فِلِپّیوں 2:20 - کِتاب مُقدّس سرائیکی ترجمہ

²⁰ کیوں جو میڈے کولھ اُوندے جِیہا بِیا کوئی نئیں جیہڑا سچے دل نال تُہاڈی فِکر کریندا ہووے۔

فِلِپّیوں 2:20 Cross References

یُوحنّا 10:13

او اِیں واسطے بھج ویندے کیوں جو او مزدُور ہے تے اُونکُوں بھیڈاں دی فِکر نئیں۔

یُوحنّا 12:6

اُوں ایہ اِیں واسطے نہ آکھیا ہا جو اُونکُوں غریباں دی فِکر ہئی بلکہ اِیں واسطے جو او چور ہا تے اُوندے کولھ پیسے آلی تھیلی ہوندی ہئی تے جیہڑا کُجھ اُوندے ءچ سٹیا ویندا ہا، اُوندے ءچوں او کُجھ کڈھ گِھندا ہا۔

رومیوں 15:5

ہُنڑ صبر تے تسلی ڈیوݨ آلا خُدا تُہاکُوں مسیح یسُوع دے بندے ہوندے ہوئے آپس ءچ ہِک دل تھی تے راہوݨ دی توفیق ڈیوے۔

1کُرِنتھِیوں 16:10

جے تِیمُتِھیُس پُج ونجے تاں خیال رکھائے جو او تُہاڈے کولھ بے فِکر ٹِکے کیوں جو او وی میڈے وانگُوں خُداوند دی خدمت کریندا پِیا ہے۔

فِلِپّیوں 2:2

تاں میڈی خوشی اِینویں پُوری کرو جو ہِک ای سوچ رکھو، ہِکو جیہی محبت رکھو، ہِک جان تھیؤ تے یک دل راہو۔

فِلِپّیوں 2:22

پر تُساں تاں جانڑدے ہیوے جو تِیمُتِھیُس بھروسے دے لائق ثابت تھئے کیوں جو جِینویں پوتر پِیُو نال کم کریندے، اُونویں ای اُوں میڈے نال رَل تے خوشخبری دی تبلیغ کرݨ دی خدمت کیتی ہے۔

کلُسِّیوں 4:11

تے یسُوع وی جیہڑا یُوستُس اکھویندے تُہاکُوں سلام آدھے۔ یہُودی اِیمانداراں ءچوں صرف اِیہو ترے بندے خُدا دی بادشاہی دے پیغام دی تبلیغ کرݨ ءچ میڈے ہم خدمت تے میڈی تسلی دا سبب ریہے ہِن۔

1 تِیمُتھِیُس 1:2

تِیمُتِھیُس دے ناں جیہڑا اِیمان دے لحاظ نال میڈے حقیقی پوتر وانگُوں ہے۔ تیکُوں خُدا باپ تے ساڈے خُداوند یسُوع مسیح دی طرفوں فضل، رحم تے اِطمینان حاصل تھیندا راہوے۔

1 تِیمُتھِیُس 4:6

تِیمُتِھیُس جے تُوں بِھرانواں کُوں ایہ گالھیں یاد کرویسیں تاں مسیح یسُوع دا چنگا خادم ہوسیں، ایجھا خادم جئیں اُوں اِیمان تے چنگی تعلیم دے گالھیں نال پرورش پاتی ہووے جیندے اُتے تُوں عمل کریندا آ یا ہیں۔

2 تِیمُتھِیُس 1:5

میکُوں تیڈا او حقیقی اِیمان وی یاد آندے جیہڑا پہلے تیڈی نانی لُوئِس تے تیڈی ماء یُونِیکے دا ہا، تے میکُوں یقین ہے جو اُوہو اِیمان تیڈا وی ہے۔

2 تِیمُتھِیُس 3:10

پر تُوں تعلیم ءچ، چال چلنڑ ءچ، مقصد ءچ، اِیمان ءچ، صبر ءچ، محبت ءچ، برداشت ءچ،