luqa 8:12 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹² ġwalli iḍrn ġ‑uġaras iga zund mddn lli‑sfldnin i‑wawal yašk‑id iblis ikkis awal zġ‑ih̬f‑nsn baš a‑ur‑amnn njmn.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹² غوالّي ءيضرن غ‑وغاراس ءيگا زوند مدّن لّي‑سفلدنين ءي‑واوال ياشك‑يد ءيبليس ءيكّيس اوال زغ‑يخف‑نسن باش ا‑ور‑امنّ نجمن.

luqa 8:12 Cross References

matta 13:19

amud lli‑iḍrn ġ‑uġaras, iga ntta zund yan isfldn i‑wawal n‑tgldit n‑ignna ur‑t‑ifhim. yašk‑id iblis ikkis‑as awal lli‑illan ġ‑ih̬f‑ns.

matta 13:4

lliġ‑t‑iluḥ iḍr‑n kra ġ‑uġaras aškin‑d igḍaḍ grun‑t.

marqus 4:15

kra n‑mddn gan zund amud lli‑iḍrn ġ‑uġaras. lliġ sfldn i‑wawal yašk‑id šiṭan, ikkis‑asn awal lli‑darsn‑illan.

luqa 8:11

«ġmkad a‑tga lmɛna‑yad. amud iga awal n‑rbbi.

luqa 8:13

imma ġwalli iḍrn ġ‑isli iga zund mddn lli‑sfldnin i‑wawal frḥn srs walaynni ur‑ikšim‑wawal‑an s‑uwl‑nsn. amnn ġir kra n‑uwssan ard tili tassast s‑knukin.

luqa 8:5

«hay‑afllaḥ iffuġ a‑n‑iluḥ amud. lliġ‑t‑iluḥ iḍr‑n kra ġ‑uġaras, akʷln fllas mddn, grun‑t igḍaḍ.

anurẓm 12:9

ityawgar‑n‑ulgmmaḍ‑an imqqurn s‑iyzdar. nttan a‑mi‑ttinin ‹iblis› ula ‹šiṭan›, ig abnkal aqdim lli‑ijllun kullu imzdġn n‑ddunit. ityawgar‑n s‑wakal ntta d‑lmalayka‑ns.