فِلِپّیوں 1:8 - کِتاب مُقدّس سرائیکی ترجمہ

⁸ خُدا گواہ ہے جو میڈے دل ءچ تُہاڈے کیتے یسُوع مسیح جیہی محبت ہے تے مَیں تُساں ساریاں کُوں مِلنڑ دی سِک رکھیندا ہاں۔

فِلِپّیوں 1:8 Cross References

لُوقا 1:78

ایہ ساڈے خُدا دی عین رحمت نال تھیسی جیندے سببّوں ساڈے اُتے اسمان کنُوں نُور چمکسی

رومیوں 1:9

خُدا جیندی خدمت مَیں دل و جان نال اُوندے پوتر دی خوشخبری سُنڑا تے کریندا ہاں، میڈا گواہ ہے جو مَیں تُہاکُوں آپنڑیاں دُعاواں ءچ ہمیشاں یاد کریندا ہاں۔

رومیوں 9:1

مَیں مسیح ءچ سچ آدھا ہاں، کُوڑ نئیں بُولیندا بلکہ میڈا ضمیر وی رُوح القُدس دے تابع تھی تے گواہی ڈیندے،

2کُرِنتھِیوں 13:9

کیوں جو اساں خوش ہیں جڈاں تُساں زور آور ہیوے بھانویں اساں کمزور ہیں۔ تے ساڈی دُعا ہے جو تُساں کامل تھی ونجو۔

2کُرِنتھِیوں 6:12

ساڈے دِلاں ءچ تُہاڈے کیتے جاہ گھٹ نئیں تھئی پر تُہاڈے دِلاں ءچ ساڈے کیتے جاہ گھٹ تھی گئی ہے۔

2کُرِنتھِیوں 7:15

جِیں ویلے اُونکُوں یاد آندے جو تُساں کِتنے فرمانبردار ہَوے تے کِینویں ڈردے تے کمبدے ہوئے اُوندا اِستقبال کیتا، تاں اُوندی محبت تُہاڈے نال بئی وی زیادہ تھی ویندی ہے۔

گلتِیوں 1:20

جیہڑے گالھیں مَیں تُہاکُوں لِکھدا پِیا ہاں، خُدا گواہ ہے جو او کُوڑیاں نئیں۔

گلتِیوں 3:26

کیوں جو تُساں سارے یسُوع مسیح اُتے اِیمان گِھن آوݨ دے وسیلے نال خُدا دی اولاد بنڑ گئے ہیوے۔

گلتِیوں 4:19

میڈے بالو! تُہاڈے کیتے میکُوں ولا کنُوں بال جاوݨ وانگُوں دے درد لگے ہِن تے اُوں ویلے تئیں لگے راہسن، جئیں تئیں مسیح دی صورت تُہاڈے ءچ قائم نہ تھی ونجے۔

فِلِپّیوں 2:1

بس جے تُہاکُوں مسیح ءچ کُجھ حوصلہ تے اُوندی محبت کنُوں تسلی مِلدی ہے، تے جے رُوح القُدس دی شراکت ہے تے جے تُہاڈے ءچ رحمدلی تے ہمدردی پائی ویندی ہے،

فِلِپّیوں 2:26

او تُہاڈے ساریاں نال مِلنڑ دی سِک رکھیندا تے پریشان وی ہا کیوں جو تُساں اُوندی بیماری دا حال سُنڑیا ہا۔

فِلِپّیوں 4:1

اِیں واسطے میڈے پیارے بِھراؤ، جِنہاں نال مِلنڑ دی مَیں سِک رکھیندا ہاں تے تُساں جیہڑے میڈی خوشی تے میڈا تاج ہیوے۔ میڈے عزیزو، خُداوند ءچ اِینویں ای قائم راہو۔

کلُسِّیوں 2:1

مَیں تُہاکُوں ڈساوݨ چاہندا ہاں جو مَیں تُہاڈے کیتے تے لَودِیکیہ آلیاں کیتے بلکہ اُنہاں ساریاں اِیمانداراں کیتے جِنہاں میڈا چہرہ نئیں ڈِٹھا بہُوں محنت کریندا پِیا ہاں۔

کلُسِّیوں 3:12

تُساں خُدا دے چُنڑے ہوئے، پاک تے عزیز لوک ہیوے، اِیں واسطے رحم، ہمدردی، فروتنی، نرمی تے صبر دے کپڑے پا گِھنو۔

1تھِسّلُنیکیوں 2:5

تُساں جانڑدے ہیوے جو اساں کڈھائیں وی خوشامد نئیں کیتی تے نہ لالچ نال کلام کیتے، خُدا اِیندا گواہ ہے۔

1تھِسّلُنیکیوں 2:8

تُہاڈے کیتے ساڈی محبت اِتنی ہئی جو اساں نہ صرف خُدا دی خوشخبری سُنڑاونڑ بلکہ تُہاکُوں آپنڑی جان ڈے ڈیوݨ تئیں راضی ہسے کیوں جو تُساں ساکُوں بہُوں عزیز ہَوے۔

2 تِیمُتھِیُس 1:4

تیڈے ہنجُواں کُوں یاد کر تے مَیں تیکُوں مِلنڑ دی سِک رکھیندا ہاں تاں جو تیکُوں مِل تے خوش تھی سگاں۔

فِلیمون 1:12

ہُنڑ مَیں اُونکُوں یعنی آپنڑے دل دے ٹوٹے کُوں تیڈے کولھ واپس بھجیندا پِیا ہاں۔

فِلیمون 1:20

ہا بِھرا، خُداوند دی خاطر میڈے اُتے ایہ مہربانی کر جو میکُوں تَیں تُوں کوئی فائدہ مِلے۔ مسیح ءچ میڈے دل کُوں تازہ کر۔

1 یُوحنّا 3:17

جے کہیں دے کولھ دُنیا دا مال موجود ہووے پر او آپنڑے بِھرانواں کُوں مُتھاج ڈیکھ تے اُنہاں اُتے رحم نہ کرے تاں خُدا دی محبت اُوندے ءچ کِینویں قائم رہ سگدی ہے؟