندے ہِن۔

گلتِیوں 2:14

جِیں ویلے مَیں ڈِٹھا جو او خوشخبری دی سچائی دے مطابق نئیں چلدے، تاں مَیں سبھ دے سامنڑے پطرس کُوں آکھیا جو ”تُوں یہُودی ہوندے ہوئے غیر قوماں وانگُوں زندگی گُزریندا پئیں نہ جو یہُودیاں وانگُوں۔ وَل تُوں کِینویں غیر قوماں کُوں یہُودیاں وانگُوں زندگی گُزارݨ کیتے مجبور کر سگدیں؟“

گلتِیوں 2:21

مَیں خُدا دے فضل کُوں رَد نئیں کریندا۔ کیوں جو جے راستبازی شریعت دے وسیلے نال حاصل کیتی وَنج سگدی تاں مسیح دا مرݨ بے فائدہ ہوندا۔“

گلتِیوں 5:21

بُغض، نشہ بازی، نچنڑ ٹپنڑ تے اِنہاں جِیہے بئے کم۔ اِنہاں گالھیں دے بارے ءچ مَیں پہلے تُہاکُوں آکھیا ہا تے ہُنڑ ولا آدھا ہاں، جو ایجھے کم کرݨ آلے خُدا دی بادشاہی دے وارث نہ ہوسن۔

گلتِیوں 6:12

جیہڑے لوک ڈُوجھیاں دے سامنڑے آپنڑے آپ کُوں چنگا ڈِکھاوݨ چاہندے ہِن، او تُہاکُوں ختنہ کراوݨ اُتے مجبور کرݨ دی کوشش کریندے ہِن۔ پر اُنہاں دا مقصد صرف ایہ ہے جو مسیح دی صلیبی موت دے پیغام دی وجہ کنُوں ستائے نہ ونجنڑ۔

گلتِیوں 6:14

پر خُدا نہ کرے جو مَیں کہیں چیز اُتے فخر کراں سوائے آپنڑے خُداوند یسُوع مسیح دی صلیب اُتے، جیندے ذریعے دُنیا دی اہمیت میڈے کیتے صلیب اُتے چڑھ گئی ہے تے میڈی اہمیت دُنیا کیتے۔

اِفِسیوں 4:17

اِیں واسطے مَیں آدھا ہاں بلکہ خُداوند یسُوع ءچ چتیندا ہاں جو اگُوں تُوں تُساں غیر قوماں وانگُوں جیہڑیاں آپنڑے بےکار خیالاں دے مطابق چلدیاں ہِن، زندگی نہ گُزارو۔

فِلِپّیوں 1:4

تُہاڈے کیتے آپنڑی ہر دُعا ءچ مَیں بہُوں خوشی نال دُعا کریندا ہاں،

1تھِسّلُنیکیوں 4:6

تے اِیں معاملے ءچ کوئی وی آپنڑے بِھرا کُوں دوکھا نہ ڈیوے یا اُوندے نال زیادتی نہ کرے۔ خُداوند ایجھے کم کرݨ آلیاں کُوں سزا ڈیسی جِینویں جو اساں تُہاکُوں پہلے ای ڈسا تے خبردار کر ڈِتے۔

2تھِسّلُنیکیوں 3:11

اساں سُنڑیا ہے جو تُہاڈے ءچ کُجھ ایجھے وی ہِن جیہڑے آلسی ہِن۔ او خود تاں کُجھ کریندے نئیں بلکہ ڈُوجھیاں دے کم ءچ دَخل ڈیندے ہِن۔

2 پطرس 2:10

خاص کر اُنہاں کُوں جیہڑے آپنڑے جِسم دیاں گندیاں خواہشاں دی پیروی کریندے ہِن تے اِختیار کُوں حقیر سمجھدے ہِن۔ ایہ لوک گُستاخ تے مغرُور ہِن تے جلالی ہستیاں دی توہین کرݨ تُوں نئیں ڈردے۔

یہُوداہ 1:13

ایہ سمندر دیاں بے قابو چھلاں ہِن جیہڑیاں آپنڑی بے شرمی دی جَھگ مریندیاں ہِن۔ ایہ او اوارہ تارے ہِن جِنہاں کیتے اندھاری جاہ ہمیشاں کیتے مقرر کر ڈِتی گئی ہے۔