luqa 11:4 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴ تصامحت‑اغ ف‑دّنوب لّي‑نسكر، غمكلّي نتصاماح ءي‑كولّو وانّا گينّغ ءيسكرن لخُشانت. تسّانفت‑اغ ءي‑ما‑راد‑اغ‑يجلّو.› »

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴ tṣamḥt‑aġ f‑ddnub lli‑nskr, ġmklli ntṣamaḥ i‑kullu wanna ginnġ iskrn lh̬ʷšant. tssanft‑aġ i‑ma‑rad‑aġ‑ijllu.›»

luqa 11:4 Cross References

matta 18:35

غمكان ا‑را‑يسكر بابا ربّي ن‑يگنّا ءي‑كولّو وانّا گيگون ءور‑يصامحن ءي‑گماس س‑نّيت ن‑وول‑نس.»

matta 26:41

اوزات تضالبم ربّي ا‑كُن‑يسّانف ءي‑كولّو ما‑را‑كُن‑يجلّو. هاتي ءول ن‑بنادم ار‑يتّيري ا‑يسكار افولكي، ءيمّا دّات‑نس تضعف.»

luqa 11:5

ءيزايد ييني‑اسن: «ما‑را‑يجرو ءيغ‑يدّا يان گيگون س‑تگمّي ن‑ومدّاكُّل‑نس غ‑طوژّونت ن‑ييض ييني‑اس ‹وا‑گما، رضل‑يّي كراطّ‑تنگُال

luqa 13:4

ما‑تغالم ف‑مدّن لّي‑ف‑يضر لبرج غ‑سيلوام، ءينغ‑تن كولّو س‑تام د‑مراو؟ ءيزد نتني ا‑يُخشنّ ءوگُّار ن‑كولّو وييّاض غ‑وروشاليم؟

luqa 22:46

ييني‑اسن: «ماخ ا‑تطّاسم؟ نكرات تضالبم ربّي ا‑كُن‑يسّانف ءي‑كولّو ما‑را‑كُن‑يجلّو.»

luqa 8:13

ءيمّا غوالّي ءيضرن غ‑يسلي ءيگا زوند مدّن لّي‑سفلدنين ءي‑واوال فرحن سرس والاينّي ءور‑يكشيم‑واوال‑ان س‑وول‑نسن. امنّ غير كرا ن‑ووسّان ارد تيلي تاسّاست س‑كنوكين.

yuḥanna 17:15

ءور‑ا‑ك‑تضالابغ ا‑تن‑تسّيتّيت زغ‑دّونيت والاينّي ا‑تن‑تسّنتالت زغ‑يبليس.

1 kurintus 10:13

ءور‑فلّاون‑تزري كرا ن‑تاسّاست ابلا ختالّي كولّو ءيزراين ف‑مدّن. ءيمّا ربّي ءيزگا‑بدّا غ‑واوال‑نس، ءور‑را‑كُن‑يادج ا‑تّيارامّ ءوگُّار ن‑ما‑مي‑تژضارم. هاتي غاكود نّا‑تزرايم غ‑تاسّاست راد‑اون‑يمل مامنك ا‑ستّي‑تنروم تنجمّ زغ‑گيس.

kulussi 3:13

بلا‑دا‑ياون‑تطيّار ف‑ينگراتون. ءيغ‑يلّا يان دار ما‑س‑ا‑يتاشتكّا س‑وايّاض، ءيلّا فلّاس اد‑اس‑يصامح. صامحات ءي‑نگراتون غمكلّي‑اون‑يصامح سيديتون.

2 tasaluniki 3:3

ءيمّا سيديتنّغ ءيقاما‑بدّا غ‑واوال‑نس، را‑كُن‑يسّدوس ءيسّنتال‑كُن زغ‑والّي يُخشنّ.

2 timutaws 4:18

را‑يّي‑يجّنجم سيديتنّغ زغ‑كولّو ما‑يُخشنّ، ءيسّروح‑يّي‑ن غ‑لامان س‑تگلديت‑نس ن‑يگنّا. نتّان ا‑باهرا‑نتالغ غيلاد ءولا كولّو مايد‑د‑يفتان. امين.

yaɛqub 2:13

اشكو وانّا ءور‑يتصاماحن، را‑فلّاس‑يحكام ربّي بلا‑ياس‑يصامح. ءيمّا وانّا ءيتصاماحن، ءور‑را‑ت‑يلكم لحوكم.

anurẓm 2:10

ءيمّا غيلاد، اد‑ور‑تيكساطّ تانوكموت لّي‑را‑فلّاك‑يزري. هاتي را‑ك‑يارم ءيبليس ءيلوح‑ن كرا گيگون غ‑لحبس. را‑ترفوفنت مراو‑ووسّان. زگا غ‑وغاراس‑ينو ار لموت، فكغ‑اك تّاج ن‑تودرت.

anurẓm 3:10

هاتي تصبرت تزگات غمكلّي‑ك‑وصّاغ. ف‑مايان ا‑ف‑را‑ك‑سّنتالغ غ‑تاساعت ن‑تنوكموت لّي‑را‑يزري ف‑دّونيت ا‑تارم كولّو ويلّي گيس زدغنين.