फिलिप्पियनमन 4:4 - सादरी नवाँ नियम

⁴ प्रभु में सोउब बेरा खुश रहा। मोंय फिन कहोना, खुश रहा।

फिलिप्पियनमन 4:4 Cross References

मत्ती 5:12

तब खुशी मनाबा आउर रिझबा, काले कि तोहरेमन के स्वरग में बड़का इनाम भेटाई। तोहरेमन से ढेइर समय पहिले हों उमन परमेश्‍वर केर संदेश के बताएक वालामन के एहे लेखे सताय रहैं।

खास चेलामन केर काम 16:25

लगभग आधा राइत के पौलुस आउर सीलास प्रार्थना करत रहैं आउर परमेश्‍वर केर भजन गावत रहैं, आउर संगी कैदीमन उ मनक भजन के सुनत रहैं।

खास चेलामन केर काम 5:41

खास चेलामन महासभा से इ कइह के खुशी मनाते चाइल गेलैं कि हमरे यीशु केर चलते बेइज्जत होवेक केर लायक तो बनली।

रोमानियनमन 12:12

जे आसरा तोहरे ठिना अहे, उकर में खुश रहा, बिपइत में धीरज धरा, रोज दिन प्रार्थना में लगल रहा।

2 कुरिनथियनमन 6:10

हमरे ढेइर दुःख उठाइला, मगर सोउब बेरा खुशी मनाइला, हमरे खुद तो गरीब अही, मगर ढेइर आदमीमन के आत्मिक रीति से धनी बनाय देवीला, एइसन अही जइसन हमरे ठिना कोनों नखे, फिन भी हमरे ठिना सोउब कुछ अहे।

गलातियनमन 1:8

मगर, अगर हमरे में से केऊ चाहे स्वरग केर दूत हों, उ शिक्षा के छोइड़ के जेके हमरे तोहरेमन के सुनाय ही, केऊ आउर दोसर शिक्षा केर बारे में तोहरेमन के सुनाई, तो परमेश्‍वर उके जुग-जुग लगिन दंड देवी।

फिलिप्पियनमन 2:18

तइसनेहें तोहरेमन हों खुश होवा, आउर मोर संगे खुशी मनावा।

फिलिप्पियनमन 3:1

से लगिन हे मोर बिसवासी भाईमन, प्रभु में खुश रहा। ओहे गोइठमन तोहरेमन के घरी-घरी लिखेक में मोके तो कोनों तकलीफ नी होवेला, काले कि इ गोइठमन तोहरे के झूठा शिक्षामन से बचेक में मदइत करी।

1 पतरस 4:13

सिरिफ इकर बारे में खुश रहा, काले कि तोहरे के उ दुःखमन में एक हिस्सा मिल हे जे मसीह के मिल रहे। इकर चलते, जब मसीह सोउब आदमीमन उपरे अपन महिमा के दिस्तार करेक लगिन फिन से आवी, तो तोहर खुशी सच में बाड़ होवी।