luqa 3:8 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁸ skarat afulki baš a‑iban is‑tflm ma‑yʷh̬šnn. a‑ur‑ttinim i‑ngratun ‹nkkʷni nga tarwa n‑ibrahim,› ašku rad‑awn‑iniġ, rbbi iẓḍar a‑d‑issnkr tarwa i‑ibrahim ula zġ‑iẓran‑ad.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁸ سكارات افولكي باش ا‑يبان ءيس‑تفلم ما‑يُخشنّ. ا‑ور‑تّينيم ءي‑نگراتون ‹نكُّني نگا تاروا ن‑يبراهيم،› اشكو راد‑اون‑ينيغ، ربّي ءيژضار ا‑د‑يسّنكر تاروا ءي‑يبراهيم ءولا زغ‑يژران‑اد.

luqa 3:8 Cross References

matta 21:43

f‑mayan a‑f‑rad‑awn‑iniġ, ra‑kʷn‑issufġ rbbi zġ‑tgldit‑ns, ifk‑tt i‑mddn yaḍni lli‑ra‑yakka lġllt‑ns.

matta 3:8

skarat afulki baš a‑iban is‑tflm ma‑yʷh̬šnn.

matta 3:9

a‑ur‑ttinim i‑ngratun ‹nkkʷni nga tarwa n‑ibrahim,› ašku rad‑awn‑iniġ, rbbi iẓḍar a‑d‑issnkr tarwa i‑ibrahim ula zġ‑iẓran‑ad.

luqa 13:25

ašku ġakud nna‑ġ‑inkr bu‑tgmmi iqqn imi, ra‑tbiddm ġ‑brra ar‑n‑srs‑tssḍuqqurm ar‑ttinim: ‹rẓm‑aġ a‑sidi.› imma ntta rad‑awn‑yini: ‹ur‑ssinġ mani‑di‑tkkam kunni.›

luqa 13:26

rad‑as‑ttinim: ‹ha‑nkkʷni nšša dik nsu dik, tsslmdt ġ‑tmdint‑nnġ.›

luqa 14:9

yašk‑id ġwalli‑awn‑iɛrḍn yini‑ak: ‹nkr a‑iskiws‑urgaz‑ad.› ġakudan ra‑tḥšmt d‑ih̬f‑nnk twrrit s‑tġurdin n‑kullu mddn‑an.

luqa 19:40

irar‑asn yasuɛ: «rad‑awn‑iniġ, iġ‑fssan ġwid, rad‑utn iẓran‑ad taġurit.»

luqa 19:9

isawl yasuɛ yini‑as: «ġassad ilkm‑d‑ujnjm n‑rbbi tigmmi‑ad, ašku yumn ġwad ula ntta ġmklli yumn babatnnġ ibrahim.

luqa 5:21

bdun imslmdn‑lli n‑ššrɛ d‑ifarisin ar‑swingimn d‑ih̬fawn‑nsn: «ma‑iga ġwad ar‑isawal s‑lkufr? ma‑iẓḍarn a‑issitti ddnub abla rbbi waḥdut?»

yuḥanna 8:33

rarn‑as‑d: «nkkʷni nga tarwa n‑ibrahim, ur‑jju‑illi mad‑aġ‑ikrsn. mah̬ a‑ttinit ‹rad‑awn‑ifsi›?»

yuḥanna 8:39

inin‑as‑d: «ibrahim a‑igan babatnnġ.» irar‑asn yasuɛ: «mrad is‑tgam tarwa n‑ibrahim ra‑tskarm ġmklli iskar ibrahim.

irqqasn 26:20

ffuġġ ar‑tbrraḥġ ġ‑dimašq, dduġ ilmma ar‑tbrraḥġ ġ‑urušalim ula ġ‑kullu tamazirt n‑yudaya ula timizar n‑ibrraniyn. ar‑asn‑ttiniġ is‑tn‑ih̬ṣṣa ad‑fln kullu ma‑yʷh̬šnn wrrin s‑rbbi, ar‑skarn afulki baš a‑iban is‑fln ma‑yʷh̬šnn.

ruma 4:16

imma ġwilli umnnin, ntni a‑ra‑yamẓ kullu mayad. ntni a‑mi‑ra‑issafu rbbi awal‑ns, baš a‑yakka lbaraka‑ns i‑kullu winna ganin tarwa n‑ibrahim, urd ġir i‑willi skarnin s‑ššrɛ, walaynni ra‑stt‑yakka i‑willi umnnin ġmklli yumn ibrahim. ašku ibrahim iwrri iga babatnnġ kullwaġ,

ruma 9:7

ula tarwa n‑ibrahim, ur‑gin kullutn ayt‑ibrahim. ašku inna rbbi: «zġ‑tarwa n‑yuk isḥaq a‑zġ‑ra‑tili tasut‑nnk.»

filibbi 1:11

rad‑awn‑tigat ṣṣabt n‑ufulki lli‑gigun‑iskar yasuɛ lmasiḥ, iban gigun lmjd n‑rbbi, alġn‑t mddn f‑ssibt‑nnun.