فِلِپّیوں 2:27 - کِتاب مُقدّس سرائیکی ترجمہ

²⁷ بے شک او اِتنا بیمار تھی گِیا ہا جو مرݨ آلا ہا پر خُدا اُوندے اُتے رحم کیتا تے نہ صرف اُوندے اُتے بلکہ میڈے اُتے وی، تاں جو میڈا ڈُکھ مزید نہ ودھے۔

فِلِپّیوں 2:27 Cross References

اعمال 9:37

اُونہی ڈینہاں ءچ او بیمار تھی تے مر گئی تے اُوندی لاش کُوں غُسل ڈے تے اُتلے کمرے ءچ رکھ ڈِتا۔

1کُرِنتھِیوں 10:13

تُہاڈے اُتے ایجھی ازمائش نئیں آئی جیہڑی تُہاڈی برداشت تُوں باہر ہووے۔ تے خُدا وفادار ہے، او تُہاڈی برداشت کنُوں زیادہ سخت ازمائش تُہاڈے اُتے نہ آوݨ ڈیسی۔ بلکہ جِیں ویلے ازمائش آسی تاں او اُوں کنُوں بچ نِکلنڑ دی راہ وی پیدا کر ڈیسی تاں جو تُساں برداشت کر سگو۔

2کُرِنتھِیوں 2:7

بس ہُنڑ تُساں اُوندا قصُور معاف کر ڈیؤ تے اُونکُوں تسلی ڈیؤ۔ اِینویں نہ تھیوے جو او حد تُوں زیادہ ڈُکھ پارُوں تباہ تھی ونجے۔

فِلِپّیوں 2:26

او تُہاڈے ساریاں نال مِلنڑ دی سِک رکھیندا تے پریشان وی ہا کیوں جو تُساں اُوندی بیماری دا حال سُنڑیا ہا۔

فِلِپّیوں 2:28

اِیں واسطے میکُوں خیال آیا جو اُونکُوں جلدی بھیج ڈیواں تاں جو تُساں اُونکُوں ولا ڈیکھ تے خوش تھی ونجو تے میڈی پریشانی وی گھٹ ونجے۔

فِلِپّیوں 2:30

کیوں جو او مسیح دی خدمت دی خاطر مرݨ آلا ہا۔ اُوں آپنڑی جان خطرے ءچ پا ڈِتی تاں جو او میڈی او خدمت کرے جیہڑی تُساں نہ کر سگے۔