فِلِپّیوں 2:15 - کِتاب مُقدّس سرائیکی ترجمہ

¹⁵ تاں جو تُساں بے اِلزام تے پاک تھی تے ٹیڑھے تے گُمراہ لوکاں ءچ خُدا دے بے عیب فرزند بنڑے راہو، جِنہاں دے وچال تُساں اسمان دے تاریاں وانگُوں چمکدے ہیوے۔

فِلِپّیوں 2:15 Cross References

متّی 10:16

ڈیکھو مَیں تُہاکُوں بھجیندا ہاں جِینویں بھیڈاں کُوں نہراں ءچ۔ اِیں واسطے تُساں نانگاں وانگُوں ہوشیار تے کبوتراں وانگُوں بھولے بنڑو۔

متّی 17:17

یسُوع جواب ءچ آکھیا، ”بےاعتقاد تے گُمراہ قوم! مَیں کڈݨ تئیں تُہاڈے نال راہساں؟ کڈݨ تئیں تُہاڈی برداشت کریساں؟ اُونکُوں میڈے کولھ گِھن آؤ۔“

متّی 5:45

تاں تُساں آپنڑے اسمانی باپ دے فرزند بنڑ سو۔ کیوں جو او آپنڑے سِجھ کُوں نیکاں تے بداں ڈوہائیں اُتے چمکیندے تے نیکاں تے گُنہگاراں ڈوہائیں اُتے مینہ وسیندے۔

متّی 5:48

بس تُساں کامِل بنڑو جِینویں تُہاڈا اسمانی باپ کامِل ہے۔“

لُوقا 1:6

او ڈوہائیں خُدا دی نظر ءچ نیک ہَن تے خُداوند دے سارے حُکماں تے قانُوناں اُتے بے عیب عمل کریندے ہَن۔

لُوقا 6:35

پر تُساں آپنڑے دُشمنڑاں نال محبت رکھو تے بھلائی کرو۔ تے واپس مِلنڑ دی اُمید دے بغیر قرضہ ڈیؤ، تاں تُہاڈا اجر وڈا ہوسی تے تُساں خُدا تعالیٰ دے فرزند ہوسو، کیوں جو او ناشُکریاں تے بداں اُتے وی مہربان ہے۔

یُوحنّا 5:35

یُوحنّا چمکدا تے بلدا ہویا چراغ ہا تے تُساں کُجھ عرصے تئیں اُوندی روشنی ءچ خوش راہونڑا پسند کیتا۔

اعمال 2:40

تے پطرس مزید بہُوں سارے گالھیں کیتیاں تے اُنہاں کُوں ایہ نصیحت کیتی جو ”آپنڑے آپ کُوں اِیں بدکار قوم کنُوں بچائی رکھو۔“

اعمال 20:30

بلکہ تُہاڈے ءچوں ای ایجھے لوک اُٹھسن جیہڑے حق کُوں تروڑ مروڑ تے پیش کریسن تاں جو شاگرداں کُوں آپنڑے پاسے چھیک گِھننڑ۔

رومیوں 16:19

تُہاڈی فرمانبرداری ساریاں ءچ مشہور تھی گئی ہے، اِیں واسطے مَیں تُہاڈے بارے ءچ خوش ہاں، پر ایہ چاہندا ہاں جو تُساں نیکی کرݨ دے بارے ءچ سمجھدار بنڑ ونجو تے بدی کرݨ دے بارے ءچ بھولے بنڑ ونجو۔

1کُرِنتھِیوں 1:8

اُوہو تُہاکُوں آخر تئیں قائم وی رکھیسی تاں جو تُساں ساڈے خُداوند یسُوع مسیح دے واپس آوݨ دے ڈینہہ بے اِلزام تھیؤ۔

2کُرِنتھِیوں 6:17

اِیں واسطے رب فرمیندے اُنہاں ءچوں نِکل تے اَنج راہو تے کہیں وی پلیت شے کُوں ہتھ نہ لاؤ۔ وَل مَیں تُہاکُوں قبول کریساں

اِفِسیوں 5:27

تے ایجھی جلال آلی کلیسیا بنڑا تے آپنڑے کولھ حاضر کرے جیندے ءچ کوئی داغ یا جُھری یا کوئی بِیا نُقص نہ ہووے بلکہ او پاک تے بے اِلزام ہووے۔

فِلِپّیوں 1:10

تاں جو تُساں پچھاݨ سگو جو کیہڑے گالھیں چنگیاں ہِن تے تُساں مسیح دے واپس آوݨ دے ڈینہہ تئیں صاف دل تے بے عیب راہو،

فِلِپّیوں 3:6

تے میں اِتنا غیرت مند ہم جو کلیسیا کُوں ستیندا ہم تے شریعت دی راستبازی دے اعتبار نال بے اِلزام ہم۔

1تھِسّلُنیکیوں 5:23

خُدا جیہڑا اِطمینان دا سر چشمہ ہے آپ ای تُہاکُوں مکمل طور تے پاک کرے۔ تے تُہاڈی رُوح، جان تے تُہاڈے جِسم خُداوند یسُوع مسیح دے آوݨ تئیں بے عیب تے محفوظ راہوݨ۔

1 تِیمُتھِیُس 3:10

پر ضروری ہے جو او پہلے چنگی طرحاں پرکھے ونجنڑ، وَل جے بے اِلزام نِکلنڑ تاں اُنہاں کُوں اِنتظام کرݨ دی خدمت ڈیؤ۔

1 تِیمُتھِیُس 3:2

اِیں واسطے نگہبان کُوں چاہیدے جو او بے اِلزام، ہِک ذال دا پایا، پرہیزگار، مُتّقی، شریف، مہمان نواز تے تعلیم ڈیوݨ دے قابل ہووے۔

1 تِیمُتھِیُس 5:14

اِیں واسطے مَیں جوان بیوہ عورتاں کُوں صلاح ڈیندا ہاں جو او شادی کرݨ، بال جمنڑ، آپنڑا گھر سنبھالنڑ تے کہیں مخالف کُوں بدگوئی کرݨ دا موقع نہ ڈیوݨ۔

1 تِیمُتھِیُس 5:20

پر گُناہ کرݨ آلیاں کُوں ساریاں دے سامنڑے ملامت کر تاں جو ڈُوجھیاں کیتے وی عِبرت ہووے۔

1 تِیمُتھِیُس 5:7

اِنہاں گالھیں دے بارے ءچ لوکاں کُوں نصیحت کر تاں جو کوئی اُنہاں اُتے اِلزام نہ لا سگے۔

طِطُس 1:6

بزُرگ بے اِلزام ہووے، ہِک ذال آلا ہووے، اُوندے بال اِیماندار ہووݨ تے عیاشی تے نافرمانی دے اِلزام کنُوں پاک ہووݨ۔

طِطُس 2:10

چوری نہ کرݨ بلکہ ہر کم پُوری اِیمانداری نال کرݨ تاں جو اُنہاں دے سارے کم ساڈے نجات ڈیوݨ آلے خُدا دی تعلیم کُوں پُرکشش بنڑاوݨ۔

طِطُس 2:15

تُوں ایہ گالھیں سِکھا، تے پُورے اِختیار نال نصیحت تے تنبیہ کریندا رہ۔ کوئی وی تیکُوں حقیر نہ سمجھے۔

عبرانیوں 7:26

ساکُوں ایجھے ای کاہِن ِ اعظم دی لوڑ ہئی جیہڑا پاک، بے قصُور، تے بے عیب ہووے، گُنہگاراں کنُوں اَنج تے اسمان کنُوں وی اُچا کیتا گِیا ہووے۔

1 پطرس 2:12

غیر قوماں ءچ آپنڑا چال چلنڑ ایجھا نیک رکھو جو بیشک او تُہاڈے اُتے بدکار ہووݨ دے اِلزام لیندن پر تُہاڈے نیک کماں کُوں ڈیکھ تے عدالت دے ڈینہہ خُدا دی حمد کرݨ۔

1 پطرس 2:9

پر تُساں ہِک چُنڑی ہوئی نسل، شاہی کاہِن، مُقدّس قوم تے ایجھی اُمت ہیوے جیہڑی خُدا دی خاص ملکیت ہے، تاں جو تُساں اُوندے خُوبیاں دا اعلان کرو جئیں تُہاکُوں اندھارے ءچوں آپنڑی حیران کرݨ آلی روشنی ءچ سڈیا ہے۔

2 پطرس 3:14

بس عزیزو، کیوں جو تُساں اِنہاں گالھیں دے اِنتظار ءچ ہیوے، اِیں واسطے پُوری کوشش کرو جو تُساں خُدا دے نال صُلح ءچ اُوندے نزدیک بے داغ تے بے اِلزام تے ثابت تھیؤ۔

مُکاشفہ 2:5

بس یاد کر جو تُوں کِتھوں ڈھٹھا ہیں۔ توبہ کر تے، اُوہو کم کر جیہڑے پہلے کریندا ہَویں، نہ تاں مَیں تیڈے کولھ آ تے تیڈے چراغ کُوں اُوندی جاہ کنُوں ہٹا ڈیساں۔

مُکاشفہ 3:9

ڈیکھ! مَیں شیطان دی جماعت دے اُنہاں لوکاں نال جیہڑے آپنڑے آپ کُوں بنی اِسرائیل آدھے ہِن پر ہِن نئیں بلکہ کُوڑے ہِن، اِینویں کریساں جو او آ تے تیڈے پیراں اُتے ڈھے تے سجدہ کریسن تے منیسن جو مَیں تیڈے نال محبت رکھیندا ہاں۔