فِلِپّیوں 1:25 - کِتاب مُقدّس سرائیکی ترجمہ

²⁵ اِیں واسطے میکُوں اِیں گالھ دا بہُوں یقین ہے جو مَیں زندہ راہساں بلکہ تُساں ساریاں دے نال راہساں تاں جو تُساں اِیمان ءچ ترقی کرو تے خوش راہو۔

فِلِپّیوں 1:25 Cross References

لُوقا 22:32

پر مَیں تیڈے کیتے دُعا کیتی جو تیڈا اِیمان ویندا نہ راہوے۔ تے جِیں ویلے تُوں رجُوع کریں تاں آپنڑے بِھرانواں کُوں مضبوط کریں۔“

اعمال 11:23

جِیں ویلے او اُتھاں پُجیا تاں لوکاں اُتے خُدا دا فضل ڈیکھ تے بہُوں خوش تھیّا تے اُنہاں سبھ کُوں نصیحت کیتی جو پُورے دل نال خُداوند دے وفادار بنڑے راہو۔

اعمال 14:22

تے شاگرداں دے دِلاں کُوں مضبوط کریندے تے ایہ نصیحت کریندے ہَن جو ”آپنڑے اِیمان اُتے قائم راہو“ تے آدھے ہَن ”ضرور ہے جو اساں بہُوں ساریاں مُصیبتاں سہہ تے خُدا دی بادشاہی ءچ داخل تھیؤں۔“

اعمال 20:25

ہُنڑ مَیں جانڑدا ہاں جو تُساں جِنہاں ءچ مَیں خُدا دی بادشاہی دی تبلیغ کریندا ریہا ہاں میکُوں وَل نہ ڈیکھسو۔

رومیوں 15:13

خُدا جیہڑا اُمید دا سرچشمہ ہے تُہاکُوں اِیمان رکھنڑ دے سببّوں ساری خوشی تے اِطمینان نال بھر ڈیوے تاں جو رُوح القُدس دی قُدرت نال تُہاڈی اُمید ودھدی ونجے۔

رومیوں 15:18

پر میکُوں کہیں بئے کم کُوں بیان کرݨ دی جُرأت نئیں سوائے اِنہاں کماں دے جیہڑے مسیح غیریہُودیاں کُوں خُدا دے تابع کرݨ کیتے میڈے ذریعے کیتے۔ اُوں ایہ سبھ کُجھ، کم، کلام،

رومیوں 15:29

مَیں جانڑدا ہاں جو جِیں ویلے تُہاڈے کولھ آساں تاں مسیح دیاں ساریاں برکتاں گِھن تے آساں۔

رومیوں 5:2

یسُوع دے وسیلے ساکُوں اِیمان دے سببّوں او فضل حاصل تھیّا جیندے اُتے اساں قائم وی ہیں، تے اساں خُدا دے جلال دی اُمید اُتے خوش ہیں۔

2کُرِنتھِیوں 1:24

میڈا ایہ مقصد نئیں جو اساں اِیمان دے بارے ءچ تُہاڈے اُتے حُکم چلاؤں، بلکہ تُہاڈی خوشی کیتے تُہاڈے مددگار ہیں، کیوں جو تُساں آپنڑے اِیمان اُتے مضبوطی نال قائم راہندے ہیوے۔

فِلِپّیوں 1:24

پر میڈا جِسمانی طور تے زندہ راہنڑ تُہاڈے کیتے زیادہ ضروری ہے۔

فِلِپّیوں 2:24

بلکہ میکُوں خُداوند اُتے بھروسا ہے جو مَیں وی جلدی آساں۔

فِلیمون 1:22

ہِک بئی گزارش ایہ وی ہے جو میڈے راہنڑ کیتے جاہ تیار رکھیں کیوں جو میکُوں اُمید ہے جو تُہاڈیاں دُعاواں دے وسیلے مَیں قید کنُوں چُھٹ تے تُہاڈے ءچ آ ویساں۔

1 پطرس 1:8

تُساں یسُوع کُوں نئیں ڈِٹھا وَل وی اُوندے نال محبت کریندے ہیوے۔ بھانویں تُساں اِیں وقت اُونکُوں نئیں ڈیدھے، وَل وی اُوندے اُتے اِیمان رکھیندے ہوئے ایجھی خوشی منیندے ہیوے جیہڑی بیان تُوں باہر تے جلال آلی ہے۔