luqa 2:10 - aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁰ isawl lmalak yini‑asn: «ad‑ur‑tiksaḍm. hati iwiġ‑awn‑d lh̬bar ifulkin f‑lfrḥ iggutn lli‑ra‑yili i‑kullu‑mddn.

اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁰ ءيساول لمالاك ييني‑اسن: «اد‑ور‑تيكساضم. هاتي ءيويغ‑اون‑د لخبار ءيفولكين ف‑لفرح ءيگّوتن لّي‑را‑ييلي ءي‑كولّو‑مدّن.

luqa 2:10 Cross References

matta 14:27

ġakudan isawl‑d yasuɛ yini‑asn: «ad‑ur‑tiksaḍm. thnnayat, nkkin aya.»

matta 28:18

imma yasuɛ iruḥ‑tn yini‑asn: «hati ġ‑ufus‑inu a‑ġ‑ityawfka kullu ma‑illan ġ‑ignwan ula ġ‑wakal.

matta 28:5

isawl lmalak s‑tmġarin yini‑asnt: «ad‑ur‑tiksaḍmt. ssnġ is‑a‑tsiggilmt yasuɛ lli‑immutn f‑uggjdi.

marqus 1:15

ar‑ittini: «ikmml zzman, takmur‑d‑tgldit n‑rbbi. flat kullu ma‑tskarm yʷh̬šn, tġwim ġ‑lh̬bar‑ad ifulkin.»

marqus 16:15

yini‑asn ġakudan: «ffuġat ar‑ttidum s‑ddunit kullutt, ar‑ttbrraḥm s‑lh̬bar‑ad ifulkin i‑kullu mddn.

luqa 1:13

isawl lmalak yini‑as: «wa‑zakariyya, ad‑ur‑tiksaṭṭ. isfld rbbi i‑maylli‑as‑ttḍalabt. rad‑ak‑taru‑tmġart‑nnk aliṣabaṭ yan‑wazzan, tgt‑as ism ‹yuḥanna›.

luqa 1:19

yini‑as lmalak: «nkki giġ jibrayyil, ar‑tbddadġ ġ‑lgddam n‑rbbi. yuzn‑iyi‑d a‑srk‑sawlġ awiġ‑ak‑d lh̬bar‑ad ifulkin.

luqa 1:30

imma lmalak isawl‑daġ yini‑as: «wa‑maryam, ad‑ur‑tiksaṭṭ, ašku rbbi irḍa fllam.

luqa 2:11

ašku ġassad ġ‑tmdint n‑dawd ilul‑awn‑d‑unjjam lli igan lmasiḥ siditnnġ.

luqa 24:47

tffuġ‑tbrraḥt s‑ism‑ns zġ‑urušalim ard tlkm kullu timizar n‑ddunit, sfldn kullu mddn f‑mamnk a‑s‑ẓḍarn ad‑fln ddnub‑nsn iṣamḥ‑asn rbbi.

luqa 8:1

tiġurdin n‑mayan iddu yasuɛ ar‑itkka timdinin ula iduran ar‑itbrraḥ s‑lh̬bar ifulkin f‑tgldit n‑rbbi. ar‑dids‑tmunun imḥḍarn‑ns s‑sin d‑mraw,

irqqasn 13:32

ula nkkʷni nuška‑d nawi‑awn‑d lh̬bar‑ad ifulkin, ašku maylli inna rbbi i‑imzwura‑nnġ f‑ma‑ra‑iskr,

ruma 10:15

mamnk a‑ra‑n‑awin lh̬bar iġ‑ur‑illi ma‑tn‑yuznn? ġmklli ityaran: «mnšk a‑s‑ifulki a‑nẓr ġwid‑d‑iwinin lh̬bar išwan.»

afsus 3:8

wah̬h̬a mẓẓiġ bahra ġ‑gr kullu imẓlayn n‑rbbi, ifka‑yyi lbaraka‑yad ad‑tbrraḥġ i‑ayt‑tmizar n‑ddunit f‑tmih̬ar l‑lmasiḥ lli‑ugʷrnin kullu iswingimn n‑bnadm.

kulussi 1:23

ġmkad a‑ra‑iskr iġ‑tzuydm tzgam ġ‑lmasiḥ tamẓm‑bdda gis bla tflm rrja iṣḥan lli‑f‑tsfldm ġ‑wawal l‑lh̬bar ifulkin. lh̬bar‑ad a‑mi‑ttkka‑tbrraḥt‑ns kullu ddunit, wrriġ gġ ah̬ddam‑ns ula nkki bulus.