فِلِپّیوں 1:7 - کِتاب مُقدّس سرائیکی ترجمہ

⁷ ایہ مناسب ہے جو میں تُہاڈے ساریاں دے بارے ءچ ایجھا خیال کراں، کیوں جو تُساں ہمیشاں میڈے دل ءچ راہندے ہیوے۔ تے بھانویں میں قید ءچ ہوواں یا خوشخبری دا دفاع تے تصدیق کریندا ہوواں، تُساں میڈے نال خُدا دے فضل ءچ شریک ہیوے۔

فِلِپّیوں 1:7 Cross References

اعمال 20:23

فقط اِیہو جانڑدا ہاں جو رُوح القُدس دی طرفوں ہر شہر ءچ اِیہو آگاہی مِلدی ریہی جو قید تے مُصیبتاں میڈے اِنتظار ءچ ہِن۔

اعمال 21:33

پلٹن دے سپہ سالار نیڑے آ تے اُونکُوں گرفتار کر تے ڈُو زنجیراں نال بدھنڑ دا حُکم ڈِتا۔ وَل پُچھیا ایہ بندہ کوݨ ہے تے اِینیں کیا کیتے؟

1کُرِنتھِیوں 13:7

سبھ کُجھ سہہ گِھندی ہے، ہر حالت ءچ یقین رکھیندی ہے، سارے گالھیں دی اُمید رکھیندی ہے، سبھ گالھیں دی برداشت کریندی ہے۔

1کُرِنتھِیوں 9:23

مَیں ایہ سبھ کُجھ خوشخبری دی خاطر کریندا ہاں تاں جو ڈُوجھیاں نال خوشخبری دیاں برکتاں ءچ شریک تھی سگاں۔

2کُرِنتھِیوں 3:2

نئیں، تُساں خود ساڈی چِٹھی ہیوے، جیہڑی ساڈے دِلاں اُتے لِکھی پئی ہے۔ اِینکُوں سبھ لوک جانڑدے تے پڑھدے ہِن۔

2کُرِنتھِیوں 7:3

مَیں تُہاکُوں قصُوروار کھڑاوݨ کیتے ایہ نئیں اکھیندا۔ مَیں پہلے ای لِکھ ڈِتے جو تُساں ساڈے دِلاں ءچ وس گئے ہیوے تے ہُنڑ ساڈا زندہ راہنڑ تے مرݨ تُہاڈے نال ہے۔

گلتِیوں 5:6

کیوں جو مسیح یسُوع ءچ ہوندے ہوئے ختنہ کراوݨ یا نہ کراوݨ دی کوئی اہمیت نئیں۔ صرف او اِیمان اہم ہے جیہڑا محبت کرݨ نال ظاہر تھیندے۔

اِفِسیوں 3:1

اِیں واسطے مَیں پولُس جیہڑا تُساں غیر قوماں دی خاطر مسیح یسُوع کیتے قیدی ہاں تُہاڈے کیتے دُعا کریندا ہاں۔

اِفِسیوں 4:1

بس مَیں جیہڑا خُداوند یسُوع دی خاطر قید ءچ ہاں، تُہاڈی مِنت کریندا ہاں جو اُوں بُلاوے دے لائق زندگی گُزارو جیندے کیتے خُدا تُہاکُوں سڈے۔

اِفِسیوں 6:20

جیندی خاطر مَیں زنجیراں نال بدھیا ہویا مسیح دا ایلچی ہاں۔ تے دُعا کرو جو مَیں اُونکُوں ایجھی دلیری نال بیان کراں جِینویں میڈے اُتے فرض ہے۔

فِلِپّیوں 1:12

بِھراؤ! مَیں تُہاکُوں ڈساوݨ چاہندا ہاں جو جیہڑا کُجھ میڈے اُتے گُزرے او خوشخبری ودھاوݨ دا سبب بنڑیا ہے۔

فِلِپّیوں 1:13

اِتُھوں تئیں جو شاہی محل دے سارے سپاہیاں تے باقی لوکاں کُوں صاف پتا چل گئے جو مَیں مسیح دی خاطر قید ءچ ہاں۔

فِلِپّیوں 1:14

تے میڈے قید تھیوݨ دی وجہ کنُوں اکثر بِھرا خُداوند ءچ اِتُھوں تئیں دلیر تھی گئین جو او بے خوف تے جُرأت نال خُدا دا کلام سُنڑاوݨ لگے ہِن۔

فِلِپّیوں 1:5

اِیں واسطے جو تُساں پہلے ڈینہہ کنُوں اَج تئیں خوشخبری سُنڑاوݨ ءچ میڈے نال شریک ریہے ہیوے۔

فِلِپّیوں 2:22

پر تُساں تاں جانڑدے ہیوے جو تِیمُتِھیُس بھروسے دے لائق ثابت تھئے کیوں جو جِینویں پوتر پِیُو نال کم کریندے، اُونویں ای اُوں میڈے نال رَل تے خوشخبری دی تبلیغ کرݨ دی خدمت کیتی ہے۔

فِلِپّیوں 4:14

وَل وی تُساں چنگا کیتے جو میڈی مُصیبت ءچ شامل تھئے۔

فِلِپّیوں 4:15

تُساں فِلپی دے راہنڑ آلیو چنگی طرحاں جانڑدے ہیوے جو خوشخبری دی خدمت دے شروع ءچ جِیں ویلے مَیں مَکِدُنیہ کنُوں روانہ تھیّا ہم تاں تُہاڈے علاوہ کہیں کلیسیا پیسے ڈیوݨ دے معاملے ءچ میڈی مدد نہ کیتی۔

فِلِپّیوں 4:3

تے میڈے سچے سنگتی، مَیں تیکُوں وی عرض کریندا ہاں جو اِنہاں عورتاں دی مدد کر، کیوں جو اُنہاں کلیمینس تے میڈے نال خدمت کرݨ آلے باقی لوکاں سمیت میڈے نال خوشخبری سُنڑاوݨ ءچ بہُوں محنت کیتی ہے۔ اِنہاں ساریاں دے ناں کتاب ِ حیات ءچ لِکھے ہِن۔

کلُسِّیوں 4:18

مَیں پولُس آپنڑے ہتھ نال تُہاکُوں سلام لِکھدا پِیا ہاں۔ میڈے زنجیراں کُوں یاد رکھائے۔ خُدا دا فضل تُہاڈے نال راہوے۔

کلُسِّیوں 4:3

تے ساڈے کیتے وی دُعا کرو جو خُدا ساڈے کیتے کلام سُنڑاونڑ دا دروازہ کھول ڈیوے تاں جو مَیں مسیح دے راز دی تبلیغ کر سگاں جیندی وجہ کنُوں قید ءچ ہاں۔

1تھِسّلُنیکیوں 5:5

کیوں جو تُساں سارے نُور دے فرزند تے ڈینہہ دے فرزند ہیوے۔ اساں نہ رات دے ہیں نہ اندھارے دے۔

2 تِیمُتھِیُس 1:8

اِیں واسطے تُوں ساڈے خُداوند دی گواہی ڈیوݨ تُوں نہ شرما، تے نہ میڈے تُوں جیہڑا اُوندی خاطر قیدی ہاں بلکہ خُدا دی قُدرت دی مدد نال میڈے نال خوشخبری دی خاطر ڈُکھ چا۔

2 تِیمُتھِیُس 2:9

اِیں خوشخبری کیتے مَیں ڈُکھ چیندا ہاں بلکہ مُجرم وانگُوں قید ءچ ہاں، پر خُدا دا کلام کہیں قید ءچ نئیں۔

فِلیمون 1:13

میں تاں اُونکُوں آپنڑے کولھ ای رکھنڑ چاہندا ہم تاں جو جئیں تئیں مَیں خوشخبری سُنڑاوݨ دی وجہ تُوں قید ءچ ہاں، او تیڈی جاہ تے میڈی خدمت کرے۔

عبرانیوں 3:1

اِیں واسطے میڈے پاک بِھراؤ، تُساں جیہڑے اسمانی دعوتءچ شریک ہیوے، یسُوع اُتے غور کرو جیہڑا رسُول تے کاہِن ِ اعظم ہے تے جِیندا اساں اِقرار کریندے ہیں۔

1 پطرس 4:13

بلکہ خوشی مناؤ جو تُساں مسیح دے ڈُکھاں ءچ شریک تھی گئے ہیوے تاں جو جِیں ویلے اُوندا جلال ظاہر تھیوے تاں تُساں مزید وی خوش تھی سگو۔

1 پطرس 5:1

تُساں جیہڑے کلیسیا دے بزُرگ ہیوے، میں تُہاکُوں ہِک بزُرگ، مسیح دے ڈُکھاں دا گواہ، تے اُوندے ظاہر تھیوݨ آلے جلال ءچ شریک تھیوݨ آلے دی حیثیت نال ایہ نصیحت کریندا ہاں جو

2 پطرس 1:13

بلکہ جِیں ویلے تئیں مَیں اِیں فانی بدن ءچ ہاں تُہاکُوں یاد ڈیوا ڈیوا تے تُہاڈی حوصلہ افزائی کرݨ آپنڑے اُتے فرض سمجھدا ہاں،

1 یُوحنّا 3:14

اساں جانڑدے ہیں جو اساں موت کنُوں نِکل تے زندگی ءچ داخل تھی گئے ہیں، کیوں جو اساں آپنڑے بِھرانواں نال محبت رکھیندے ہیں۔ جیہڑا کوئی محبت نئیں رکھیندا، او ہُنڑ تئیں موت دی حالت ءچ ہے۔