Philipiko lạgitʼ Pạul apostolakʼ ciṭhi 3:1 - Santali Common Language New Testament

¹ E ińren boehako, mucạtʼreń meneda, Probhu tulucʼ jopoṛao menakʼpete rạskạkʼpe. Ape ṭhen inạ kathage olape do bạń ạṛisokʼ kana, ar sontorpe lạgitʼ ona do bhagegea.

সান্তালী বাইবেল

¹ E ińren boehako, mucạtʼreń meneda, Probhu Isor tulucʼ jopoṛao menakʼpete rạskạkʼpe. Ape ṭhen inạ kathage olape do bạń ạṛisokʼ kana, ar sontorpe lạgitʼ ona do bhagegea.

Philipiko lạgitʼ Pạul apostolakʼ ciṭhi 3:1 Cross References

Mathae 5:12

Ape do rạskạ ar hulạsokʼpe, ente sermare ape lạgitʼ maraṅ kuṛại menakʼa. Ente ape laha okoe nạbikoko tahẽkan onko hõ nonkageko santaoletʼkoa.

Luk 1:47

ińren babańcaoicʼ Isor iạte, ińakʼ jiwi do rạskạte perecʼ akana,

Romiko lạgitʼ Pạul Apostolakʼ ciṭhi 5:11

Eken ona do baṅ, okoe hotete Isor tulucʼ bon samge akan uni Probhu Jisu Mạsi hotete abo do Isor sãote bon rạskạ midokʼ kana.

2 Korinthiko 13:11

E boehako, jotowakʼko sudhrạupe ar sạbitokʼpe. Ińakʼ katha luturakʼpe, ar mitʼ monokʼpe, ar sulukte tahenpe. Enḍekhan dulạṛren ar sulukren Isor do ape tulucʼe tahena.

Ephesiko lạgitʼ Pạul Apostolakʼ ciṭhi 6:10

Sarecʼ katha do nõkʼõe, Probhu sãote mitʼakae tahẽkate uni emakʼ maraṅ daṛete daṛeanko hoyokʼpe.

Philipiko lạgitʼ Pạul apostolakʼ ciṭhi 3:3

Abo kangeabon sạriakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Philipiko lạgitʼ Pạul apostolakʼ ciṭhi 4:4

Probhurepe kolom mitʼakante ape do jaoge rạskạkʼpe. Arhõń mena, rạskạkʼpe baṛe.

Philipiko lạgitʼ Pạul apostolakʼ ciṭhi 4:8

E boehako, mucạtʼre noageń mena, okaṭakʼ sạriakʼkan, okaṭakʼ do lek anakʼkan, okaṭakʼ do niphuṭ ar khạṭige, okaṭakʼ do mońjge, okaṭakʼ do manot ńam lek kan, metakʼme okaṭakʼ do bhageakʼkan ar sarhao ńamokʼ, onako secʼ moneakʼpe.

1 Thessalonikikko 4:1

Ado E boehako arhoń mena, Isor kusi ocoye lạgitʼ cetʼleka colon lek kan ona sikhạuna do ale ṭhen khonpe ńamakatʼgea, ar sạrige ape do onkagepe colonetʼ kana. Enhõ Probhu Jisu secʼte solha arle nehõrape kana jemon arhõ bạ̃ṛti onkalekape colon.

1 Thessalonikikko 5:16

Jao okte rạskạkʼpe,

Jakob 1:2

E ińren boehako, ạḍi lekan biḍạurepe paṛaokʼlenre ona do rạskạ reakʼ kana mente alope hudisa,

1 Patras 3:8

Mucạtʼre katha do nõkʼõe, ape sanamkoakʼ mon jemon mitʼ lekage hoyokʼ. Ape do mimitʼkoakʼ dukre dukokʼpe, boeha leka dupulạṛpe, daya ar nindhạnko hoyokʼpe.

1 Patras 4:13

Ona khon bickom Mạsiakʼ duk jom reakʼ bhạgiạdarkope hoeakante rạskạkʼpe, jemon uniakʼ mạhima sodorokʼre ape do rạskạtepe perejokʼ.

2 Patras 3:1

E dulạṛiạ boehako, ape ṭhen noa do ińakʼ dosar ciṭhi kana. Banar ciṭhirege iń do adomakʼko babotreń disạ ocoyetʼpete apeakʼ soṛa mon udgạu reakʼ iń kurumuṭuyeda.