luqa 8:10 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁰ yini‑asn yasuɛ: «kunni ityawfka‑yawn a‑tissanm f‑tgldit n‑rbbi ma‑intln f‑wiyyaḍ. imma ntni, ġir s‑lmɛni a‑s‑rad‑asn‑ityawnna. ġmklli ityaran, ‹rad‑tmnadn walaynni ur‑rad‑ẓrn yat. rad‑sflidn walaynni ur‑rad‑fhmn yat.›

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁰ ييني‑اسن ياسوع: «كونّي ءيتياوفكا‑ياون ا‑تيسّانم ف‑تگلديت ن‑ربّي ما‑ينتلن ف‑وييّاض. ءيمّا نتني، غير س‑لمعني ا‑س‑راد‑اسن‑يتياونّا. غمكلّي ءيتياران، ‹راد‑تمنادن والاينّي ءور‑راد‑ژرن يات. راد‑سفليدن والاينّي ءور‑راد‑فهمن يات.›

luqa 8:10 Cross References

matta 11:25

iẓẓall yasuɛ ġ‑tasaɛt‑an yini: «wa‑baba, sidis n‑ignna d‑wakal, ulġġ‑k ašku tssntlt tiġawsiwin‑ad f‑ayt‑lɛaql d‑lfhmt tssmlt‑tnt i‑ibujadiyn.

matta 16:17

yini‑as yasuɛ: «ambarki a‑tgit a‑simɛan yus n‑yuna, ašku urd bnadm ad‑ak‑imlan mayad, walaynni imla‑yak‑t baba rbbi lli‑illan ġ‑ignna.

marqus 4:11

yini‑asn yasuɛ: «kunni ityawfka‑yawn a‑tissanm f‑tgldit n‑rbbi ma‑intln f‑mddn yaḍni. imma ġwin n‑brra rad‑asn‑kullu‑ityawnna s‑lmɛni.

marqus 4:12

ġmklli ityaran ‹rad‑bahra‑tmnadn walaynni ur‑rad‑issann mad‑mnadn. rad‑bahra‑sflidn walaynni ur‑rad‑fhmn ma‑mi‑sfldn. ur‑rin a‑d‑sri‑wrrin a‑fllasn‑ssittiġ ddnub‑nsn.›»

yuḥanna 12:40

«rbbi issbukḍ alln‑nsn issiqar ih̬f‑nsn, a‑ur‑ẓrnt‑walln‑nsn ula ifhm ih̬f‑nsn ula wrrin‑d sri a‑tn‑jjujjiġ.»

ruma 16:25

imma ġilad, a‑nalġ rbbi lli‑iẓḍarn a‑kʷn‑izzga ġ‑liman‑nnun ġmklli‑awn‑nniġ s‑lh̬bar ifulkin lli‑s‑a‑tbrraḥġ f‑lmasiḥ yasuɛ.

1 kurintus 12:11

walaynni kullu mayad, ar‑t‑iskar rruḥ lqudus lli‑igan yan, ar‑yakka i‑kud yan ġmklli ittiri ntta.

kulussi 2:2

walaynni ar‑skarġ kullu mayad baš ad‑zɛmn‑uwlawn‑nsn, gn kullu yan s‑tayri n‑ingratsn, tili‑asn lbaraka n‑twassna ikmmln f‑maylli intln ġayd izrin. ašku rbbi issbayyn‑aġ‑d lmasiḥ,

1 timutaws 3:16

maylli‑aġ‑d‑imla rbbi, ar‑kullu‑gis‑ntɛjjab: iban‑d ġ‑ssift n‑bnadm, inru s‑tḥkimt n‑rruḥ, ẓrn‑t lmalayka. ilkm lh̬bar‑ns timizar aggugnin, amnn srs ġ‑kullu ddunit, ityalal s‑lmjd.