Philipiko lạgitʼ Pạul apostolakʼ ciṭhi 4:11 - Santali Common Language New Testament

¹¹ Ińakʼ jãhãn ṭonṭa iạte noa kathań roṛeda ona do baṅ, ente jãhã dosaregeń tahen inạrege kusi tahen iń cetʼakawana.

সান্তালী বাইবেল

¹¹ Ińakʼ jãhãn ṭonṭa iạte noa kathań roṛeda ona do baṅ, ente jãhã dosaregeń tahen inạrege kusi tahen iń cetʼ akawana.

Philipiko lạgitʼ Pạul apostolakʼ ciṭhi 4:11 Cross References

Luk 3:14

Ar palṭonko hõko kulikedea, “Ale do cetʼle cekaea?” Uni doe metatʼkoa, “Jor julumkate se behok lekate dusikate okoe ṭhen khon hõ cetʼge alope hataoa ar apeakʼ kuṛạirege kusi tahenpe.”

2 Korinthiko 11:27

Mạsiakʼ sapʼdapʼ kạmire kosṭoreń paṛaolenre hõ ạḍiń khaṭao akana. Aema ńindạ jagwariń tahẽkana, reṅgecʼ ar tetaṅreń paṛaolena begor jomteń tahẽkana, rabaṅ ar laṅgaṭteń kosṭolena.

2 Korinthiko 6:10

Ạḍi dukle ńametʼre hõ aleakʼ ontor do jao ghuṛi rạskạte perecʼgetalea. Ale do apnarle reṅgecʼgere hõ, ḍher hoṛkole kisạ̃ṛ ocoyetʼkoa. Cetʼge bạnukʼtalere hõ, jotowakʼren ạidạriko kanale. Ar nonkatele sodoretʼkana, ale do Isorren sapʼ dapʼko kanale.

2 Korinthiko 8:9

Ape do aboren Probhu Jisu Mạsiakʼ daya dan reakʼ kathape baḍaegea, uni do apnartetʼe kisạ̃ṛgere hõ ape khạtirteye reṅgecʼena, jemon uniakʼ reṅgejokʼ hotete apepe kisạ̃ṛ daṛeakʼ.

2 Korinthiko 9:8

Isor do joto secʼte dayawape reakʼ daṛe menakʼtaea, jemon apeakʼ oka jạruṛ ona do jaoge tahentape; ar onate jemon joto lekan bhage kạmi lạgitʼ khulạsatepe dan daṛeakʼ.

Philipiko lạgitʼ Pạul apostolakʼ ciṭhi 3:8

Sạrige okoe lạgitʼ noako lokshaniń bujhạu akatʼ uni ińren Probhu Jisu Mạsi baḍaeyere oka asambheṛ bhor menakʼ, uni ńutumte jotowakʼge lokshan menteń hudiseda. Mạsi jemoniń lab daṛeae ar Mạsire jemoniń ńel ńamokʼ, onate onako do mạilạ lekań bujhạueda.

Ibriko 10:34

ar okoeko hajot ocoakan tahẽkan onkoakʼ duktepe duklena. Apeakʼ jinisko luṭlenre rạskạ salakʼpe manaoleda, entepe baḍaekan tahẽkana, arhõ bhage ar jaejug dhon menakʼtapea mente.