luqa 4:6 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁶ ييني‑اس: «راد‑اك‑فكغ ا‑تحكامت كولّو ماياد، ييلي‑اك لمجد‑نس كولّوت، اشكو نكّي ا‑مي‑يتياوفكا ا‑ت‑فكغ ءي‑وانّا ريغ.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁶ yini‑as: «rad‑ak‑fkġ a‑tḥkamt kullu mayad, yili‑ak lmjd‑ns kullut, ašku nkki a‑mi‑ityawfka a‑t‑fkġ i‑wanna riġ.

luqa 4:6 Cross References

luqa 4:7

ءيغ‑يّي‑تسجدت، كولّو ماياد را‑يگ وينّك.»

yuḥanna 12:31

اشكو غيلاد ا‑را‑يتّوت لحوكم ف‑دّونيت. غيلاد ا‑را‑ن‑يتياوگار‑وگلّيد ن‑دّونيت‑اد.

yuḥanna 14:30

ءور‑را‑سول‑ديدون‑ساولغ باهرا. را‑د‑ياشك غوالّي ءيتحكامن غ‑دّونيت‑اد، ءيمّا نتّا ءور‑دارس‑فلّا يات.

yuḥanna 8:44

وين باباتون ءيبليس ا‑تگام، ار‑تّيريم ا‑تسكارم ما‑يرضان باباتون. ءيگا واد ءينقّان زغ‑يسيزوار، ءور‑جّو‑يسكير س‑لحقّ اشكو لحقّ ءور‑دارس‑يلّي. غاكود نّا‑يسّكاركس ار‑يسكار س‑ما‑گيس‑يلّان، اشكو بو‑تكركاس ا‑يگا، ءيگ باباس ن‑كولّو ما‑يسّكيركيسن.

2 kurintus 11:14

ءور‑يگي غاياد لعجب، اشكو شيطان ءولا نتّان ار‑يتبدّال سّيفت‑نس باش ا‑يرواس يا‑لّمالاك ءيفاون.

afsus 2:2

تكّام‑تّين ار‑تّيدوم غ‑وغاراس ن‑دّونيت‑اد، ار‑تّضفارم لقوّا يُخشنّ لّي‑يتجهّدن غ‑يگنوان. تگا رّوح لّي‑يتحكامن غيلاد غ‑غويلّي ءور‑سفليدنين س‑ربّي.

1 bṭrus 1:24

اشكو ءيتيارا: «بنادم ءيگا زوند توگا، تگ لهيبت‑نس زوند اجدّيگ ن‑توگا. تسلّاو توگا ياسوس‑وجدّيگ،

1 yuḥanna 5:19

نسّن ءيس‑نگا تاروا ن‑ربّي، تيلي دّونيت كولّوتّ غ‑دّو‑وفوس ن‑يبليس.

anurẓm 12:9

ءيتياوگار‑ن‑ولگمّاض‑ان ءيمقّورن س‑ييزدار. نتّان ا‑مي‑تّينين ‹ءيبليس› ءولا ‹شيطان›، ءيگ ابنكال اقديم لّي‑يجلّون كولّو ءيمزدغن ن‑دّونيت. ءيتياوگار‑ن س‑واكال نتّا د‑لمالايكا‑نس.

anurẓm 13:2

ءيگ‑واغُژن‑ان زوند اگرزام، صحون ءيضارن‑نس ءيلين‑گيسن‑واخبّاشن مقّورنين، ءيگ ءيمي‑نس زوند ءيمي ن‑يزم. ءيفك‑اس‑ولگمّاض لحوكم‑نس ءولا تاژضّارت ءيتجهّدن ن‑تگلديت‑نس.

anurẓm 13:7

ءيتّفك‑اس ا‑يتمّاغ د‑يمژلاين ن‑ربّي ءينرو‑تن، ءيتّفك‑اس ا‑يحكام غ‑مدّن ن‑كرايگاتّ تاقبيلت د‑تاسوت د‑لّوغا د‑تمازيرت.