فِلِپّیوں 2:7 - کِتاب مُقدّس سرائیکی ترجمہ

⁷ بلکہ آپنڑے آپ کُوں خالی کر ڈِتا، تے غُلام دی صورت اِختیار کر تے اِنساناں جِیہا بنڑ گِیا۔

فِلِپّیوں 2:7 Cross References

متّی 12:18

”ڈیکھو میڈا خادم، جِینکُوں مَیں چُنڑیا۔ میڈا محبوب جئیں کنُوں میڈا دل خوش ہے۔ مَیں آپنڑا رُوح اُوندے اُتے نازل کریساں تے او قوماں ءچ اِنصاف دا اعلان کریسی۔

متّی 20:28

اِبنِ آدم اِیں واسطے نئیں آیا جو خدمت گِھنے بلکہ اِیں واسطے جو خدمت کرے تے آپنڑی جان بہُوں ساریاں کیتے فِدیہ ءچ ڈیوے۔“

مرقس 9:12

اُوں اُنہاں کُوں آکھیا جو ”ایلیّاہ تاں پہلے آ تے سبھ کُجھ بحال کریسی، پر کلام ءچ اِبنِ آدم دے بارے ءچ کیوں لِکھیا ہے جو ’او بہُوں ڈُکھ چیسی تے حقیر کیتا ویسی؟‘

لُوقا 22:27

وڈا کوݨ ہے؟ او جیہڑا دسترخوان اُتے بیٹھے یا او جیہڑا اُوندی خدمت کریندے؟ کیا او نئیں جیہڑا دسترخوان اُتے بیٹھے؟ پر مَیں تُہاڈے وچال خادم وانگُوں ہاں۔

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

رومیوں 1:3

آپنڑے پوتر دے بارے ءچ کیتا، جیہڑا جِسمانی لحاظ نال تاں داؤد دی نسل ءچوں ہا،

رومیوں 15:3

کیوں جو مسیح وی آپنڑی خوشی دا خیال نہ رکھیا بلکہ لِکھیا ہے جو ”تیڈے لعن طعن کرݨ آلیاں دی لعن طعن میڈے اُتے آ پئی ہے۔“

رومیوں 15:8

مَیں تُہاکُوں ڈسیندا ہاں جو یسُوع مسیح خُدا دی سچائی ثابت کرݨ کیتے یہُودیاں دا خادم بنڑیا، تاں جو اُنہاں وعدیاں دی تصدیق کرے جیہڑے پِیُو ڈاڈے نال کیتے گئے ہَن،

رومیوں 8:3

ساڈی اِنسانی فطرت دی کمزوری دے سببّوں شریعت ساکُوں نہ بچا سگی پر خُدا ایہ کیتے۔ اُوں آپنڑے پوتر کُوں گُنہگاراں جِیہے جِسم ءچ بھیجیا تاں جو او گُناہ کیتے قُربان تھیوے۔ اِیں طرحاں خُدا جِسم ءچ ای گُناہ کُوں سزا ڈِتی،

2کُرِنتھِیوں 13:4

ہا، او کمزوری دی حالت ءچ صلیب اُتے چڑھایا گِیا پر خُدا دی قُدرت دے سببّوں زندہ ہے، تے اساں وی اُوندی طرحاں کمزور تاں ہیں پر اُوندے نال خُدا دی اُوں قُدرت دے سببّوں زندہ ہوسُوں جیہڑی تُہاڈے کیتے ہے۔

2کُرِنتھِیوں 8:9

کیوں جو تُساں ساڈے خُداوند یسُوع مسیح دے فضل کُوں جانڑدے ہیوے جو او بھانویں دولت مند ہا، وَل وی تُہاڈی خاطر غریب بنڑ گِیا تاں جو تُساں اُوندی غریبی دے سببّوں دولت مند بنڑ ونجو۔

گلتِیوں 4:4

پر جِیں ویلے وقت پُورا تھی گِیا تاں خُدا آپنڑے پوتر کُوں بھیجیا جیہڑا عورت تُوں پیدا تھیّا تے شریعت دے تابع پیدا تھیّا،

فِلِپّیوں 2:6

بھانویں او خُدا دی صورت اُتے ہا، وَل وی اُوں خُدا دے برابر ہووݨ کُوں آپنڑے قبضہ ءچ رکھنڑ دی چیز نہ سمجھیا۔

عبرانیوں 12:2

اساں آپنڑی دِید یسُوع اُتے لائی رکھوں جیہڑا اِیمان دا بانی تے کامل کرݨ آلا ہے، جئیں اُوں خوشی پارُوں جیہڑی اُوندی نظراں دے سامنڑے ہئی، صلیب دا ڈُکھ سہہ تے اُوندی شرمندگی دی پرواہ نہ کیتی۔ تے ہُنڑ خُدا دے تخت دے سجے پاسُوں بیٹھے۔

عبرانیوں 13:3

تُساں قیدیاں کُوں اِینویں یاد رکھو جِینویں جو تُساں خود اُنہاں دے نال قید ءچ ہیوے، تے جِنہاں دے نال بدسلُوکی کیتی ویندی ہے اُنہاں کُوں اِینویں یاد رکھو جِینویں جو تُساں خود آپنڑے بدن ءچ برداشت کریندے پئے ہیوے۔

عبرانیوں 4:15

کیوں جو ساڈا کاہِن ِ اعظم ایجھا نئیں جیہڑا ساڈیاں کمزوریاں ءچ ساڈا ہمدرد نہ بنڑ سگے بلکہ او ساڈے وانگُوں سارے گالھیں ءچ ازمایا گِیا، وَل وی بے گُناہ ریہا۔